Uncategorized

صغيرة الادهم الجزء الاخير

فارس : ادخلي غيري هدومك واتوضي عشان نصلي

ذهبت حور ونفذت ما قاله فارس
وقفت ورائه وبدءو بالصلاه وبعد انتهاء الصلاه
قلعت الاسدال وذهبت بسرعه الي الطعام

نظر فارس خلفه ليتحدث معها لم يجدها نهض ليجدها تاكل

امسكها فارس من قفاها : بتعملي اي يا آخره صبري

حور والطعام في فمها : جعانه مكلتش من الصبح

تركها فارس ليتحدث : طب ما انا زيك مش المفروض تقولي حبيبي يلا ناكل انا جعانه اي حاجه من حاجات البنات الرقيقه دي

نظرت له وهي لا تزال تأكل : فكك مني دلوقتي

فارس : فكك مني انتي مين يا بت مش انتي اللي انا اتجوزتها لا

لم ترد عليه ليجلس يتناول الطعام وهو ينظر لها
أما هي فقد كانت تنظر له بتوتر وقلق

بعد قليلا

فارس : اهو كلتي والدنيا تمام ملكيش حجه يلا

ضغطت حور علي صدرها بالم واحمر وجهها كانت تشاور له بأنها لا تستطيع اخذ نفسها

فارس بقلق : طيب في دوا بتخديه

حور شاورت علي الشنطه ليذهب بسرعه وبعد قليلا يعود إليها ليخبرها أنه لم يجد شي لم يجدها

ظل ينادي عليها حتي امسك باب احدي الغرف وجده مقفل من الداخل ليفهم تلك الحيله التي قامت بها صغيرته

فارس بضيق : افتحي يا حور

حور : لا

فارس : افتحي بقولك

حور : لا يعني لا

فارس وهو يضرب الباب بقدمه بغضب : طب وربنا لوريكي

★★★★★★★★★★★★★★★★★★★★

سميحه : انتي يا بت خدي هنا رايحه فين

نور : هروح انام يا ماما

عاد اسر من الخارج
ليسمع سميحه قائله : روحي نامي يا روح ماما في الاوضه بتاعتي يلا

اسر : نعم اي بقا ده انتي بجد جايه تقطعي عليا

سميحه : بس يا واد انت اسكت خالص يلا يا حبيبتي قدامي

امسك اسر يد نور قائلا : ثانيه واحده والله دي مراتي مش مصدقه ليه

أبعدته سميحه عن نور قائله : مصدقاك يا حبيبي بس جوازكم مكتملتش فيه اركان الجواز الكامله ومنها الاشهار

قبل أن ينفعل اسر امسكه مازن قائلا : الحال من بعضه يا خويا يلا بينا

نظرو الاثنين اتجاه ادهم الذي رحل بسرعه

اسر : ماله ده خارج زي البركان اللي هينفجر كدا ليه

مازن : خليك في حالك

نظر اسر لسميحه واقترب منها قائلا : اجيبلك اي وتخلصيلي الحوار ده

سميحه وهي تمسك الشبشب من الأرض وتضربه به : بقا انا وش كدا يا قليل الربايه

ركض اسر خلف مازن

نزلت ميرا من فوق ووقفت جانب الفتيات

ميرا : ممكن انام معاكم النهار ده

سميحه : يا ضنايا انتي نوري

اسر مشيرا بإصبعه : مش مطمنلك لا ناويه تعملي نادي السيدات السري صح

سميحه : بس يا ولا البنات هتفضل في حضني لحد ما تعملوا اشهار يلا

ذهبت الفتيات لغرفهن

سميحه : احكيلي يا بنتي اي اللي مزعلك جوزك خارج متضايق ليه

ميرا بحزن : من زمان ممنوعه للخروج وانا في مصر وجنبهم دلوقتي عايزني اسافر واستقر في امريكا سنتين ويمكن اكتر ومخدش رايي ونقل ورقي وكل حاجه وانا زي الحماره مليش راي المفروض اقول حاضر وبس

ضمنها سميحه لصدرها أكثر

نور بضيق : كائن البغل ده انا زهقت منه

سميحه : بس يا بنت انتي لسانك متبري منك كدا علي طول ميرا بصي للموضوع بشكل تاني خالص يا حبيبتي يمكن ده عشان مصلحتك وبعدين في مقوله بتقول رضي الزوج من رضي ربنا اكيد انتي مش عايزه تغضبي ربنا يا حبيبتي

شهد : بس يا ماما احنا منقدرش نقعد من غيرها اتعودنا عليها وهي كمان ازاي هتعيش في بلد غريبه لوحدها

سميحه : بس انتم متتكلموش اكيد لقراره ده سبب وهو ومراته حرين عندكم كلمه حلوه قولوها مفيش يبقا مسمعش صوتكم

ميرا : بس هما معاهم حق يا ماما الموضوع صعب عليا

سميحه : اعملي استخاره يا حبيبتي وشوفي ربنا هيختارلك اي وان شاء الله اللي فيه خير يقدمه ربنا يلا منك ليها علي النوم

★★★★★★★★★★★★★★★★★★★★

رن هاتف اسر ليرد بكسل

اسر : عايز اي يا عم عايز انام

فهد : في حاجات بتحصل هنا مش طبيعيه يا اسر خلي بالك من نفسك ومن كل حاجه حواليك وحسب كل خطوه ليك واغلق الخط

ظل اسر يفكر في حديثه بقلق فقد بدأت اللعبه منذ الآن ظل يفكر حتي ذهب في سبات عميق

★★★★★★★★★★★★★★★★★★★★

ذهب فارس وحور لجزر المالديف ظنا منه انها لن تستطيع الهرب منه هناك فالمكان بالفعل مخيف ليلا
وكان يشعر أن هناك شئ غير مريح حوله

وعدت الايام
استيقظ الجميع وتناولو الطعام

ادهم : أن شاء الله النهار ده ميرا هتسافر

اجل فقد اقنعتني ماما بأن اقبل بالأمر فوافقت

ضمها مازن بقوه قائلا : خلي بالك من نفسك يا قلبي وكوني قويه
اقترب من شهد مقبلا جبينها ورحل

مازن ذاهب لعمله كالعاده ولاكن ظهرت سيارتين باللون الاسود تلاحقه وتضربه سيارته حاول تفادي الأمر ولاكنه لم يصمد كثيرا وانقلبت سيارته رأسا على عقل وغشي عليه داخلها

★★★★★★★★★★★★★★★★★★★★

نور : انا مش مرتاحه لحنيتك وطيبتك وهدوئك ده

اسر : هو لا كدا عاجب ولا كدا عاجب يا شيخه روحي بقا

ذهب مقبلا ميرا بحب قائلا : احنا هتفضل معاكي وسندك وضهرك مهما كنا بعيد وخليكي واثقه من نفسك
ذهب لنور قائلا : تعالي يا ام لسان طويل ضمها وقبل جبينها ليكمل أن شاء الله قريب جدا هفرحك والبسك فستان الفرح اللي فضحتونا عليه في فرح فارس
و ذهب اسر لمقر عصابته بعد انتهائه من مهمه ولم يشعر الا بضربه قويه علي رأسه ليفقد الوعي وعندما استيقظ وجد نفسه مقيدا بقوه
والشيخ يخرج من العتمه
قائلا بابتسامه : اهلا وسهلا نورت يا سياده الظابط

★★★★★★★★★★★★★★★★★★★★

استعدت ميرا للرحيل وودعت الجميع بدموع عينيها واستقلت السياره ليوصلها السائق للمطار
ظلت تنتظر معاد اقلاع الطائرة وهي لا تشعر بالراحه وعند الاعلان ان الطائرة ستنطلق ذهبت ميرا مسرعه للداخل

وكان هناك شخص يراقبها ليرد علي الهاتف قائلا : ايوه يا فندم هي ركبت الطياره دلوقتي قدامي ومشيت اهي تمام سلام

عند ميرا قبل جلوسها علي مقعدها رن هاتفها باسم مازن

ميرا بابتسامه : ايوه يا حبيبي متقلقش عليا

شخص : حضرتك الشخص ده عمل حادث وفي مستشفي #####

ميرا بفزع : طيب طيب انا جايه حالا انهمرت دموعها بخوف علي أخيها وركضت ذاهبه الية

ميرا : لو سمحتي في شخص جاي في حادث عربيه اسمه مازن فين بالضبط

الممرضه ببرود : في العمليات الدور التالت علي ايدك الشمال

ركضت ميرا بسرعه للمكان وهي تبكي وظلت أمام غرفته تنظر الية وهي تبكي مرت ساعات حتي خرج الطبيب

ركضت اتجاهه بسرعه : لو سمحت هو كويس صح

الدكتور : الحادثة كانت قويه جدا في بعض الخدوش وكسر في رجله وأيده بالاضافه أن ازاز العربيه دخل في إمكان في جسمه وبعض الجروح السطحيه بس متقلقيش الحمدلله هو كويس دلوقتي

ميرا : طيب اقدر ادخله

الدكتور : لا يا فندم ويفضل تروحي وتيجي بكرا لان الوقت اتاخر ومش مسموح بالمرافقين

الحت عليه ميرا كثيرا بدموع ولاكنه رفض لتلملم حالها وتطلب تاكسي وترحل وقلبها مع أخيها
ظلت تقنع نفسها لان تنظر للجانب المشرق أن الله حماه وهو بخير الان ولعله خير لعدم سفرها دخلت القصر بابتسامه حتي لا تفزعهم ولاكن سرعان ما تحولت ابتسامتها لحزن وكسره والم ل لقد تزوج
.
يتبع
.الحلقة 31
الحلقة 32
الحلقة 33
.
.
رواية / صغيرة الادهم
بقلم نوران احمد
علقوا هنا ب 10 ملصقات
????????????????????????????????????????????????
الحلقة 31
.
.
شعرت بالألم وكسره نفس كبيرة
كانت الفتيات يحاولون منعي لكي لا اري شي ما وهم يضموني بفرح ولاكني أشعر بالحزن الشديد في عينيهم لابعدهم واري حبيبي وزوجي يقف ببدلته الانيقه وتمسك بيده فتاه جميله بالفستان الابيض ابتسمت هل حقا ما أراه صحيح و ولكن كيف أكان يقصد ابعادي ليتزوج بها وضعت يدي على قلبي اشعر بالالم قلبي يؤلمني بشده خيم الصمت المكان وقد خانتني دموعي لم تستطيع الصمود كثيرا تمنيت يوما ما بان اقف مكانها بذالك الفستان حاولت استجماع شجاعتي ونظرت له في عينيه بقوه

ليأتيني صوته القاسي وهو يتحدث بحده وصوت عالي : انتي فاكره اني معرفش انك مسافرتيش تصرفك ده مش هيعدي كدا ده كله بعد انتهاء معاد الطيره بره البيت ليه يا هانم كنتي فين

ابتسمت وتحدثت بصوت مهزوز تملأه الدموع : ليه هو انت كنت خايف عليا مثلا

ادهم بحده : انتي فاكره لما تقلقيني عليكي كام ساعه هنسي موضوع سفرك لا يا هانم انتي هتسافري في اقرب وقت

ربتت علي كتفه تلك الفتاه قائلا : حبيبي هدي اعصابك مش كدا

ابتسمت بستهزاء وانا أراه يضم يدها بيده

ميرا : غريبه يعني هما الكام ساعه دول اللي قلقوك عليا وانا معاك في نفس البلد لاكن مش هتقلق عليا خالص وانت رميني في بلد تانيه غريبه عني ومعرفش فيها حد يعني لو جرالي مصيبه ولا حصلي حاجه مش هتحس اصلا ولا هلاقي حد يقف جنبي ويساعدني

ادهم بحده : ما كل الناس بتسافر عادي انتي تحمدي ربنا غيرك يتمني الفرصه دي بس انتي عشان متدلعه ومتعوده كل حاجه تجيلك على الجاهز مش حاسه بالنعمه اللي فيها بطلي شغل عيال بقا وعقلي شويه

ميرا وهي تدعي القوه وتمسح دموعها وتقترب منه : مفيش فايده فيك كل حاجه بردو شايفها من وجهه نظرك مش قادر تفهم أن كل بني ادم في الدنيا وليه ظروفه الناس اللي بتتكلم عنها دي ممكن تكون كارهه حياتها هنا او بيهربو بسفرهم لبلد تانيه إنما انا لا افهمني بقا انا لا انا بحب حياتي هنا وسط اهلي وناسي واصحابي والجامعه بتاعتي اللي لو بعدت عنهم بجد هضيع إنما انت طبعا راجل اعمال كبير مبتشغلش بالك بالكلام ده عمتا خلاص انا جيالك دلوقتي وانا مقرره انا مش هتبطر علي النعمه زي ما بتقول وهمسك في الفرصه دي بايدي واسناني
عارف ليه ؟ عشان ميزتها الوحيده بس وقد امتلأت الدموع في عينيها واكملت : أن انا هبعد عنك ومش هشوفك تاني بس خد بالك وصمتت قليلا
و سقطت دموعها واكملت بصوت مهزوز يملأ الحزن :

لو انت بقا متخيل أن انا لما اسافر هنسي والايام هتعدي …… وهسامحك يبقا بتحلم انا عمري في حياتي ……….. ما هنسي الكسره …. اللي انا فيها دلوقتي بسببك

تركته وذهبت بسرعه لغرفتها وخلفها الفتيات وهم يبكون علي حالها

سميحه وقد اقتربت من ادهم بدموع : ليه كدا يا ابني ليه تأذيها بالشكل ده تركته وذهبت لميرا والفتيات

الفتاه : في اي يا ادهم ومين دي

ادهم بابتسامه : دي بنت عمي واختي الصغيره طايشه زي ما انتي شايفه وعاطفيه زياده عن اللزوم كل ده عشان مش عايزه تسافر سيبك منها بس يا لولو وتعالي ده انا عاملك رحله وبروجرم تحفه

ابتسمت لليان بفرحه : طيب يا حبيبي

دخلت ميرا غرفتها بسرعه وبدأت بتكسير كل شي له علاقه به أو يذكرها به باي شكل

ضمتها نور من الخلف محاوله تهدئتها وذهبت شهد بسرعه وضمتها من الامام لتنهار وتبكي بقوه علي كل ما يحدث معها كانت الفتيات يبكون علي دموعها

سميحه بدموع : اهدي يا ضنايا اهدي يا حبيبتي مفيش حاجه تستاهل حزنك ده

تركوها الفتيات لتضمها سميحه بقوه سقطت ميرا علي الارض فلم تستطع التحمل وقد خارت قواها
وهي تصرخ بصوت عالي ويديها علي قلبها بالم كبير

ميرا : اااااااااااه مش قادره قلبي مش قادره اخد نفسي اه

ضمتها سميحه اكثر : اهدي يا بنتي اهدي يا ضنايا متوجعيش قلبي عليكي كفايه

ميرا بالم : اه اااه مش قادره يا ماما اصعب وجع لما ييجي من اقرب الناس ليك وده كان عالمي كله يا ماما

سميحه بدموع : انسيه يا ضنايا هو ميستهلش

كانت الفتاتين يضمون بعضهما وهم يبكون بشده عليها

ميرا : مش قادره عارفه بمجرد ما افكر امحيه من حياتي انا بمحي معاه حياتي كلها

سميحه : خديها علي انها تجربه انتي لسه صغيره مش عايزاكي تعيطي وتكشري كدا

شهد : انا هقول لمازن يتصرف معاه وتفضلي معانا هنا

صمتت ميرا لتتذكر قلقها وخوفها عليه كيف كانت محتاره ماذا يجب علي أن أفعل لو كان فارس هنا لما ترددت وتصلت به ليأتي ولاكنه بعيد لن اقلقه في شهر عسله حاولت الاتصال كثير بأسر ولاكن لا يوجد رد بالتأكيد لن أتحدث مع ادهم ف أن عرف أنني لم اسافر لا اتوقع تصرفه معي ولاكن كان الوضع سيزداد سوء ولن اقلق الفتيات واخبرهم حتي يصبح بخير واطمأن عليه سأخذهم معي ليروه

نور : سرحتي فين

ميرا : ها لا موجوده اهو انا مش عايزه مازن يكلمه

شهد : يعني اي يعني بجد خلاص هتبعدي

ميرا بابتسامه تكسوها الحزن : لازم ابعد كل واحده فيكو ظروف الحياه بعدتها وخلتها تواجه الحياه بطريقتها وتعرف تتعامل صح مع الحياه لازم اكون قويه واخوض التجربه لحد امتي هفضل خايفه من كل حاجه لازم اجرب

سميحه بابتسامه : صح يا بنتي الضربه اللي متموتش صاحبها اكيد هتقويه اكتر وانتي قويه وميلقش ابدا عليكي الحزن

ابتسمت ميرا وضمتها

شهد بقلق : مازن اتاخر انا هتصل بيه

ميرا بانفعال : لا

نور : هو في اي ليه الانفعال ده كله

ميرا بابتسامه : لا ابدا هو كلمني وكان قال إنه هيبات في المستشفى النهار ده ومش عايز حد يقلقه لان ضغط الشغل عليه كتير

سامحني يا رب علي الكدب ده

سميحه : يلا منك ليها نامو يارب جيب العواقب سليمة يارب

ميرا : انا هنزل اجيب حاجه من المطبخ

نزلت ميرا واتصلت علي رقم ليجيب

ميرا : ايوه يا محمد اي الاخبار

محمد : في حاجات غريبه بتحصل هنا وشكلها كدا مكنتش حادثة عاديا دي مقصوده

ميرا : واي اللي يثبت يا ابو العريف

محمد : بعيدا عن سخافتك دي اللي محدش كلمني بيها قبل كدا لولا انك اخت صاحبي وزي اختي الصغيره كنت نفختك

ميرا : بس يلا واخلص

محمد : في ناس غريبه بتحوم علي جناح مازن كل شويه وناس بتتصل تعرف التفاصيل وتسأل عنه بالاسم ودي حاجه مش عاديه

ميرا : امممم تمام …….. انا بص انا جيالك بكرا وهنتصرف في الموضوع ده سلام

لتدير ميرا وجهها

ادهم : كنتي بتكلمي مين

ميرا ببرود : دي حاجه متخصكش وابتعدت عنه خطوتين ثم رجعت مره آخره وقفت أمامه لتخبره
اه بالمناسبه صح ياريت ورقه طلاقي تكون عندي بكرا اصل مش معقول يعني هنقف قدام بعض في المحاكم و السنيوره اللي عندك تعرف
تركته ورحت

تركته وسط ذهوله من هذه

★★★★★★★★★★★★★★★★★★★★

حور بسعاده : كان يوم حلو اوي بس المكان هنا مخيف جدا بالليل

فارس : ما هو ده عز الطلب

ضربته حور علي كتفه

حور : ده انت رخم صمتت قليلا فارس

فارس : اممم

حور : انا جعانه

فارس : انتي مش لسه واكله من شويه

حور : بس دلوقتي جعانه بالله عليك يلا

فارس : ياربي طيب هروح وامري لله

حور : انت مش هتسيبني في المكان ده لوحدي اكيد

فارس : نعم والمطلوب

حور : هاجي معاك

فارس : طب امشي قدامي

ذهب وأمسك دراجه اي عجله جلست خلفه وامسكت به بشده وذهب بعد حوالي 10 دقائق وصلو لمطعم

ركضت حور بسرعه للداخل

لم يستطع فارس إيقافها كان يضع الدراجه في مكان ولاحظ أشخاص يراقبوه وتذكر أن هناك شخص ذهب خلف حور ليبدأ بالقلق عليها ذهب بسرعه للداخل باحثا عنها في كل مكان ولاكن يحاول الا يظهر شكه بهم فهم بالفعل يتابعون كل حركه له

وجدها فارس اخيرا تاكل في مكان بعيد

فارس بعصبيه : انتي غبيه ازاي تتزفتي وتبعدي من جنبي

خافت حور من نبره صوته نظرت إليه بخوف وصمتت

امسكها من ذراعها لتنهض

فارس : يلا هنمشي حالا

حور : بس انا لسه جعانه

فارس بحده : انا يلاا

حور بضيق طفولي : طب عايزه ادخل الحمام

اوصلها فارس لباب الحمام وتحدث مع أحد العاملين بأن يحضر الطعام له تيكاوي وحاسبه ولم يبتعد دقيقه عن باب الحمام خرجت حور وظهر علي عينيها انها كانت تبكي بالداخل

امسك بيديها وذهب بها اتجاه الدراجه لاحظ انها لا تمسك به ليسير اتجاه صخره فصرخت وامسكت به ابتسم عليها وذهبو الي غرفتهم كانت حور غاضبه لا تريد التحدث معه

فارس : اه الطريق كان طويل اوي وجعت

نظرت له بطرف عينيها مربعه يديها بضيق

فارس : لحسن الحظ جبت اكل كتير معايا

نظرت له حور بفضول ودهشه

ابتسم علي برائتها وحبها للاكل

فارس : تاكلي معايا

أدارت وجهها بضيق ف اقترب منها ومعه الطعام

فارس : مش هعرف اكل من غيرك انتي اللي بتفتحي نفسي

حور : بس انت زعقتلي جامد وايدك وجعتني

فارس : انا اسف اكيد مكنش قصدي اوجعك بس انتي غلطانه متتحركيش لاي مكان من غيري مش قولت كدا قبل كدا

هزت راسها موافقه

فارس : طيب يبقا واحده بواحده وخلصين كدا يا معلم صح ولا اي

ابتسمت وهزت راسها موافقه وبدأت تاكل ظل ينظر إلي وجهها حتي انتهت

حور : مالك

فارس : ها مفيش ليبتسم ويحملها

حور : اي يا عم

فارس : شششش نامي
وضعها علي السرير ضمته ونامت علي صدره بخجل ليبتسم هو عليها نامت بعد لحظات لتتغير ملامح وجهه من الابتسامه لوجه اخر مخيف وظل يفكر بمن يراقبوه

★★★★★★★★★★★★★★★★★★★★

لليان : ايوه يا دادي دورت علي الورق في كل مكان في البيت مفيش حاجه موجوده

……….

لليان : حاضر يا دادي هشوف تاني طب سلام بقا قبل ما يصحي ادهم

★★★★★★★★★★★★★★★★★★★★

استيقظ الجميع وعلي مائده الطعام كان الجميع يأكل
نزلت ميرا علي السلالم ووقفت أمامهم

ميرا : ماما انا خارجه ومتعملوش حسابكم علي الغدا هاجي بعد الغدا

ادهم بحده : علي فين يا هانم

ميرا : والله دي حاجه متخصكش براحتي انت مش مازن ولا اسر عشان اسمع كلامك ملكش حكم عليا يبقا تخليك في حالك وياريت تنفذ طلبي علي وجه السرعه لو سمحت

خرجت بسرعه كانت نور فمها مفتوح من الصدمه
شهد : اقفلي بوزك يخربيتك

نور : مين اللي كانت بتتكلم دلوقتي دي

سميحه بابتسامه : تربيتي جدعه

نور : يا شيخه اقعدي علي جنب الواد اتصدم

سميحه : والله لاربيكي يا مهزقه انتي بس مش قدام الناس

★★★★★★★★★★★★★★★★★★★★

وصلت ميرا للمستشفى

ميرا : بص في دماغي فكره كدا اتهرست في كل الروايات

محمد : وقت ام رواياتك دلوقتي ما تخلصي تقولي

بلعت ريقها بقلق وهي تقول : اممم احنا نموته

محمد : نموت مين يا متخلفه

ميرا بتوتر : اقصد يا غبي انت أننا هنقول أنه مات في المستشفى لكل اللي في المستشفى وهتطلع شهاده وفاه وإني مش عايزه اعرف حد خبر وفاته لاني مش عارفه اجيبها لاهلي ازاي انت معايا ولا مع الاسف

محمد : انتي هتسجنينا اقسم بالله اي الفيلم الهندي المحروق اللي شغلالي فيه ده هتموتي اخوكي حي ولنفترض الكلام ده هنودي اخوكي فين وهو محتاج اجهزه ودكتور متخصص وازاي هنخرجه من غير ما الناس اللي بتراقبه دي تعرف

ميرا : امممم الحوار ده عايز مخمخه

محمد : سيبك من الهبل ده دلوقتي وادخلي اطمني عليه

ميرا : فاق

محمد : لا

ميرا بحزن : مش هقدر اشوفه كدا

محمد : مش لائق عليكي الحزن افردي وشك ده

ميرا : مش هطمن عليه طول ما هو هنا وفي ناس حواليه

ممرضه : يا دكتور يا دكتور مريض 117 قلبه وقف

ميرا بصدمه : مازن و اغشي عليها

★★★★★★★★★★★★★★★★★★★★

افاق اسر لينظر حوله بالم النور ملئ المكان ليتقدم الشيخ بخطوات بطيئة بابتسامه خفيفه جلس أمامه
وظهر خلفه جميع أعضاء العصابه

الشيخ : وثقت فيك واعتبرتك ابني وانت عملت اي عضيت الايد اللي اتمدتلك وكنت عايز تغدر بينا جزاء الخيانه القتل بس انا مش هعمل كدا هاخد راي الرجاله اي رأيكم يا رجاله

اسر : انا مأذتش اي حد فيكم باي شكل خالد انا جبتلك شغل وقولتك ابعد عن أي حاجه شمال واتقي ربنا وهترزق جبتلك الحاجه اللي بتحبها
عمري ما كنت هأذي اي حد فيكم لاني شوفت جواكم الجدعنه والطيبه كنتم زي العيله مع بعض الزعيم اللي يرفض ياخد مخدرات عشان ميكونش سبب في موت الشباب وشايف أنه حرام معناه أن الضمير لسه موجود جواك مش انت بس كلكم بس محتاجين ايد تقربكم من بر الأمان توريكم النور
وانت يا حازم عمري ما اعتبرتك عدوي ووقت ما حسيت انك ممكن تتأذي اول واحد جري عليك كل واحد فيكم كان صاحب واخ تفتكروا بعد كل ده انا خاين

الشيخ : وكنت عايز تسجن اخواتك ليه

اسر بابتسامه : انت شايف أنهم عملوا حاجه غلط يتسجنو عليها

الشيخ بضيق : تقصد اي

اسر : قصدي انك مش مقتنع انك غلط السلاح اللي بتبيعه ده مين قلك أنه مبيموتش ولادنا مين قلك أن الدول اللي بتبيع ليها مبتديهاش لدول معاديا لينا ليه مخطرش علي بالك أن السلاح اللي بيقتل اخواتنا في فلسطين من صنع ايدك انت وانت سبب في موتهم

رن هاتف اسر لينظر له اسر و وينظر للشيخ ليفهم الشيخ بضروره الرد فرفع يديه فتح الهاتف وتم تشغيل مكبر الصوت
ليسمع صوت هو يعرفه جيدا

هههههههههه لا متقلقش يا باشا الرساله اتبعتت خلاص زمانه دلوقتي في تعداد الموتي يعني مكنش ليه لزوم توسخ ايدك بدمه

…………..

لا لالالا متقلقش كل اللي هيتكتب تم قتل ظابط شرطه اثناء تأدية عمله و هنلبسها لشويه العيال اللي في العصابه وبس كدا يا كبير الواد ده مش مستاهل تقلق منه أمره انتهي خلاص ومستني الحلاوه
.
????????????????????????????????????????????????
الحلقة 32
.
.
خرجت من المستشفى لا أشعر بأي شي حولي لقد أظلمت الدنيا في عيناي مره آخره ولاكني لن استسلم
سمعت صوت يناديني وقفت ونظرت خلفي إشارته توحي بأن ابتعد أو هناك شئ نظرت حولي ووجدت سياره كبيره سوداء اللون تأتي باتجاهي باقصي سرعه لم أستطع التحرك من الصدمه حتي وجدت يد تمسك بي وتسحبني بقوه اتجهه صدمت بشي صلب ويد علي ظهري وشخص يتنفس بصعوبه نظرت إليه لاستوعب أنني قريبه جدا ابتعدت بسرعه

محمد بعصبية : انتي غبيه بنادي عليكي من الصبح عشان تاخدي وبالك ولما تاخدي بالك تقفي تستني العربيه تخبطك

ميرا : انا مش مستوعبه كل اللي بيحصل ده

محمد : اهدي بس أن شاء الله خير بس واضح أنه مش مازن بس اللي مقصود

ميرا : تقصد انها كانت بجد محاوله لقتلي انا كمان ليه انا مش فاهمه حاجه

محمد : تعالي بس هوصلك ونتكلم في الموضوع ده بعدين

ده انتي فقر من ساعه ما عرفتك مبشوفش غير المصايب

ميرا بضيق : سمعتك علي فكره اتلم

محمد : انتي في اي ولا في اي امشي يا اختي امشي

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى