رواية/قد شغفها حبا
الحلقة الأولى
اجتمع الناس حول جـ،ــسد زينة..
أما السائق فقد هرب.. لم تكن لديه شجاعة كافية ليواجه ما حدث..
خرج أهل زينة من القاعة وتم نقلها إلى المستشفى..
الجميع ينتظرون خروج أحد الأطباء ليبلغهم بما حدث معها…
كان يوسف يتحرك عالثور الهائج أمام غرفة زينة وهو يجرى اتصالته..
– يعني ايه مش عارفين توصلوا للي خبطها؟
ازاي يعني؟ معقوله ماحدش شاف العربية؟
ماحدش شافه وهو بيخبطها؟؟
ماكانش فيه كاميرات؟
اقترب ياسر منه ووضع يده على كتفه قائلا: اهدا يا يوسف..
المهم دلوقتى نطمن على زينة وبعدين نعرف اللي ضرـ،ــبها…..
أغلق يوسف الهاتف ونظر إلى غرفة شقيقته ليتنهد بحـ،ــزن قائلا: تفوق وتكون كويسه وأنا مش عايز حاجه تانيه…
كان آدم ينزوى فى أحد أركان المستشفى يسند رأسه بيديه..
ويتذكر ما حدث..
كل ما حدث كان بسببه..
أجل.. لقد خرجت زينة لتتحدث معه.. ليته لم يتأخر..
ليته يعود بالزمن ليغير ما حدث..
نظر إلى علياء ليجدها فى حالة هستيرية من البـ،ــكاء..
فتنهد بحـ،ــزن ليخرج من المستشفى…
خرجت الطبيبة أخيرا من غرفة العمليات لتقول لهم: حالتها حرجة شويه..
الضـ،ــربة كانت فى الدماغ ولسه مش عارفين مصيرها ايه..
ادعولها…
ذهبت إلى مكتبها لترتاح قليلا..
سوف يكمل عملها زميل أخر..
وقررت أن تجرى اتصالا..
– ألو… ياسين؟ … انت فين؟
جاءها الرد: أنا.. وصلت الشركة أهو.. ليه خير..؟
– أبدا.. مفيش.. حبيت أطمن عليك بس..
انت كنت ماشى متضايق النهارده
من فارس.. عشان كده قولت أطمن عليك..
ما تزعلش منه يا ياسين..
هو فى فترة مراهقة.. ومش عارف مصلحته فين..
ياسين: فترة مراهقة ايه يا أروى؟
دا بقا فى رابعة جامعة..
يعني كلها كام شهر ويتخرج والمفروض يبدأ يعتمد على نفسه..
أروى: هيفهم.. بس شويه شويه مش كده برضو..
ياسين: أروى معلهش أنا مش ناقص دلوقتى..
أروى: طيب انت وصلت الشركة ولا لسه..
ياسين: لسه.. وانتي مفيش وراكي شغل ولا ايه
أروى: اه ورايا..
كنت فى العمليات من شويه..
كانت عمـ،ــلية صعبة ولسه ما خلصتش..
بنت جاتلنا فى حادثة طريق وحالتها صعبة شويه..
صمت ياسين قليلا..
لتقول له: ايه سكت ليه..
ياسين: حادثة فين؟
أروى: سمعت من الممرضات إنها كانت فى حفلة تخرج..
اه كانت بتتخرج النهارده.. البنت ياعيني لسه فى الروب بتاع التخرج..
وكله دم..
ياسين: هى كويسه؟
أروى: للأسف الضـ،ــربه اجت فى الدماغ..
يعني احتمال انها تعيش أساسا ضعيف..
بس أنا ما قولتش كده لأهلها عشان ما يفقدوش الأمل..
عامة حتى لو فاقت..
فغالبا مش هتخرج منها سليمة..
الدماغ اتضرر بشكل كبير.. وفرصة انها تعيش حياتها بصورة طبيعية بعد كده ضعيف..
ياسين: يعني ممكن يحصلها ايه؟
أروى: ممكن تفقد واحده من الحواس..
ممكن تفقد عقلها..
كل الاحتمالات واردة..
وممكن تبقا كويسه.
وممكن ما تستحملش وتمـ،ــوت..
أغمض ياسين عينيه ثم قال لها: طب خلاص اقفلي.. سلام…
مسح على رأسه بضيق ثم أجرى اتصالا أخر…
ياسين: أيوا يا عاصم عملت ايه؟
عاصم: كله تمام يا فندم.. العربية اختفت زي ما طلبت..
ياسين: عملت فيها ايه..
عاصم: عملت حادثة يا فندم..
العربية وقعت من على تل وانفجرت..
ياسين: تمام يا عاصم.. الحقني عالشركة عشان فيه شغل مهم..
عاصم: أمرك يا فندم…
أغلق الخط بضيق ثم قال لنفسه: انت عمرك ما كنت كده يا ياسين..
بس أنا ما كانش ينفع أضحى..
عيلتى محتاجاني.. وفارس مش هيقدر يتحمل المسؤولية…
ما كانش قصدي أخبطها..
أنا كنت متضايق من فارس وفجأة ظهرت قدامي..
إن شاء الله هتعيش.. أيوا ان شاء الله هتكون كويسه..
بإذن الله..
والآن سنذهب إلى مكان أخر، بعيد تماما عن المستشفى وياسين….
-رؤى… رؤى…. استنى…
كانت تحث الخطى حتى لا يستطيع اللحاق بها..
لكنه لحق بها فى النهاية وجذبها من ذراعها..
التقط أنفاسه ليقول لها بغيظ: سيادتك مش راضيه تردى عليا ليه…
حررت ذراعها من قبضته لتقول له بحده: وانت مين عشان أرد عليك وأقف معاك؟
رفع حاجبيه بدهشة وقال: بجد؟ رؤى اتكلمي كويس..
رؤى: أتكلم كويس؟ هو انت خليت فيها كلام بعد اللي عملته انت والاستاذة سالى يا استاذ فارس..
فارس: أنا ما عملتش حاجه.. سالى هيا السبب..
سمعوا تصفيقا يأتى من الخلف..
فنظر فارس خلفه ليجد سالى..
سالى: الله.. الله…
لزقتها فيا يا فارس؟
دلوقتى بقيت أنا اللي وحشه؟
انت كنت شريك معايا فى الحوار دا..
وزيك زيي..
التفتت رؤى لتغادر فنادها فارس بيأس: رؤى… رؤى…
لكنها لم تلتف له..
ركبت سيارتها وفتحت الهاتف لتجد عدة مكالمات من والدها وشقيقيها..
فقالت: شكله فى حاجه مهمة..
فاتصلت بياسر..
رؤى: خير يا ياسر.. اتصلت انت وبابا ويوسف؟ فيه ايه..
ياسر: انتي فين؟ وما كنتيش بتردي ليه؟
رؤى: فى الجامعة… والتليفون كان صامت..
خير؟
ياسر: أختك عملت حادثة وبقالها ساعتين فى العمليات..
رؤى: ايييه؟؟؟
انتوا فى أنهى مستشفى…
ذهبت رؤى إلى المستشفى لتنضم لهم..
الجميع الآن ينتظرون خروج الطبيب ليطمأنهم على حالة زينة..
بعد ساعات خرج الطبيب أخيرا ليقول لهم: العمـ،ــلية خلصت..
بس هتفضل غايبة عن الوعى..
لامته؟ مش عارفين..
بس احتمال تدخل فى غيبوبة..
عامة ال٢٤ ساعة الجايين هيحددوا مصيرها..
وإن شاء الله تقوم بالسلامة..
عن اذنكم..
رحل الطبيب تاركا إياهم فى حالة من اليأس..
كانت أروى تستعد للرحيل وقبل أن تترك المكان ذهبت إلى الطبيب المسؤول عن حالة زينة…
لتسأله عن حالتها..
وجدته يقف مع إحدى الممرضات فانتظرت حتى انتهى من حديثه..
لتقول له: دكتور محسن..
ـ،ــمحسن: قصدك زينة صح..
أروى: مش عارفه اسمها..
اللي كانت فى حفلة التخرج..
محسن: أيوا هى..
حاليا هى تحت العناية المشددة..
ولسه مش عارفين نحدد حالتها..
أروى: تمام شكرا يا دكتور..
خرجت أروى من المستشفى واستقلت سيارتها لتعود إلى المنزل..
وعندما وصلت وجدت فارس يجلس فى الصالون أمام شاشة التلفاز ويقلب فيه بملل..
فسارت باتجاهه لتسحب جهاز التحكم منه..
ثم قالت: يخربيت برودك يا أخي..
افرض ياسين رجع وشافك كده؟؟
وانت لسه حارق دمه من كام ساعة..
فارس: هنرجع نقول نفس الكلام برضو..
مش عارف انتي ايه مشكلتك انتي وأخوكي معايا..
زينة: مشكلتنا انك مش ناوي تحس بالمسؤولية بقا أو تعتمد على نفسك..
عايش حياتك بالطول والعرض ومقضيها مع بنات الناس…
فارس: خلاص يعني؟ أعلنتي انتي وأخوكي فسادي؟.
جاءه صوت ياسين وهو يدلف إلى المنزل..
ياسين: يعني انت عاجبك حالك دا؟.
كلها كام شهر وتخلص حقوق..
واتحايلت عليك كذا مره عشان تيجي تشتغل معايا فى الشركة وتدرب..
وانت منشف دماغك..
وكل يوم ترجعلى فى نص الليل..
وحالك مش مظبوط..
اسمعني كويس يا فارس.. من هنا ورايح مفيش حاجه هتمشى على مزاجك..
وطالما انت ما ينفعش معاك الزوق..
هتيجي بالعافية..
فارس: يعني ايه؟
ياسين: يعني مفيش خروج من هنا ورايح غير بإذنى..
حتى لو رايح الجامعة..
عاصم هيروح معاك…
نهض فارس ليقول ـ،ــ: أنا مش عيل صغير عشان تتعامل معاه بالطريقة دي..
صاح ياسين: لا عيل… عيل.. طالما بتتصرف بالطريقة الغبية دي يبقا عيل..
مش عارف تتحمل مسؤولية نفسك.. ولا دراستك.
وعايش حياتك بالطول والعرض..
مفكر اني هصرف عليك…
فارس بحده: هو انت بتصرف عليا من فلوسك يعني..
ما كلها فلوس أبويا…
ياسين بسخرية: فلوس أبوك؟؟ فلوس أبوك خسرها يا حبيبي من زمان..
فى صفقة مشبوهة كانت هتودينا كلنا فى داهية..
وأنا اللي خليت الشركة ترجع تقف تاني..
بعد ما كنا على وشك الافلاس…
هنا جاءهم صوت أخر يصـ،ــرخ قائلا: بس…. خلاص…
مش كل شويه خناق…
ايييييه.. ماحدش غيركم فى البيت دا يعني؟
طأطأ ياسين رأسه بضيق ليقول: آسف يا أمى..
نهلة: اتفضل شوف انت رايح فين..
وانت يا فارس.. زي ما قال أخوك.. مفيش خروج من البيت..
انا فضلت ساكته على عمايلك كتير.. بس من هنا ورايح..
اللي هنقوله هيتنفذ..
واتفضل انت كمان على أوضتك..
صعد فارس إلى غرفته بسخط وهو يتمتم: مفكريني عيل صغير هيتحكموا فيه…
أما أروى فقد تنهدت بحـ،ــزن وذهبت إلى مكتب ياسين..
كان جالسا هناك فجلست مقابله وقالت له: ما تزعلش نفسك يا ياسين..
ان شاء الله كل حاجه هتتحل..
ياسين: ان شاء الله.. روحي انتي.. أكيد جايه تعبانه من شغلك..
أروى: ماشى..
يلا عن اذنك.
نهضت لتغادر لكنه أوقفها قائلا: صحيح.. أخبار المريضة اللي جاتلكم فى حـ،ــادثة ايه..
أروى: ادعيلها..
لسه فاقدة الوعى.. والساعات الجايه هى اللي هتحدد مصيرها…
ياسين: ربنا يشفيها ويقومها بالسلامة..
أروى: يارب..
صباح اليوم التالى…
خرجت أروى من المنزل لتذهب إلى المستشفى..
لكنها وجدت سيارتها معطلة..
وفى تلك اللحظة خرج ياسين..
ياسين: خير يا أروى؟..
أروى: العربية عطلانه..
ياسين: خلاص.. تعالي معايا.. هوصلك…
ذهبت أروى معه وعندما وصلت إلى المستشفى ترجلت من السيارة لتذهب إلى عملها..
وسرعان ما تبعها ياسين..
حسنا.. يريد أن يرى كيف حال الفتاة..
دخل إلى المستشفى واتجه إلى الاستقبال..
ياسين: لو سمحتي.. فيه واحده اجت هنا امبارح..
عملت حادثة.. كانت فى حفلة تخرج…
– اه.. الآنسة زينة شريف الصياد…
ياسين: شريف الصياد؟؟؟
– أيوا..
هى حاليا فى العناية المشددة..
الدور الرابع.. تاني أوضة عاليمين…
شكرها ياسين وانصرف.. ليصعد إلى الطابق الرابع وهو يفكر..
ابنة شريف الصياد..
لقد أوقع نفسه مع رجل أعمال مهم..
وإذا ما عرف الحقيقة سوف ينتهى ياسين زهران…
والآن ما الذى سيفعله؟؟
وصل إلى الطابق الرابع فوجد فتاة وشابا يقفان أمام الغرفة..
لم يكن من حقه أن يتدخل لذا ابتعد عنهما قليلا وتظاهر بأنه يتحدث فى الهاتف..
– علياء.. روحي انتي.. أكيد انتي دلوقتى تعبانه من امبارح..
علياء: لا معلهش يا يوسف.. مش عايزه أمشى غير لما زينة تفوق..
يوسف: طيب.. أنا هنزل أجيب قهوة.. أجبلك معايا؟
علياء: لا…
ترك يوسف المكان وسرعان ما تبعته علياء لتذهب إلى الحمام…
تردد ياسين قليلا لكنه قرر الدخول..
فتح باب الغرفة وسار باتجاه السـ،ــرير..
كان هناك شاش حول رأسها..
تنهد بحـ،ــزن وقال: أنا آسف.. بجد ما كانش قصدي…
أتمنى تكوني بخير..
كاد يرحل لولا أنها فتحت عينيها فجأة فتراجع للخلف..
لكنه قال: آنسة زينة؟؟
حولت بصرها نحوه.. ليقول بخوف: انتي كويسه؟؟
لم تجبه.. فقرر الانسحاب قبل أن يأتى أحد..
خرج بسرعة من الغرفة
وعاد إلى مكانه..
عادت علياء وقررت الدخول هى أيضا..
وعندما وجدت زينة مستيقظة تهللت أساريرها وقالت: زينة حبيبتي.. انتي كويسه؟
حركت زينة رأسها وقالت: علياء… دماغى بيوجعني..
هما معلقين ليا ايه؟ أنا بخاف من الحقن..
عايزه أشيلهم… شيليهم…
علياء: اهدي يا زينة يا حبيبتي.. ده كله عشان صحتك اهدي..
زينة: لا عايزاه أشيلهم… خليهم يجوا يشيلوهم.. بسرعة..
علياء: طيب هروح أجيب الدكتورة وأجى…
عادت علياء بأروى التى فحصت زينة..
ثم قالت لها: آنسة زينة… انتي كويسه؟
زينة: كويسه.. بس عايزه أشيل البتاع ده…
هو ايه ده.. انتوا عاملين فيا ايه؟
أروى: آنسة زينة.. ممكن تركزي معايا..
انتي عندك كام سنة دلوقتى…
زينة: مش عارفه….
أروى: فاكره عيلتك؟؟
باباكي اسمه ايه..
زينة: اسمه بابا…
أروى: طيب والدتك اسمها ايه؟؟
زينة: ماما مـ،ــاتت من زمان..
أروى: خلصتي كلية ايه؟
زينة: كلية؟؟؟ يعني ايه…
أروى: أه.. طيب عارفه احنا فى سنة كام؟.
زينة: لا..
أروى: طيب.. البنت دي تبقالك ايه؟
زينة: علياء.. بنت عمى..
أروى: انتي مخطوبة؟
زينة: لا.. بس أنا هتجوز آدم لما أكبر…
أروى: لما تكبري؟؟ ليه انتي عندك كام سنة؟؟
زينة: مش عارفه.. انتي مين أصلا؟
وليه بتسأليني الأسئلة دي..
أنا عايزه بابا… هاتيلي بابا…
وشيلي البتاع دا عشان واجعني…
علياء: هى ليه بتتصرف بالطريقة دي يا دكتور؟
هى كويسه؟؟
أروى: للأسف… شكلها فقدت عقلها..
رواية/قد شغفها حبا
الحلقة الثانية
أروى: للأسف شكلها فقدت عقلها…
علياء: ايه؟؟
أروى: أعتقد انك فاهمة قصدي..
مش حابه أقول لفظ تاني..
عامة الموضوع ان شاء الله مش هياخد وقت طويل
وان شاء الله ترجع كويسه..
بس دا طبعا هياخد فترة..
لازم أهلها يعرفوا..
خرجت أروى من الغرفة لتجد ياسين فى الخارج..
شعر بالتوتر عندما رآها…
لتقول له: ياسين؟ جيت ليه؟
ياسين: كنت.. كنت جاي أشوفك..
فيه حاجه كنت عايز أديهالك..
بس نسيتها فى العربية..
أروى: حاجه ايه؟
ياسين: انسى.. المهم يعني..
اخبار المريضة بتاعتك ايه.؟
تنهدت أروى بحـ،ــزن وقالت: للأسف.. خسرت عقلها..
ياسين: يعني… يعني..
أروى: أيوا.. رجعت طفلة تاني..
يعني هتتصرف كأنها طفلة..
ياسين: لاحول ولاقوة إلا بالله…
جاء يوسف فى هذه اللحظة… ليقول لأروى: أخبار زينة ايه يا دكتورة؟
أروى: حضرتك قريبها؟
يوسف: أنا أخوها..
أروى: كويس…
لازم أتكلم معاك بخصوص حالتها..
زينة فقدت عقلها… بمعنى انها رجعت طفلة تاني..
هتتصرف كأنها طفلة عندها خمس سنين…
يوسف: ايييه؟؟
هى فاقت؟
أروى: أيوا.. تقدر تدخلها…
دخل يوسف بسرعة إلى غرفة زينة ليجد علياء تجلس على الكرسى وتبكى..
فاقترب من زينة بسرعة وقال لها: زينة حبيبتي انتي كويسه؟
نظرت له وابتسمت لتقول: أيوا أنا كويسه..
ثم عبست ملامحها لتقول: بس أنا عايزه الدكتورة تيجي تشيلي الحقن دي..
مش عايزاها.. قولها تيجي تشيلها يا يوسف…
وعايزاك تجبلي شكولاته كتيييررررر
تجمد يوسف فى مكانه لتمسك زينة يده وتقول له: يلا يا يوسف.. روح هاتلى شكولاته.. يلا…
هنا فتحت أروى الباب ودخلت لتقول: أنا آسفه.. بس لازم نتكلم لو سمحت…
خرج يوسف خلفها لتقول له أروى: ان شاء الله الحالة دي مش هتطول..
المهم انها تلتزم بالعلاج وبإذن الله هتكون كويسه..
طبعا مش عايزه أنبهك انها محتاجه رعاية من نوع خاص…
كل تصرفاتها بعد كده هتكون على أساس انها طفلة..
يعني مش هتكون فاهمة هى بتعمل ايه أو بتتصرف ازاي..
لازم يكون حد جنبها..
ويستحسن لو كان فيه ممرضة تهتم بيها…
يوسف: والفترة دي هتبقا أد ايه؟
أروى: على حسب استجابتها للعلاج…
وعلى حسب التحاليل والإشاعة اللي هنعملها على دماغها..
هنشوف حجم الضرر ونحدد…
يوسف: تمام.. شكرا يا دكتورة..
أروى: العفو..
غادرت أروى ليتحرك ياسين خلفها ويغادر المكان..
لن يسامح نفسه، لن يسامح نفسه على ما وصلت له الفتاة بسببه..
جاء شريف وياسر ورؤى فنظر لهم يوسف بحـ،ــزن..
ليقول شريف: زينة صحيت؟؟
يوسف: أيوا…
تهللت أساريرهم ودخلوا إليها.. ليتبعهم يوسف…
ضم شريف زينة وقال لها: حبيبتي.. انتى كويسه؟
زينة: أه يا بابا.. أنا كويسه..
هو ليه مفيش حد عايز يسمع كلامي…
مش قولتلكم عايزه اشيل البتاع دا…
وفين الشكولاته بتاعتى يا يوسف؟
وعايزه نوجه.. فين نوجه…
شريف: نوجه مين؟
زينة: لعبتى… عايزاها…
ضحك ياسر وقال: انتي ليه بتتكلمي شبه الأطفال كده يا زينة…
يوسف: عشان هى طفلة…
نظر الجميع له منتظرين التفسير ليقول: زينة رجعت طفلة تاني..
فقدت عقلها…
زينة: بطلوا بقا… عايزه حد يشيل البتاع ده…
تراجع شريف للخلف ليسانده يوسف قائلا: اجمد يا بابا…
مش هينفع تنهار دلوقتى.. لازم نكون متماسكين..
عشان زينة محتاجانا كلنا..
بعد ساعة تقريبا كانوا جميعا فى المنزل…
صعدت زينة إلى غرفتها برفقة علياء..
وبعد جهد بالغ استطاعت علياء إقناعها بأن ترتاح
ثم نزلت لأسفل..
لتجد الأسرة مجتمعة…
تنهدت بحـ،ــزن ثم قالت: لازم يكون فيه حد جنبها يا عمى..
عشان كده أنا هفضل معاها.. لو تسمحلي يعنى…
شريف: دا بيتك يا علياء..
بس احنا برضو مش عايزين نتعبك معانا…
وبعدين ما كلنا موجودين..
علياء: فيه حاجات لازم ست هى اللي تكون موجوده معاها فيها…
ورؤى مشغوله بكليتها.. وغادة بابنها..
عشان كده أنا هفضل معاها…
شريف: هو الدكتوره قالت انها هتفضل كده كتير؟
يوسف: لسه هيعملوا تحاليل وأشعة..
عشان يحددوا..
شريف: ربنا يستر…
علياء: لو وراكم حاجه مهمة روحوا شوفوها..
أنا هطلع أقعد مع زينة…
شريف: ماشى يا بنتي..
صعدت علياء لأعلى وفى طريقها إلى هناك رن هاتفها برقم آدم فأجابت…
علياء: ايه يا آدم.. ما جيتش المستشفى ليه تطمن على زينة؟
آدم: هى كويسه؟
علياء: لا… زينة فقدت عقلها يا آدم..
رجعت طفلة…
آدم: يعني ايه؟ زينة بقت مجنونة؟
علياء: ما تقولش عليها كده..
كلها فترة وهترجع طبيعية إن شاء الله..
ياريت تبلغ بابا وماما اني هفضل معاها الفترة دي..
وتبعتلي هدومي مع السواق..
هنا جاءها صوت أخر…
– يعني ايه تفضلي معاها؟
دى واحده مجنونه دلوقتى.. افرض عملت فيكي حاجه..
علياء: ايه الكلام اللي بتقوليه دا يا أمى..
ازاي عايزاني أسيب زينة فى ظرف زي دا؟
ولا أقولك خلاص مش مشكله..
آدم كده كدا هيتجوز زينة…
وهتيجي بيتنا.. وأقدر أهتم بيها…
رشا: يتجوز مين ياختي؟
عايزه أخوكي يتجوز واحده مجنونة؟.
مستحيل…
أساسا أنا ما كنتش راضيه عن الجوازة دي..
هجوزه بنت أختى أحسن..
علياء: يا أمى… ازاي تقولي الكلام ده…
زينة دلوقتى فى محنة واحنا المفروض نكون جنبها..
عامة.. أنا عايزه أسمع رأى ابنك فى الموضوع دا..
عايزه أسمع رأى آدم..
انت ايه رأيك فى الكلام دا يا آدم..
آدم: أنا…. أنا..
علياء: انت ايه؟ انت لسه هتتردد
آدم: مش عارف يا علياء..
بس اللي أعرفه.. اني أكيد مش هتجوز زينة وهى فى الحالة دي..
مستحيل…
رشا: كويس انك لسه بتفكر..
سمعتي يا علياء هانم؟؟
يلا ارجعي البيت.. زينة معاها أهلها يهتموا بيها..
علياء: مش هسيبها يا أمى..
لو انتوا اتخليتوا عنها.. أنا مش هعمل كده..
زينة صاحبتي.. وأختى.. وبنت عمى..
وأنا مش هتخلى عنها.. زي بعض الناس..
لمجرد انها بتمر بفترة صعبة..
دلوقتى كله بان على حقيقته..
صدقني يا آدم..
حتى لو انت قررت ترجع لزينة بمجرد ما تبقا كويسه..
أنا اللي هقف فى وشكم..
ومش هخلى زينة تتجوز واحد زيك..
سلام…
أغلقت علياء الهاتف لتتنهد بحـ،ــزن..
فسمعت صوت زينة..
– متضايقه ليه؟
ابتسمت علياء وقالت لها: مفيش..
المهم انتي كويسه..؟
زينة: أيوا..
بس زهقت.. مش عايزه أفضل فى السـ،ــرير..
عايزه أجرى وألعب.. وأتنطط…
ضحكت علياء وقالت: طيب..
واحده واحده.. مش هينفع كله كده..
هنلعب سوا دلوقتى… ولما تبقى كويسه ننزل نلعب فى الجنينة..
زينة: طيب فين ألعابي؟ فين نوجه؟ وفين بوجي؟
علياء: هجبهملك.. هجبلك كل حاجه انتي عايزاها..
زينة: وعايزه شكولاته.. ليه ماحدش جابلي شكولاته…
علياء: حاضر يا ستى.. ثواني وكل اللي انتي عايزاه هيبقا عندك..
المهم تكوني مبسوطه..
♡♡♡♡♡♡♡♡♡
كانت رؤى ممددة على سـ،ــريرها تنظر إلى السقف بحـ،ــزن على حالتها وحال شقيقتها…
فجأة رن هاتفها فنظرت الى شاشته لتجد اسم فارس..
فتنهدت بضيق ولم تجب..
اتصل بها أكثر من مرة…
فأجابت..
– خير.. فيه ايه؟
فارس: ما جتيش الجامعة ليه النهارده؟
رؤى بحده: وانت مالك؟؟ مش قولتلك ابعد عني..
وما تكلمنيش تاني…
فارس: رؤى.. مش كده..
احنا لازم نتكلم..
وتفهمى اللي حصل..
رؤى بغضـ،ــب هامس: أفهم ايه؟. افهم ان سيادتك انت والآنسة سالى
خليتوني أشرب خـ،ــمره ..
والله أعلم عملت ايه وأنا فى حالتي دي..
فارس: ياحبيبتي… هو انتي شربتي لوحدك..
ما احنا شربنا معاكي..
وبعدين ما كانتش تجربة يعني اللي تعمل فيكي كل ده..
رؤى: أه طبعا.. ما سيادتك متعود عالشرب..
انت عارف ان لو حد من أهلى عرف اني شربت هيعملوا فيا ايه؟
فارس: حد عرف؟؟ حد اتكلم؟ خلاص خلصنا..
منا كمان لو أهلى عرفوا اللي حصل برضو أخويا مش هيتردد ثانية انه يقـ،ــتلني..
رؤى: انت عايز ايه دلوقتى؟
فارس: انسى اللي حصل وأنا أوعدك انه مش هيتكرر تاني..
خلاص كانت مره..
وجربنا وخلصنا..
رؤى: أه.. قصدكم ضحكتوا عليا عشان أجرب…
ادتنى الكاس على انه عصير.. وطلع خـ،ــمره..
فارس: ما انتي اللي ما كنتيش عايزه تجربي..
نعملك ايه..
قولنا نعمل فيكي مقلب..
عامة ياستى حصل خير..
وأنا عن نفسى.. آسف.. مش هيتكرر تاني..
رؤى: وأنا قبلت أسفك.. اتفضل بقا..
فارس: انتي ما جتيش ليه الأول؟
رؤى: أختى عملت حادثة امبارح..
والنهادره اكتشفنا انها فقدت عقلها..
فارس: يعني بقت مجنونة؟؟
رؤى: أيوا..
فارس: لا حول ولاقوة إلا بالله..
وهتعملوا معاها ايه؟
رؤى: ولا حاجه… الدكتورة قالت مجرد وقت وان شاء الله هترجع لحالتها الطبيعية تاني..
فارس: ان شاء الله..
طيب أنا عايز أشوفك..
رؤى: أه… عشان تعمل زي أخر مره..
فارس: مش قولنا هننسى؟
رؤى: ماشى يا فارس.. بس مش دلوقتى..
نبقا نتقابل فى الجامعه بقا
لاني تعبانه..
فارس: تمام.. اللي تشوفيه
♡♡♡♡♡♡♡♡♡♡♡
كان ياسين يتحرك فى مكتبه ذهابا وإيابا وهو يفكر فى أمر زينة وما وصلت إليه بسببه..
يراقبه عاصم فى صمت.. حتى قرر أخيرا أن يخرج عن صمته ويقول: ياسين بيه.. فين حاجه.؟
تنهد ياسين بضيق ليجلس على كرسيه ثم قال له: البنت اللي خبطتها بالعربية…
عاصم: مالها؟
ياسين: فقدت عقلها..
عاصم: لا حول ولا قوة إلا بالله…
بس انت هتعمل ايه يا باشا؟ مفيش فى ايدك حاجه تساعدها بيها…
ممكن تساعدها مثلا فى فلوس العلاج؟
ياسين بسخرية: دا أبوها يقدر يشتريني بفلوسه لو عايز..
دي بنت شريف الصياد..
عاصم: اييييه؟؟
شريف الصياد..؟ دي مصيبة..
أكيد واحد زيه مش هسيبك فى حالك لو عرف انك ورا اللي حصل لبنته..
أكيد دلوقتى بيدور عاللي عمل كده…
ياسين: انت متابع التحقيقات صح؟ وصلوا لإيه؟
عاصم: لحد الآن مفيش أى دليل..
مفيش كاميرا.. مفيش شهود..
ماحدش لحق يشوف نمرة العربية..
وطبعا العربية خلاص اختفت..
يعني الملف هيتقفل..
ياسين: فيه دليل…
عاصم: ايه؟
تذكر ياسين تلك اللقطة السريعة التى تبادلا فيها النظرات ليقول: شافتني.. البنت شافتني..
عاصم: يعني لو شافتك هتعرفك؟
ياسين: ماتوقعش..
أنا روحتلها المستشفى وشوفتها لما فاقت وهى شافتني..
بس ما ظهر عليها أى علا،،مـ،ــات تدل على انها تعرفني..
عاصم: طيب.. الحمدلله..
ياسين: بس بمجرد ما ترجع لحالتها الطبيعية أكيد هتعرفني..
عاصم: والعمل؟
ياسين: مش عارف..
أنا بجد متضايق جدا بسبب اللي حصل..
بس مش عارف أساعدها ازاي..
♡♡♡♡♡♡♡♡♡♡♡♡
حل المساء واجتمعت أسرة الصياد فى منزل شريف..
كانوا يجلسون فى الصالة.. يشربون القهوة…
سليمان: زينة أخبارها ايه دلوقتى..
شريف: الحمدلله..
فى تلك اللحظة نزلت زينة برفقة علياء وفى يدها لعبة صغيرة..
كانت تمسك يد علياء وكأنها طفلة صغيرة تتعلق بوالدتها..
لم تستطع تمييز جميع الوجوه..
فقالت لها علياء: عايزاكي زي الشاطره كده
تروحي تسلمي على عمو..
زينة: عمو مين؟
علياء: عمو سليمان..
نهض سليمان ليمد يده نحو زينة فأشارت لها علياء لتمد يدها
فمدت يدها وسلمت عليه..
سليمان: عامله ايه يا زينة يا حبيبتي؟
زينة: الحمدلله..
هو انت أخو بابا صح؟
انت عمو سليمان.. أيوا فكراك..
كنت بتيجي تشدلي الضفاير بتاعتي..
ضحك سليمان وقال: أيوا أنا هو…
نظرت لرشا التى كانت تنظر لها باشمئزاز..
ثم قالت: ودي طنط الحرباية مراتك صح؟؟
حاول الجميع كتم ضحكاتهم لكن ياسر لم ينجح فى ذلك..
فرمقته رشا بنظرة ساخطة..
ثم قالت: ما شاء الله.. لحقتي تعرفيني..
وبعدين انتي تعرفي الحرباية أساسا…
زينة: ايوا أعرفها..
المعملة قالتلي الحرباية حيوان بيتلون حسب البيئة اللي هو فيها عشان يهرب من الحيوانات…
أشاحت رشا ببصرها عنها بكبرياء
لتنظر زينة إلى الجالس بجوارها..
وقالت: انت آدم.. آدم..
أيوا..
كادت زينة تتحرك نحوه لكن علياء منعتها وقالت: رايحه فين..
زينة: هسلم عليه…
علياء: مش هينفع..
زينة: ليييه…؟
علياء: هقولك بعدين تعالي نقعد..
سليمان: والله يا جماعة مش عارف أقول ايه.. ربنا يشفيها ويطمنك عليها ياشريف..
شريف: يارب..
علياء: بابا.. أنا هقعد معاهم عشان أهتم بيها..
سليمان: ماشى يا حبيبتي…
رشا: وكنا عايزين نتكلم فى موضوع تاني..
وكزت رشا آدم فى ذراعه ليقول: الصراحه.. الصراحه يا عمى..
أنا مش هقدر أكمل مع زينة وهى بالوضع دا..
أو يعني ممكن نأجل…
قاطعته رشا بسرعة: نأجل ايه؟؟ افرض فضلت مجنونة كده هتعمل ايه؟؟
نظر الجميع لها بدهشة ليقول لها سليمان: رشا… ايه الكلام ده؟
رشا: قصدي يعني.. افرض لا قدر الله يعني.. الوضع دا طول..
هتستني ازاي؟؟
شريف: انت مش مضطر تستنى يابني..
روح وشوف حياتك واتجوز..
آدم: أنا آسف بجد يا عمي.. بس..
شريف: ولا يهمك يابني..
وبعدين احنا برضو يهمنا سعادتك…
وزينة بنتى لسه مش عارفين هتفضل كده لامته…
عشان كده.. انت مش مضطر تستنى.. روح وكمل حياتك…
علياء: عن اذنكم.. يلا يا زينة عشان ترتاحي..
سحبت علياء زينة لأعلى..
لتقول لها زينة: ليه طلعتيني؟
كنت عايزه أفضل شويه..
كنت مستنياهم يخلصوا كلام عشان ألعب مع آدم..
علياء: خلاص يا زينة.. ما عادش فيه آدم..
زينة: يعني ايه؟
علياء: يعني انسى آدم يا زينة..
آدم بقا صفحة واتحرقت من حياتك..
وأنا مش هسمحلك ترجعيله تاني..
الانسان اللي يتخلي عنك وقت ضعفك ما يستحقش يفضل جنبك..
زينة: أنا مش فاهمة حاجة..
وبعدين انتي ليه عايزاني ألبس البتاع دا..
قالتها وهى تخلع الخمار..
ثم قالت: أنا عايزة أعمل شعري ضفيرة وأروح الجنينة وألبس فستاني اللي شبه بتاع ربانزل…
علياء: مش هينفع يا زينة..
انتي خلاص كبرتي.. ولازم تلبسى حجاب.. وهدوم واسعة..
زمت زينة شفتيها وقالت: بس أنا كده مش مبسوطه..
وبعدين هو انتي كل شويه تقوليلي اعملي وما تعمليش..
أنا زهقت…
مش عايزه أسمع كلامك تاني…
تنهدت علياء بحـ،ــزن وقالت: زينة.. هى فترة وهتعدي…
وإن شاء الله تعدي بسرعة..
انتي بس اصبري.. وأنا معاكى..
لحد ما تعدي… وترجعي زينة اللي كلنا نعرفها…
يتبع….
رواية/ قد شغفها حبا
الحلقة الثالثة
استيقظت علياء على صوت صـ،ــراخ فنهضت بسرعة وخرجت من الغرفة لأنها لم تجد زينة فى سـ،ــريرها…
كانت فى الأسفل تتشـ،ــاجر مع سيف..
فنزلت بسرعة لتجد غادة تسبقها وتصـ،ــفع زينة على وجهها
ثم صـ،ــرخت قائلة: انتي مجنونة؟؟؟ بتضـ،ــربى ابني ليه؟
سيف ببكاء: كانت عايزه تاخد اللعبة بتاعتي..
وضعت زينة يدها على وجهها وقالت ودموعها تتساقط: ضـ،ــربتيني ليه…
هو اللي بدأ…
جاءت علياء وضمتها إلى صـ،ــدرها لتقول لغادة بحده: ايه اللي عملتيه دا يا غادة..
انتي مش عارفه انها تعبانه؟؟
بتضـ،ــربيها ليه…؟
صاحت غادة: مجنونة.. يبقا تروح مستشفى المجانين..
تروح تقعد وسطهم هناك..
وتتعالج.. لكن مش تيجي تعيش معانا وتضـ،ــرب ابني..
المره دي ضـ،ــربته.. بكره هتعمل ايه؟؟
مش بعيد تقـ،ــتله…
وطبعا ماحدش هيلومها لأنها مجنونة…
علياء: كفااايه… كفااايه بقا..
انتي ايه؟ مفيش عندك دم للدرجادي؟؟
ايه مجنونة دي…
زينة تعبانه.. وبدل ما تبقى جنبها وتساعديها..
بتقولي عليها مجنونة.. والمفروض تروح مستشفى المجانين..
غادة بسخرية: اومال المفروض اللي زيها لا مؤاخذة يروح فين…
وبعدين انتي ازاي تتكلمي معايا بالطريقة دي؟؟
قاعده فى بيتى وبتعلى صوتك عليااا؟؟؟
– غااااده…
نظروا لأعلى ليجدوا ياسر يهبط الدرجات ويتجه نحوهم..
ثم وجه حديثه ونظره لغادة: انتي اتجننتي؟؟
ازاي تتكلمي مع علياء بالطريقة دي؟؟
انتي مش عارفه انها صاحبة البيت زيها زيك…
علياء بنت عمى..
وتيجي وتقعد فى البيت زي ما هى عايزه..
والشويه الحوارات اللي عملتيها دي.. مش عايزه أسمعها تاني..
غادة: الله… الله… انت كمان بتعلي صوتك عليااا
ياسر بسخرية: ايه.. هتقولي انه مش بيتي؟
ثم تحدث بجدية: اتفضلى اطلعي على أوضتك..
وإياك أسمعك بتضايقي علياء أو زينة تاني..
سحبت غادة سيف وعادت إلى غرفتها وهى مغتاظة بشدة..
أما ياسر فقد قال وهو ينظر بعيدا عن غادة وزينة: وانتوا كمان اطلعوا فوق..
ولو ضايقتكم تاني قولولي..
وأنا آسف يا علياء عن الكلام اللي قالته غادة..
ما تفكريش فى كلامها كتير..
هى مالهاش حق فى البيت ده عشان تتكلم عنه..
والبيت دا بيتك وتقعدي فيه براحتك…
سحبت علياء زينة وصعدت لأعلى لتقول لها: ينفع كده..
نزلتي ليه من غير ما تقوليلي..
زينة: كنت عايزه العب..
ولقيت الواد الصغير دا تحت.. قولت ألعب معاه..
علياء: بعد كده ما تخرجيش من الأوضة من غيري..
نهضت علياء لتقف أمام المرآة ثم قالت: ناقصين بقا قرف من اللي اسمها غادة…
ثم صاحت قائلة: أنا كنت تحت كده…؟ ياسر شافني كده؟؟؟
شاف شعرى ودراعي؟؟؟ يادي النيلة…
يخربيت كده…
ياربي… ياربي.. عشان كده ما كانش بيبصلي.. وأنا بقول ياسر بقا محترم امته وبيغض بصره…
أتاريني أنا اللي كنت فتحاها عالبحرى..
زينة: مش فاهمة انتي بتقولي ايه..
ويلا عايزه أكل.. هاتيلي حاجه أكلها..
علياء: حاجه تاكليها ايه… حاجه تاكليها ايه…
أودي وشى فين دلوقتى من أخوكي..
أوريه وشى ازاي بعد اللي حصل…
زينة: ماليش دعوه.. عايزه أكل.. اتصرفي…
♡♡♡♡♡♡♡♡♡♡♡
فى المساء..
اجتمعت الأسرة على مائدة العشاء..
لكن علياء رفضت النزول لأنها تشعر بالحرج بسبب ما حدث مع ياسر…
كانت تؤدى صلاة العشاء..
وبعد انتهاءها بدأت تدعو..
– يارب اشفى زينة ورجعها لحالتها الطبيعية..
وسامحني..
أنا نزلت بسرعة لما سمعت صوت زينة وهى ـ،ــ
وماجاش فى دماغي اللبس.. أو اني قاعده فى بيت عمى..
وولاده موجودين…
يارب.. سامحني..
انت عارف اني عملت كده سهو منى..
يارب..
سمعت طرقات على الباب فنهضت لتفتحه لتجد رؤى فى وجهها..
رؤى: يلا انزلي عشان العشا…
علياء: مش جعانه.. كلوا انتوا
رؤى: بابا قالي مارجعش من غيرك يلا…
نزلت معها علياء لأسفل
وجلست بجوار زينة…
ألقت نظرة سريعة على ياسر الذى كان منشغلا بطعامه..
ثم نظرت إلى زينة لتقول لها: ما بتاكليش ليه..
زينة: مستنيه اللبن..
عشان أكل البسكويت واللبن..
مش حابه أكل من الأكل ده..
شريف: كلمت الدكتورة يا يوسف؟
يوسف: أيوا يابابا..
شريف: وايه الأخبار…
تذكر يوسف محادثته مع أروى…
أروى: حالتها متأخرة شويه..
يعني ممكن تاخد خمس شهور أو سنة..
على حسب استجابتها للعلاج..
بس ان شاء الله تكون فترة قصيرة…
يوسف: الدكتورة قالت انها ممكن تطول..
شريف: أنا بقول ناخدها لدكتور شاطر..
وخصوصا ان الدكتورة دي باين عليها لسه صغيرة ومتخرجة قريب..
يوسف: اللي يريحك يا بابا..
بس اللي عرفته ان الدكتورة أروى..
دكتورة ممتازة جدا.. متخصصة فى المخ والأعصاب..
ورغم انها لسه بدأه من فترة قصيرة..
إلا أنها أنجزت فى ملفات مـ،ــرضى كتير..
طبعا الشفاء بإيد ربنا..
بس أنا حبيت أقولك..
عامة هى فاتحة عيادة.. وبالنسبة للمستشفى فهى بتعمل فيها العمليات…
وأنا بقول نكمل معاها أحسن..
أنا بفضل ان زينة تتعالج عند دكتورة…
شريف: ربنا يقدم اللي فيه الخير..
صعدت علياء إلى الغرفة برفقة زينة..
أعطتها دواءها..
وبدأت تحكى لها القصص كما طلبت..
وقامت بتشغيل فيلم كارتون ليشاهداه سويا…
بعد ذلك نامت زينة..
لتتنهد علياء بحـ،ــزن وتنزل إلى الحديقة..
من خلال درج شرفة الغرفة..
رن هاتفها فى تلك اللحظة وكان المتصل والدتها..
فأجابت..
رشا: وبعدين؟ هتفضلي قاعده عندك كده كتير؟
هتوقفى مستقبلك عشانها؟
علياء: خير يا ماما… خير…
رشا: فيه عريس جاي وعايزاكي تقابليه..
علياء: وده مين بقا ان شاء الله؟
رشا: واحد صاحب شركة للاستثمار..
وعنده…
قاطعتها علياء: ماما لو سمحتى.. بلاش كلام فى الموضوع دا تاني..
لما زينة ترجع لطبيعتها نبقا نتكلم…
صاحت والدتها: زينة.. زينة.. زينة..
هى كل حاجه زينة؟؟ انتي هتوقفي حياتك عشانها؟
هى كانت أختك ولا أمك عشان تعملى معاها كده؟
علياء: ماما.. هو انتي ليه مش فهماني..
زينة صاحبتي وأختى… صاحبتي من زمان..
اتولدت لقيتها معايا…
عايزاني أسيبها فى ظرف زي دا؟
وبعدين أنا مش هقدر أفكر فى موضوع الجواز وهى مش كويسه…
عايزاها جنبي فى الموضوع ده…
مش هقدر أعمل حاجه من غيرها..
مين اللي هاخد رأيه فى العريس..
مين اللي هخرج أشترى معاه فستان الخطوبة وحاجة الجواز؟؟
لما زينة تبقا كويسه نبقا نتكلم..
رشا: خليكي جنبها.. إياك تنفعك فى الأخر..
بس اعملي حسابك يا ست علياء..
الوضع دا مش هيستمر لوقت طويل…
أغلقت الخط لتتنهد علياء بحزـ،ــن وتغطى وجهها بيديها..
فجاءها صوته..
انتي كويسه؟
شعرت بالفزع لتهب واقفة وهى ترى ياسر أمامها..
ياسر: انا آسف.. اني خضيتك..
علياء: لا ولا يهمك عادي.. انا كويسه..
أه وبالنسبة لموقف الصبح..
ياريت تعذرني.. أنا كنت نايمه وسمعت صوت زينة بتصـ،ــرخ..
فما جاش فى دماغي اني أشوف لبسي..
وحتى لما انت جيت وكلمت غادة..
ما استوعبتش اني مش لابسه لبس محتشم غير لما طلعت فوق…
ياسر: لا عادي..
الصراحه أنا اللي آسف لأني نزلت..
بس كنت عايز أوقف غادة عند حدها..
أنا كنت متابع الموقف من الأول.. بس ما كنتش عايز أنزل عشان ما أحرجكيش…
علياء: تمام.. تصبح على خير..
صعدت علياء إلى الغرفة مرة أخرى..
ليراقب ياسر أثر رحيلها فى صمت ثم قال فى النهاية: وانتي من أهله..
♡♡♡♡♡♡♡♡♡♡
كانت أروى جالسة فى غرفتها تراجع بعض الملفات..
سمعت طرقات على الباب فسمحت للطارق بالدخول لتجد ياسين…
ياسين: لسه صاحيه ليه..
قالها وهو يجلس مقابلها..
فقالت: براجع شوية ملفات مهمة..
ياسين: اممم..
ياترى من بينها ملف مريضتك..
اللي خسرت عقلها..
ابتسمت وقالت: مش عارفه بجد انت مهتم بالمريضة دي ليه..
ياسين: لا عادي..
بس عندي فضول أعرف حالتها وصلت لإيه..
أروى: للأسف.. حالتها متأخرة شويه..
يعني ممكن تاخد وقت طويل لحد ما ترجع لحالتها الطبيعية..
أقل حاجه مثلا خمس شهور..
صعبانه عليا أوي..
ربنا يكون فى عون أهلها..
أنا عرفت انها كانت مخطوبة.. كنت شوفت الدبلة فى ايديها قبل ما تدخل العمليات…
بس خطيبها سابها عشان الحالة اللي وصلت ليها..
ياسين: وانتي عرفتي منين انه سابها؟
أروى: أخوها قالي..
يعني.. كنت بسأله لو مخطوبة أو كده..
عشان أقدر أحدد دور جوزها فى العلاج..
أو إذا كان جوازها ممكن يأثر على حالتها..
قالى انها كانت مخطوبة بس خطيبها سابها..
وطبعا أنا فهمت لوحدي هو ليه سابها..
ياسين: تصدقى فعلا ما جتش فى بالي الفكرة دي..
أروى: فكرة ايه؟
نهض ياسين وقال: لا كنت بفكر فى حاجه كده..
أروى: يعني انت سايبني أهرى مع نفسى وفى الأخر بتفكر فى الشغل؟
ياسين: تصبحى على خير يا أروى يا حبيبتي..
خرج ياسين من الغرفة بسرعة لتقول أروى: وانت من أهله..
عاد ياسين إلى غرفته واتصل بعاصم..
ليقول له: عاصم.. أنا خلاص عرفت أنا هعمل ايه فى موضوع البنت اللي أنا خبطتها بالعربية..
عاصم: خير..
ياسين: هتجوزها..
رواية/قد شغفها حبا
الحلقة الرابعة
ياسين: أنا هتجوزها…
عاصم: ايييه؟؟…
ياسين: زي ما سمعت…
عاصم: بس انت هتقدر تتحمل مسؤولية زي دي ازاي؟
ياسين: أنا اللي مسؤول عن اللي حصلها..
ولازم أصلح غلطي..
وأتحمل نتيجته..
عاصم: ووالدتك؟؟
ياسين: هبقا أقنعها.. المهم دلوقتى تاخدلي معاد مع شريف الصياد..
عايز أقابله عشان أكلمه فى الموضوع…
عاصم: اللي تشوفه…
تنهد ياسين براحة وقال: كده أبقا ريحت ضميرى..
فى اليوم التالى..
ذهب ياسين إلى شركة الصياد..
وقصد مكتب شريف الصياد..
انتظر قليلا حتى حان دوره..
ثم دخل إليه…
مد يده نحوه وقال: ازي حضرتك يا فندم..
أنا ياسين زهران..
صافحه شريف قائلا: أهلا بيك…. اتفضل..
أشار له ليجلس.. ففعل
ليقول له: أنا ياسين زهران..
عندي شركة كده صغيرة للاستثمار..
والحمدلله الشغل بتاعي ماشى كويس..
وعندي ڤلة.. عايش فيها مع أهلى..
والدي متوفي بقاله خمس سنين..
وأنا المسؤول الأول عن عيلتي..
طبعا حضرتك مستغرب أنا بحكيلك كل التفاصيل دي ليه..
الصراحه أنا جاي لحضرتك فى طلب..
مش عارف أتكلم فيه ازاي..
شريف: قول اللي عندك يابني..
ياسين: الطلب دا ممكن يكون فرصة ليا بعد كده عشان أعمل شراكة مع حضرتك..
أنا جاي النهاردة عشان أطلب ايد بنت حضرتك…
شريف: رؤى؟
ياسين: زينة.. بنت حضرتك الآنسة زينة…
شريف: أنا آسف بجد يابني بس مش هينفع..
مش هقدر أنفذ طلبك دا…
ياسين: أنا عارف وضع الآنسة زينة..
ومستعد أتحمل مسؤليتها…
شريف: يعني انت عارف ان بنتي…
ياسين: أختى هى الدكتورة المسؤولة عن حالتها…
وما عنديش مانع أتجوزها وهى بالحالة دي..
شريف: بس ليه…
انت ليه عايز تتجوزها وهى بالشكل ده؟
ياسين: أنا الصراحه معجب ببنت حضرتك من زمان..
بس طبعا ما كانش ليا فرصة لأنها كانت مخطوبة لابن عمها..
بس دلوقتى بعد ما عرفت ان الخطوبة اتفسخت..
قررت أستغل الفرصة.. وأطلب ايدها من حضرتك…
وبعدين أنا بإذن الله هقدر أهتم بيها
وأختى معايا…
شريف: ماشى يابنى.. عامة أنا هفكر فى الموضوع وهبقا أبلغك..
ياسين: تمام شكرا لحضرتك…
دا الكارت بتاعي.. ياريت حضرتك تتصل بيا لما تاخد قرار..
شريف: إن شاء الله..
غادر ياسين المكان وهو يتمنى أن يوافق شريف..
لقد اضطر للكذب.. أو ربما لم يكذب..
ربما يحبها حقا..
ولكن ما لم يفكر فيه، ما الذى سيفعله عندما تعود زينة لطبيعتها وتتذكره؟؟
ربما سيخسر كل شىء فى تلك اللحظة..
وسيقضى عليه والدها بالتأكيد..
♡♡♡♡♡♡♡♡♡
كانت زينة تركض فى الحديقة وتلعب مع سيف..
وعلياء تراقبها بحـ،ــزن وهى تفكر فيما ستفعله والدتها…
مضى الوقت سريعا وحل المساء لتجتمع الأسرة على مائدة العشاء..
شريف: أومال زينة فين يا علياء؟
علياء: نامت.. كانت طول النهار بتلعب مع سيف
فتعبت ونامت..
شريف: وأخبارها ايه..
علياء: كويسه الحمدلله..
عندها معاد مع الدكتورة بكره ان شاء الله..
عشان تشوف حالتها وصلت لفين..
شريف: الدكتورة دي شاطره؟
علياء: والله هى كويسه..
كل الناس بيقولوا عليها انها ممتازة..
وبيجيلها ناس كتير..
شريف: أخوها متقدم لزينة…
نظر الجميع له ليكمل: اسمه تقريبا ياسين زهران…
يوسف: أه.. الدكتورة اسمها أروى زهران..
شريف: هو قالي انه عنده شركة للاستثمار..
وعارف حالة زينة..
ومستعد يتجوزها..
بس أنا مش عارف أوافق ولا لأ..
علياء: لا يا عمى ما توافقش..
ازاي تجوز زينة وهى فى الحالة دي؟
احنا اللي المفروض نهتم بيها مش حد تاني..
شريف: بس يابنتي هى مسيرها تتجوز..
وبعدين الدكتورة قالت انها ممكن تطول..
يوسف: برضو يا بابا..
أنا رأى من رأي علياء..
وبعدين انت مش مستغرب من الموضوع؟
ليه عايز يتجوزها وهى فى الحالة دي..
شريف: هو قالي انه معجب بيها..
غادة بسخرية: لا يا عمي..
دا عشان نسبك..
هو كان يطول يناسب شريف الصياد..
دا حلم بيتمناه ناس كتيره..
وهو ما صدق الفرصة جالته لما آدم سابها..
ساد الصمت قليلا ليقول شريف: هو قالي انه كان معجب بيها..
بس هى طبعا كانت مخطوبة لآدم..
ولما عرف ان الخطوبة اتفسخت قرر يستغل الموقف..
عامة أنا هسأل عليه برضو زيادة فى الحرص..
ولو كان شخص كويس..
هوافق..
ياسر: وزينة؟؟ لو كانت زينة كويسه ما كانتش هتوافق..
تتوقع لما ترجع طبيعية هتكون ردة فعلها ايه؟
علياء: لو كان كده يبقا اتوكل على الله يا عمى..
صحيح ان آدم أخويا بس أنا ما حبتش موقفه مع زينة…
ما كانش ينفع يتخلى عنها وهى فى الحالة دي..
شريف: الصراحه يابنتي ما كانش ينفع ألومه..
زينة بحالتها دي مسؤولية كبيرة..
ومش سهل عليه يتحملها…
علياء: بس برضو يا عمى..
كان ممكن يستناها..
بس هو ما كانش بيحبها بجد زي ما هى كانت بتحبه..
عشان كده ما يستهاهلهاش..
اتوكل على الله يا عمى..
واسأل على العريس.. ولو لقيته شخص كويس وبيخاف ربنا..
وافق..
شريف: وأنا ان شاء الله هعمل كده..
♡♡♡♡♡♡♡♡
– هى علياء دي مفكره نفسها ايه..
اتوكل على الله ياعمي..
أنا من رأيي يا عمى…
كانت غادة تقول هذه الكلمات وهى تدور فى الغرفة بحنق..
فقال لها يوسف: ايه يا غادة؟؟ فيها ايه يعني لو قالت رأيها..
غادة: محسساني انها عضو مهم فى البيت..
دي مجرد ضيفه.. وشكلها نسيت نفسها…
يوسف: غادة.. بلاش كلام كتير عالفاضى..
أهو.. يمكن زينة تتجوز وساعتها علياء هترجع بيتها
ريحى دماغك بقا…
غطى يوسف جـ،ــسده لينام..
أما غادة فقد قالت: ماشى.. هنشوف
♡♡♡♡♡♡♡♡♡♡
– ها يا جميل.. قررت تعمل ايه؟
جاءه الرد: مش عارفه يا ياسر…. بفكر يعني..
نهض ليفتح نافذة غرفته وينظر من خلالها للسماء ليقول: بتفكري فى ايه..
– صعب… صعب اني أخرج معاك..
ياسر: يووه بقا يا ثريا… هو كل مره يعني لازم نتخانق..
عشان نفس الموضوع..
ما قولتلك خمس دقايق..
هنقعد سوا فى الكافتيريا يا ستى بتاعت الجامعة.. خمس دقايق..
ثريا: بتاعت الجامعة كمان.. دا انت اتجننت رسمى..
ياسر بجد مش عايزه أتجادل معاك فى الموضوع دا..
أنا بقالى فترة بقدم تنازلات…
بس مش هتوصل لاني أخرج معاك….
ياسر: يعني مش بتحبيني يا ثريا؟
ثريا: أه بدأنا بقا بنفس الموال..
ايه عـ،ــلاقة ده بالحب مش فاهمة..
وبعدين منا بقالي فترة بتحايل عليك عشان تيجي تتقدملي..
وانت اللي مش راضي..
ياسر: هجيلك وأنا لسه طالب يا ثريا؟
ثريا: وفيها ايه يعني؟
بمجرد ما أهلى يعرفوا انك ابن شريف الصياد هيوافقوا على طول…
ياسر: بس أنا ما أقبلش على نفسى اني أتقدم لواحده باسم بابا..
أنا لما أتقدم هاجي أتقدم عشان اسمى أنا..
ووظيفتي وشغلي أنا.. مش شغل واسم بابا…
ثريا: خلاص.. كلها كام شهر ونتخرج وتيجي تتقدم..
هانت أهي..
ياسر: طيب ما تعتبري الفترة دي فترة تعارف…
ثريا: تعارف ايه بس يا ياسر..
احنا بقالنا سنتين نعرف بعض..
ياسر: أديكي قولتي سنتين..
وما خرجناش ولا مره سوا فيهم..
يرضيكي يقولوا عليا عيل صغير مش عارف يوقع البت اللي ماشى معاها…
ويخليها تخرج معاه..
ضحكت وقالت: أه قول كده بقا..
قول ان انت متراهن عليا انت وصحابك..
وانتوا بتخمسوا فى الشيشه..
ضحك وقال: لا خيالك واسع أوي..
ثريا: وراء كل قصة حب.. قلب مكسور..
انت شكلك كده هتكسرني…
ياسر: ثريا.. ما بلاش الكلام اللي يسد النفس ده..
دا احنا لسه بنقول ياهادي..
وبعدين أنا بكلمك النهارده والقمر طالع والدنيا ربيع والجو..
فى هذه اللحظة وجد علياء تخرج إلى الشرفة..
دخل بسرعة وأغلق النافذة
ليأتيه صوت ثريا: ما تكمل يا أمير الشعراء..
ياسر: أصلى لقيت القمر طلع بجد..
ثريا: أه منك يا ياسر..
حاسه انك هتوديني فى داهية…
ياسر: طب ليه سوء الظن دا يا جميل..
دا أنا حتى ماليش ماضى وديلي نضيف زي ما بيقولوا..
ثريا: طالما وقعت فى عـ،ــلاقة حب يبقا ديلك مش نضيف..
ياسر: يادي النيلة..
انتي ناويه تنكدي علينا واحنا فى الليلة الحلوة دي..
ثريا: ياربي..
ياسر: بقولك ايه.. ما تفتحي فيديو كول نشوف النجوم بالمرة…..
ضحكت وقالت: دا انت بيئة أوي..
قديمه يابني شوف غيرها..
ياسر: بت… تصدقي انك رخمه..
روحي نامي..
يلا أشوفك الأسبوع الجاي فى الكلية…
ثريا:ماشى..
يلا تصبح على خير..
ياسر: وإنتى من أهلى يا حب…
تنهد براحة وهو يغلق الهاتف ثم قال: لو كانت علياء سمعتني..
كان هيحصل ايه يعني..
♡♡♡♡♡♡♡♡♡♡♡♡♡
بعد مرور أسبوع اتصل شريف بياسين..
ياسين: ازي حضرتك يا شريف بيه..
شريف: الحمدلله… وانت اخبارك ايه..
ياسين: الحمدلله تمام..
شريف: حبيت أبلغك بردي..
ياسين: اتفضل..
شريف: أنا موافق على جوازك من زينة..
ياسين: بجد… شكرا لحضرتك..
شريف: بتشكرني على ايه؟
عامة يابني أنا هستناك بكره ان شاء الله بعد المغرب
تيجي انت وعيلتك عشان نتكلم فى التفاصيل…
ياسين: تمام اللي تشوفه حضرتك…
شريف: ملهاش لزمه بقا حضرتك..
احنا هنبقا نسايب..
ياسين: اللي تشوفه يا عمى..
سلام…
أغلق ياسين الهاتف ليتنهد براحة..
ثم قال لنفسه: ياترى هعمل ايه..
هقدر أتحمل مسؤليتها؟
♡♡♡♡♡♡♡♡♡♡♡♡
– ها يا زينة يا قمر.. أخبارك ايه النهارده؟
زينة: مش كويسه…
مش راضيين يخلوني أروح الملاهي…
علياء: هو احنا مش قولنا انتي كبرتي عالملاهي؟
زينة: لا أنا لسه صغيرة…
أروى: زينة يا قمر..
مش احنا اتفقنا اننا هنسمع الكلام؟
زينة: طيب منا بسمع الكلام…
أروى: خلاص يا علياء..
خديها الملاهى.. بس بشرط..
تتصرفي زي الكبار..
يعني تبقى عاقله وتسمعى كلام علياء..
زينة: حاضر…
أروى: سناء بره روحي خدي منها الشكولاته بتاعتك…
نهضت زينة لتخرج من الغرفة..
فتنهدت علياء بحـ،ــزن وقالت: ها يا دكتورة..
أروى: الموضوع هياخد وقت زي ما قولت قبل كده..
علياء: يعني فيه تحسن ولا ايه؟
أروى: أيوا فيه تحسن…
علياء: طيب..
وبالنسبة لحكاية جوازها اللي كلمت حضرتك فيها..
أروى: بصى يا علياء..
الموضوع بيعتمد عالعريس..
يعني لو شخص كويس وهيقدر يفهمها ويهتم بيها..
تمام مش مشكله…
مش أى حد يتعامل معاها..
انتي فهماني صح؟
مش هينفع تتجوز راجل عايزاها لمجرد رغبات..
دي طفلة دلوقتى.. يعني عايزه صبر.. وعايزه تفاهم..
وأتوقع ان مفيش حد ممكن يعمل كده غير لو كان بيحب بجد..
أو عنده نقص..
علياء: حتى لو كان العريس يبقا أخو حضرتك؟
خلعت أروى نظارتها وقالت: ايه؟؟
علياء: عمى قالنا ان أخو حضرتك طلب ايد زينة منه…
مش فاكره اسمه..
بس المهم ان وافق.. وقالنا انه هيديله معاد عشان يجي يتقدم رسمى..
بكره ان شاء الله بعد المغرب…
أروى: انتي متأكده من الكلام ده؟؟
أصل أخويا ما جابلناش سيرة الموضوع ده..
علياء: أيوا.. مش أخو حضرتك برضو اسمه ياسين؟؟
هو قال لعمي ان أخته هى الدكتورة المسؤولة عن حالة زينة…
أروى: هو أكيد كان مستنى رد والدها عشان يكلمنا فى الموضوع…
عامة ان شاء الله خير.. وطبعا يعني احنا يشرفنا نناسبكم…
علياء: تمام.. عن اذن حضرتك…
غادرت علياء لتقول أروى: معقوله؟؟؟
♡♡♡♡♡♡♡♡♡♡♡♡♡
عادت أروى إلى منزلها وبدلت ملابسها لتشارك الأسرة فى تناول العشاء…
كانت تنظر إلى ياسين بين الحين والأخر لترى هل سيتحدث معهم فى أمر الزواج أم لا..
فقررت هى أن تتحدث…
أروى: ايه يا ياسين.. مش عايز تتكلم معانا فى موضوع كده؟
ياسين: موضوع زي ايه يعني..
أروى: جواز مثلا… خطوبة.. أي حاجه…
ياسين: أه…
انا فعلا كنت عايز أتكلم معاكم فى الموضوع ده…
أروى: بنت شريف الصياد.؟
ياسين: عرفتي ازاي؟
نهلة: ايه ده.. ايه ده…
انت عايز تتجوز من غير ما تقولنا يا ياسين ولا ايه؟
ياسين: لا يا أمى مش كده..
أنا بس كنت مستنى رد باباها عشان أكلمكم فى الموضوع…
نهلة: بنت شريف الصياد…
أنا سمعت صح؟
ياسين: أيوا يا أمى.. بنت شريف الصياد..
بدأ فارس يسعل..
لتناوله أروى كوبا من الماء..
أما نهلة فقد قالت: بجد يا ياسين؟؟ وشريف الصياد وافق؟
ياسين: أيوا.. واداني معاد عشان أروح أقابله..
نروح نقابله..
المفروض نروحله بكره ان شاء الله…
نهلة: بجد برافو عليك يا ياسين…
يا زين ما اختارت يا حبيبي..
مش مصدقه اننا هنناسب عيلة شريف الصياد..
أروى: نسب ايه.. استني يا أمى..
انتي عارفه ابنك عايز يتجوز مين؟؟
نهلة: ايه يعني.. بنت شريف الصياد..
أروى: أيوا… بنته دي حالتها حاليا مش طبيعية..
انتي ما سمعتيش عن الحادثة اللي حصلتلها ولا ايه…
نهلة: حادثة ايه يابنتي؟؟ أنا مش فاهمة حاجه…
تنهد فارس براحة عندما علم أن ياسين يريد أن يتزوج زينة وليس رؤى
وقال: يعني ابنك عايز يتجوز واحده مجنونة يا ماما…
يتبع.. ..
رواية/ قد شغفها حبا
الحلقة الخامسة
فارس: ابنك عايز يتجوز واحده مجنونة…
نهلة: اييه؟
أروى: ما يصحش تقول عليها كده يا فارس..
وانت يا ياسين..
ازاي عايز تتحمل مسؤولية زي دي؟
وليه أصلا عايز تتحملها…؟
نهلة: فعلا زي ما قالت أختك..
وبعدين لو عالنسب.. انت ممكن تخطب أختها..
مش هى ليها أخت برضو…
فارس: اييه.. هى لعبة.. يخطب اللي هو عايزها..
ياسين: أنا خلاص أخدت قراري ومش هرجع فيه..
وهتجوز زينة…
صاحت نهلة: على جثتي…
انت عايز تتجوز واحده مجنونة؟؟
عايز تجيب واحده مجنونة وتخليها تعيش معانا فى البيت؟
عايزها تقـ،ــتلنا؟؟
نهض ياسين وقال: أنا قولت اللي عندي..
ومش هرجع فى كلامي..
وبعدين هى فترة مؤقتة وهترجع لطبيعتها تاني..
وأهى الدكتورة المسؤولة عن حالتها موجوده قدامك..
اسأليها…
ذهب ياسين إلى مكتبه لتصعد والدته إلى غرفتها..
وفارس إلى غرفته..
أما أروى فقد ذهبت إلى مكتب ياسين..
دخلت وأغلقت الباب لتقول له: عايزه أعرف دلوقتى ليه عايز تتجوزها…
عشان كده كنت مهتم بالحالة بتاعتها وكل شويه تسألني عنها..
أتاريك عايز تتجوزها..
يلا عايزه أعرف ليه…
ياسين: هو لازم يكون فيه سبب..
أروى: أيوا.. فيه سبب..
يخليك تسأل عن حالتها.. وأكيد جيت المستشفى يومها عشان تشوفها..
ماهى أكيد مش صدفة ألاقيك قدام أوضتها..
بتحبها؟؟
بس انت عرفتها امته؟ ولا حتى شوفتها امته؟
دي كانت مخطوبة… وبتحب خطيبها…
ياسين بشرود: شوفتها مرة واحده بس..
فى لقطة سريعة.. غيرت كل حياتها وحياتي معاها…
أروى: مش فاهمة.. تقصد ايه؟
تنهد ياسين وقال: أنا اللي خبطت زينة بالعربية…
أروى: ايييه؟؟
ياسين: زي ما سمعتي كده..
أنا اللي خبطتها وهربت..
فلازم انا اللي أتحمل المسؤولية..
أروى: أنا مش قادره أصدق..
ياسين: صدقي.. أخوكي مجرم…
أنا قولتلك الحقيقة عشان تساعديني..
عشان أقدر أهتم بيها..
وياريت ما حدش يعرف حاجه عن الحقيقة دي..
أروى: انت قولت انها شافتك صح؟
ياسين: أيوا…
أروى: طيب هتعمل ايه لما ترجع لطبيعتها؟. ولا ناوي تديها أدوية عشان تفضل كده..
ياسين: انتي عارفه اني مستحيل أعمل كده..
أنا يمكن خبطتها أه..
بس مش مجرم للدرجادي عشان أخدها عندي وأديها أدوية تخليها تفضل كده..
لما ترجع لحالتها بإذن الله ساعتها هكون فرحان..
وضميري هيرتاح…
أروى: ماشى يا ياسين..
وأنا موافقه أساعدك…
♡♡♡♡♡♡♡♡♡♡♡
كانت تجلس فى الكافتيريا تضع قدما فوق الأخرى وتقلب فى هاتفها بملل..
فجأة سحب أحدهم الكرسى وجلس مقابلها..
تنهدت بضيق وقالت: عايز ايه..
فارس: طب قولي صباح الخير طيب..
دا احنا هنبقا نسايب..
رؤى: نسب يشرف.. فعلا
فارس: هعتبر نفسى ما سمعتش حاجه..
وبعدين انتي بقالك مدة متجاهلاني ليه..
رؤى: انت عارف الظروف اللي احنا بنمر بيها..
فارس: أدينا هناخدها عندنا ياستي..
رؤى: صحيح.. هو أخوك عمل كده ليه..
قصدي يعني انه عايز يتجوز زينة ليه..
فارس: مش عارف..
بس هو أكيد ما عملش كده عشان النسب..
أخويا وأنا عارفه..
مش بتاع مصلحته..
وما توقعش انه بيحبها.. مش عارف أصلا إذا كان شافها قبل كده أو لا..
الموضوع ده مش داخل دماغي..
وأنا لازم أعرف هو عايز يتجوزها ليه..
اسكتي.. دا أنا اتخضيت لما قال انه عايز يتجوز بنت شريف الصياد..
فكرت ان قصده عليكي.. منا قولت انه أكيد مش عايز يتجوز أختك.. وهى فى حالتها دي..
رؤى: ايه خوفت لضيع منك….
أمسك يدها وقال: اكيد طبعا يا حبيبتي.. انتي بتقولي ايه…
تنهدت بضيق ونظرت للجهة الأخرى لتجد ياسر قادم..
فسحبت يدها بسرعة وقالت: امشى بسرعة…
فارس: ليه فيه ايه…
رؤى: بقولك امشى..
نهضت وحملت أغراضها لتقول: همشى أنا…
ثم غادرت المكان بسرعة ليلحق بها فارس..
أما ياسر فقد جاء ليجلس وطلب كوبين من القهوة..
وانتظر قليلا حتى جاءت…
ياسر: وأخيرا القمر طلع..
ثريا: بقولك ايه.. هما خمس دقايق.. وتقعد بأدبك..
ياسر: بدأنا بقا…
طب اشربي القهوة.. خلينا نعرف نتكلم…
ثريا: قولي بقا مش خايف لاختك تشوفنا؟
مش هى معانا هنا برضو..
ياسر: فى حقوق…
ثريا: أه.. أختك اللى فى تجارة اتخرجت..
اللي هى اللي عملت حادثة…
ياسر: أيوا يا ستى.. وهتتجوز..
ثريا: ده بجد؟ بس ازاي؟
ياسر: والله هو العريس عارف حالتها..
هو أخو الدكتورة اللي بتعالجها…
ثريا: على كده بقا بيحبها عشان يتحمل مسؤولية زي دي..
ياسر: المهم انه يهتم بيها ويحافظ عليها… وبعدين احنا جايين نتكلم عننا… يبقا نخلينا فى الموضوع
ثريا: معلهش بقا.. الخمس دقايق خلصوا
يلا عن اذنك…
رحلت بسرعة دون أن تنتظر رده..
ليقول: ماشى يا ثريا…
♡♡♡♡♡♡♡♡♡♡♡♡
فى المساء كان ياسين يرتدى حلته لم يكن يتخيل أبدا أنه سيتزوج بهذه الطريقة…
بعد ذلك نزل لأسفل ليجد أروى وفارس بانتظاره…
ياسين: أومال فين ماما؟
أروى: مش هتيجي..
ياسين: وانت يا فارس.. ما شاء الله يعني جاي..
فارس: أومال عايزني أسيب أخويا حبيبي فى مناسبة زي دي…
ياسين: ولو اني مش مطمنلك بس ماشى..
يلا بينا عشان ما نتأخرش..
ركب الثلاثة فى سيارة ياسين لينطلق نحو منزل شريف الصياد..
وسرعان ما كان هناك..
استقبله شريف ويوسف..
ثم جلسوا جميعا فى الصالون..
ليبدأ شريف الحديث: أومال والدتك ما جاتش معاك ليه؟
ياسين: تعبانه شويه..
شريف: لا سلامتها…
عامة يابني احنا يشرفنا انك تكون جزء من العيلة..
أنا سألت عنك وعرفت انك شخص كويس..
بس أنا كل اللي عايزه منك انك تهتم ببنتي كويس..
انت عارف حالتها…
وأختك اكيد شرحتلك..
ياسين: اكيد طبعا..أوعدك اني ههتم بيها كويس..
شريف: وأنا برضو شايف انك لازم تقعد تتكلم معاها وتشوف طريقتها…
اطلعي يا رؤى خلي علياء تجيب زينة وتيجي…
♡♡♡♡♡♡♡♡♡♡♡
علياء: زينة.. ما يصحش كده..
الضيوف تحت ولازم ننزل..
زينة: مش عايزه أنزل..
الفيلم لسه ما خلصش..
علياء: ياستي ابقى كمليه لما تيجي..
يلا.. وهجبلك شكولاته…
وهاخدك الملاهي بكره ان شاء الله..
زينة: انتي بتضحكي عليا بس عشان أنزل..
علياء: لا.. والله لو نزلتي هاخدك الملاهي.. وعد.. بس يلا بقا..
هنا جاءت رؤى وقالت لهم: يلا.. انتوا لسه..
علياء: ها يا زينة..
زينة: ماشى.. انتي وعدتيني..
علياء: وأنا أد كلامي.. يلا بقا..
زينة: ماشى…
نزلوا جميعا لأسفل ليقول شريف: طيب..
احنا هنسيبك تقعد معاها شويه..
وهنروح نقعد عالسفرة.. لحد ما تخلصوا…
أمسكت زينة يد علياء وقالت: انتي رايحه فين..
علياء: هتقعدي هنا شويه بس..
هيتكلم معاكي شويه وبعدين هاجي أخدك ماشى..
خليكي هادية وعاقله..
وأنا بكره ان شاء الله هاخدك الملاهي واجبلك اللي انتي عايزاه..
زينة: ماشى..
وهكذا غادر الجميع فنظر ياسين إلى زينة ليجدها منشغلة مع لعبتها.. أخذ نفسا عميقا ثم قال لها: ازيك يا زينة..
زينة: الحمد لله…
انت مين؟
ياسين: أنا أخو الدكتورة أروى..
عارفها؟
زينة: أيوا الدكتورة أروى..أنا بحبها أوي عشان بتجبلي شكولاته كتير..
ياسين: طيب أنا جاي هنا النهارده عشان أنا عايز اتجوزك…
زينة: بس أنا مش عايزة أتجوزك انت.. أنا عايزه اتجوز آدم..
ياسين: وآدم مش عايز يتجوزك.. وانتي ما ينفعش تتجوزي واحد مش عايز يتجوزك..
طأطأت زينة رأسها بحـ،ــزن وقالت: بس أنا بحبه..
ياسين: طيب ليه ما نبقاش صحاب وتعرفيني..
مش يمكن تحبيني زي آدم؟؟
زينة: لا.. مش عايزه أبقا صاحبتك..
ياسين: ليه.. مش أنا أخو الدكتورة اللي انتي بتحبيها؟
وأنا واثق انك هتحبيني زيها..
وبعدين لما نتجوز..
هعملك كل اللي انتي عايزاه…
هوديكي الملاهي.. وأجبلك ألعاب كتير..
وشكولاته.. زي ما انتي عايزه..
زينة: انت بتقول كده بس عشان أوافق..
ياسين: طيب.. تيجي نتعرف الأول؟ ونجرب نبقا صحاب؟
أنا اسمي ياسين…
زينة: لا برضو مش عايزه..
ياسين: طيب.. ممكن تعرفيني على لعبتك..
اسمها ايه؟؟
اخفت زينة اللعبة خلف ظهرها وقالت: مش هخليها تتعرف عليك…
عشان انت شرير…
ياسين: أنا شرير؟ ربنا يسامحك ياستي..
مع اني كنت عايز أديكي هدية بس طالما أنا شرير مش هينفع أديهالك..
زينة: هدية ايه…
التقط ياسين الحقيبة التى كانت بجواره وأخرج منها دبا صغيرا وبعضا من الحلوى..
ثم قال لها: كنت هديكي دول..
بس انتي بتقولي عليا شرير.. عشان كده مش هديهوملك..
لاني زعلت..
زينة: لا خلاص.. انت مش شرير…
ياسين: لا برضو.. أنا لسه زعلان..
زينة: طيب أنا آسفة..
ياسين: لا.. عايز منك حاجه تانيه..
وبعدين هقبل أسفك.. وأديكي الهدية..
زينة: ايه؟
ياسين: توافقي تتجوزيني..
زينة: بس أنا…
ياسين: هتقوليلي بحب آدم.. هزعل منك ومش هديكي الهدية…
زينة: خلاص ماشى موافقه..
بس تجبلي ألعاب وشكولاته كتير وتاخدني الملاهي كل يوم..
ياسين: كل يوم؟؟
ولو انه صعب.. بس ماشى يا ستي..
أوعدك اني هجبلك ألعاب وشكولاته كتير
وهاخدك الملاهي كل يوم…
زينة: خلاص.. أنا موافقه أتجوزك..
ياسين: يعني هنبقا صحاب؟
زينة: اتفقنا…
ابتسم ياسين وقال: يلا نروح ناكل معاهم…
بعد تناول الطعام جلسوا لتناول القهوة…
شريف: ها يا ياسين.. ايه الأخبار..
ياسين: تقدر تسأل زينة..
شريف: ايه رأيك فى ياسين يا زينة؟ موافقه تتجوزيه؟
زينة: أيوا يا بابا..
هو وعدني انه هيوديني الملاهي كل يوم وهيجبلي ألعاب وشكولاته كتير..
شريف: ماشى ياستي..
ياسين: نحدد معاد كتب الكتاب يا عمى؟
شريف: مره واحده كده..
ياسين: أظن ان الخطوبه مالهاش لزمه..
وأنا شايف اننا نحدد معاد كتب الكتاب على طول…
شريف: ماشى يا ياسين.. وأنا موافق..
شوف المعاد اللي يناسبك واحنا موافقين..
ياسين: اخر الأسبوع ده كويس؟
يوسف: مش شايف انك مستعجل أوي..
ياسين: هنستني ليه طالما أنا جاهز وهى جاهزة…
شريف: خلاص مش مشكله..
أخر الأسبوع ده كويس..
ياسين: على بركة الله….
يتبع…
رواية/ قد شغفها حبا
الحلقة السادسة
وأخيرا جاء الموعد المحدد…
وذهب ياسين ليحضر عروسه..
سوف يتم كل شىء فى يوم واحد…
كان منزل شريف الصياد مزين استعدادا للعرس…
أما العروس…..
علياء: زينة بقا ما تعانديش…
مش قولتلك هما ساعتين..
وبعدين هتنامي براحتك..
بدأت زينة تبكى وقالت: مش عايزه..
خلاص اللي اسمه ياسين هياخدني بيته..
مش عايزه أروح معاه…
مش عايزه…
علياء: زينة… ياسين شخص كويس..
وهيجبلك كل اللي انتي عايزاه..
بس انتي اسمعي الكلام يلا…
سمعوا طرقات على الباب فذهبت علياء لتفتحه..
لتجد ياسر فى وجهها…
شعر بالتوتر قليلا.. فقد كانت جميلة جدا بذلك الفستان السماوي الذى ترتديه وخمار من نفس اللون..
حتى استجمع كلماته وقال لها: زينة.. زينة خلصت..
ياسين جاي ياخدها..
علياء: هو كتب الكتاب خلص؟
ياسر: أيوا..
علياء: ثواني هجيبها..
كان ياسين يقف خلف ياسر فقال: احم.. معلهش يا آنسة علياء..
ممكن أدخلها؟
علياء: أه ممكن… اتفضل…
دخل ياسين وخلفه ياسر..
كانت زينة تمسك التاج وتبكى.. اقترب ياسين منها ووقف خلفها ليقول: الله.. ما شاء الله.. شكلك قمر..
فيه حد قمر زيك بقا ينفع يعيط كده؟
زينة: مش عايزه أروح معاك.. ومش عايزة أنزل..
ياسين: هو احنا مش اتفقنا هجبلك كل اللي نفسك فيه..
زينة: غيرت رأيي..
ياسين: لا كده ما ينفعش.. انتي ادتيني كلمة وما ينفعش ترجعي فيها..
وبعدين أنا هزعل لو ما جتيش معايا..
كنت مجهزلك هدايا كتيره فى البيت..
بس انتي مش عايزه تيجي…
زينة: انت بتضحك عليا..
ياسين: أوعدك ياستي.. لو ما لقتيش الهدايا هرجعك البيت..
أو ياسر يجي ياخدك ايه رأيك..
ياسر: أيوا.. هاجي أخدك
زينة: وعد؟
ياسين: وعد.. يلا بقا ننزل؟
أخذ منها التاج ووضعه على رأسها ثم طبع قبـ،ــلة عليه..
ليقول لها: يلا ننزل؟
زينة: الجزمة…
أحضر حذائها وساعدها فى ارتداءه
ثم نظر لها وقال: بس أنا كده مش مبسوط..
عايزك تضحكي.. وبعدين ننزل..
ابتسمت زينة.. ليقول لها: لما ننزل تحت عايزك تبقى عاقلة وتسمعي الكلام..
تخليكي واقفه جنبي.. وما تتحركيش غير وأنا معاكي..
وأي حاجه أقولهالك تنفذيها..
هزت زينة رأسها لينهض ويمسك يدها قائلا: يلا بينا..
تنهدت علياء براحة وسارت خلفها لتحمل لها طرف الفستان..
وياسر يسير خلفها…
نزلوا لأسفل وسط تصفيق الجميع…
لم تكن زينة تضع أى مكياج.. لأن العرس مختلط..
وقد رأى ياسين أنها ليست بحاجة إليه….
فهى جميلة بدونه…
جلسا فى مكانهما ليبدأ توافد الناس عليهما للمباركة..
ما بين شامت وحاقد وساخر…
قابل ياسين جميع الوجوه بصدر رحب..
حتى جاء آدم…
تقدم ببطء ليسلم على ياسين..
ثم قال لزينة: مبروك يا زينة..
رد ياسين بدلا منها: الله يبارك فيك..
مين حضرتك..
– أنا ابن عمها.. آدم…
ابتسم ياسين وقال: أهلا…
غادر آدم بهدوء لتقول زينة: هو زعلان ولا ايه..
ياسين: زعلان ليه..
زينة: عشان ما اتجوزتوش هو…
ياسين: مش احنا قولنا ان هو رفض يتجوزك..
ما كانش عايزك..
زينة: امته هنروح عشان توريني الهدايا..
ياسين: شويه كده..
كانت رؤى تقف بمفردها تشرب العصير بملل..
حتى شعرت بجسد أحدهم يقف بجوارها..
شعرت بالفزع وابتعدت عنه لتقول له: دا انت اتجننت بقا..
انت عارف لو حد شافنا كده هيحصل ايه..
فارس: ايه يا حبيبتي خايفه؟
نظرت له باستهزاء وقالت: ما تيجي نرقص بالمره..
فارس: أوي أوي يا قمر.. اتفضلي..
رؤى: ما بهزرش يا فارس.. لو سمحت ابعد..
لو حد أخد باله هنروح فى داهية…
فارس: ماشى ياستى..
رؤى: بس قولي.. أمك مالها كده..
فارس: مالها يعنى
رؤى: اللي يشوفها يقول مش مبسوطه..
فارس: أمى؟ دي كانت هتمـ،ــوت من الفرح لما عرفت ان ياسين عايز يتجوز بنت شريف الصياد..
رؤى: ما هو واضح..
قولي عرفت أخوك عايز يتجوز زينة ليه؟
فارس: شكله كده بيحبها..
رؤى: يابني هو لحق يشوفها فين ولا يعرفها امته..
فارس: واحنا مالنا؟ خلينا فينا احنا يا جميل..
رؤى: أنا همشى قبل ما أتهور…
بعد انتهاء الحفل أخذ ياسين زينة إلى المنزل…
صعد بها إلى غرفته…
لتقول له: يلا عايزه أشوف الهدايا..
وإلا هتصل بياسر..
ياسين: ماشى يا ستى..
فتح ياسين باب الغرفة ليقول: ها ايه رأيك..
كانت الغرفة مليئة بالبلالين والألعاب..
دخلت زينة الغرفة وهى فى حالة من الدهشة..
فدخل خلفها وأغلق الباب..
ليقول لها: عايزه ترجعي؟ نتصل بياسر؟
زينة: اممم.. خلاص قررت أقعد معاك شويه..
ضحك ياسين وقال: شويه..
دا انتي طيبة أوي..
طب كام يوم؟
زينة: ممكن أسبوع..
ياسين: طيب مفيش أمل نمد الفترة؟
تبقا شهر ولا حاجه..
زينة: لا كده كتير.. ومش هشوف بابا؟
ياسين: ياستي هبقا أخدك لبابا..
بس ترجعي تقعدي معايا..
بصى يا زينة يا عسل احنا دلوقتى اتجوزنا..
يعني انتي مراتي.. يعني ايه؟
يعني مش هينفع نسيب بعض..
لازم نفضل سوا دايما..
يعني تقدري تعتبري ان بينا خيط أو رباط..
رابطنا ببعض..
زينة: مش فاهمة برضو.. قصدك ايه؟
ياسين: يعني ما ينفعش الواحده لما تتجوز تسيب جوزها…
زينة: طب والحل ايه؟ منا أكيد مش هفضل معاك كده..
عايزه أرجع لبابا..
ياسين: طب ما انتي ممكن تروحي تزورى بابا وترجعي تقعدي معايا…
زينة: لا برضو.. عايزه أرجع البيت…..
ياسين: طيب.. ممكن ننام بقا؟
زينة: مش هنلعب بالألعاب دي؟
ياسين: طيب ننام دلوقتى والصبح نلعب بيهم.. ايه رأيك؟
زينة: معاك حق.. أنا فعلا عايزه أنام..
بس أنا مش أقلع الفستان ده…
وعلياء مش هنا..
ياسين: طيب.. هساعدك أنا..
زينة: لا… ازاي يعني… انت كده مش محترم..
ياسين: طيب هروح أجبلك أروى وأجى… ثواني..
ذهب ليحضر أروى التى كانت نائمة..
ياسين: أروى.. قومي بسرعة.. يلا…
نهضت أروى فزعة وقالت: ايه.. فى ايه…
ياسين: قومي ساعدي زينة عشان تغير هدومها..
أروى: ياعم هى مراتي ولا مراتك… ما تساعدها انت..
جذب ياسين ذراعها وقال: قومي يلا اخلصي..
نهضت أروى لتساعد زينة فى تبديل ملابسها..
ثم عادت إلى غرفتها، ليعود ياسين إلى الغرفة..
وجد زينة ممددة على السـ،ــرير..
فاقترب منها قليلا ليقول: زينة.. نمتي؟
نظرت إليه ليجد الدموع فى عينيها
فقال لها وهو يمسح دموعها: ليه بتعيطي دلوقتى؟
زينة: خايفه.. مش عارفه أنام…
ياسين: اممم… طيب ايه رأيك أحكيلك قصة؟
زينة: ماشى….
تمدد ياسين بجوارها ليبدأ بسرد قصة وفى كل مرة تقول له زينة: وحشه… احكيلي غيرها…
ياسين: يا زينة عايزين ننام… يلا بقا……
زينة: لا.. خدني لبابا.. انا عايزه بابا..
عادت تبكى من جديد ليضمها ياسين إلى صدره ويقول لها: خلاص بقا.. طب نعمل ايه؟ نتفرج على فيلم؟
زينة: لا…
ياسين: مش قولنا اننا متجوزين؟ وهنبقا صحاب؟
ليه بقا تخافي دلوقتى وتبقى عايزه ترجعي لبابا؟
نتفرج على فيلم يلا..
عشان أنا كده هزعل.. وانتي وعدتيني انك هتفضلي معايا..
أنا كده هزعل..
طيب عندي اقتراح تاني.. ايه رأيك نرقص سوا؟
مش احنا اتجوزنا النهارده والمفروض كنا نرقص؟
يلا نرقص..
زينة: لا…
ياسين: يلا بقا..
سحبها ياسين إلى وسط الغرفة حيث تتطاير البلالين حولهما
ليقول: دلوقتى هنرقص بالبجايم وسط الألعاب..
انتي عارفه.. أنا عمري ما تخيلت ان يوم فرحي هيبقا كده..
زينة: مش عايزه أرقص معاك..
عايزه أروح..
ياسين: يلا بس…
زينة: هتعمل ايه؟
ياسين: اتحركي معايا.. بهدوء… بهدوء.. خليكي هادية…
وتابعى حركاتي..
زينة: طيب مش هتشغل أغاني؟
ياسين: أغنيلك أنا…
زينة: بتعرف تغني؟
ياسين: ايوا.. عايزاني أغنيلك ايه؟
زينة: اممم… بيبي شارك..
ضحك وقال: الله يسترك اسكتي…
أنا مش حافظ حاجه بس هحاول… احم..
جاي ناوي الليلة أخلص…
اللي نفسى أحكي فيه…
زينة: لا وحشه..
ياسين: عارفه يا زينة.. أخر ما أزهق هرميكي من الشباك..
زينة: شوفت بقا.. أنا كنت عارفه انك شرير..
ياسين: انتي بتتلككي بقا…
زينة: غني حاجه تانيه.. هديك فرصة كمان…
ياسين: من يسكن البحر ويحبه النااااس
زينة: دي حلوة.. بس صوتك وحش..
ياسين: طب جامليني طيب..
بصى بقا.. هى كلمة واحده..
هنرقص سوا.. تبقى هادية… وتتحركي معايا وخلاص..
من غير أغاني..
بدأ يحركها ببطء وهو يقول لنفسه: ياترى هنوصل فى النهاية لإيه يا زينة…
لما ترجعي لحالتك الطبيعية وتفتكري كل حاجه…
أراحت زينة رأسها على صدره..
ليتنهد بحـ،ــزن ويحملها ليضعها فى السـ،ــرير..
ثم تمدد على الأريكة ليغط فى سبات عميييق…
يتبع….
رواية/ قد شغفها حبا
الحلقة السابعة
استيقظ ياسين صباح اليوم التالى ونظر إلى سـ،ــرير زينة فلم يجدها…
نهض بسرعة وفتح باب الغرفة ليجدها تنزل درجات السلم.. وفارس يستعد للخروج من غرفته…
أشار لفارس قائلا: ارجع أوضتك.. بسرعة…
فارس: ليه؟؟
فارس: زينة طلعت من غير حجاب..
شويه وابقا اطلع… يلا..
رفع فارس حاجبيه باستهزاء ليغلق باب غرفته..
أما ياسين فقد نزل درجات السلم بسرعة ليسحب زينة..
ياسين: ينفع كده… تنزلى من غير ما تقوليلي؟
زينة: سيبني… عايزه أروح لبابا..
ياسين: مش وقته…
زينة: بقولك سيبني..
ياسين: بقولك ايه.. انتي شكلك كده هتتعبيني..
حملها ياسين ليصعد بها لأعلى وهى تضـ،ــربه ليتركها..
لكنه لم يتركها حتى وصل إلى الغرفة…
تركها وأغلق الباب..
ليقول لها: ينفع كده؟ تنزلى بالبجامة؟
مش قولتلك ما تتحركيش من غيري؟
زينة: مش عايزه أفضل معاك… عايزه أروح لبابا..
تنهد ياسين بضيق وأغلق عينيه ليمسح على خصلاته..
فقالت له: مش هتوديني لبابا؟
فتح ياسين عليه وضحك قائلا: ياربي..
انتي عارفه.. أنا مش عارف جايب طولة البال دي منين..
أنا لو فى وعي بجد كنت حدفتك من الشباك…
زينة: يعني مش هتاخدني البيت؟
ياسين: لا… فيه عندي أفكار تانيه..
مش احنا اتفقنا هنروح الملاهي وهنلعب؟
زينة: أيوا..
ياسين: طيب.. نلعب دلوقتى وبعدين نروح الملاهي على بالليل كده عشان يبقا الجو كويس..
زينة: هتلعب معايا؟
ياسين: أيوا أومال ايه..
ما انتي ما ترعفنيش بقا..
يلا تحبي تلعبي بإيه…
زينة: اممم….
نلعب لعبة ماما..
انت هتبقا النونو وأنا ماما…
ياسين: نعم ياختي؟؟
زينة: اقعد يلا عشان أخليك شبه النونو…
ياسين: يافضيحتي…
زينة: يلا اقعد..
أحضرت زينة المشط وبدأت تمشط خصلاته وتربط كل مجموعة برباط..
نظر ياسين إلى نفسه فى المرآة وأخذ يضحك ثم قال: أنا لو حد شافني كده..
مستقبلي المهني هينتهي…
زينة: اقعد يلا مش عايزه أسمع صوتك..
واللي أقوله يتنفذ…
لازم تسمع كلام ماما… يلا…
ياسين: حاضر.. أما نشوف أخرتها ايه…
سمع ياسين طرقات على الباب فنهض ليفتحه ليجد أروى أمامه…
صمتت قليلا ليقول لها ياسين: ايه.. فيه ايه..
بدأت أروى تضحك ففهم ياسين ما يحدث وقال لها: اخلصى يا أروى انتي عايزه ايه..
أروى: واضح انك مش فاضى.. أجيلك بعدين…
بس تصدق التسريحة حلوة…
ياسين: ماشى ياست التافهة..
بقولك.. اتصلى بشريف بيه.. قوليله بلاش يجي النهارده
أروى: اشمعني؟
ياسين: زينة مش هترضى تقعد هنا لو اجه..
خليها تتعود عالمكان شويه..
وبعدين يبقا يجي يشوفها…
أنا أقنعتها بصعوبة تنسى موضوع الرجوع لبيتها..
هنا جاءت زينة لتقول: انت لسه واقف عندك ليه..
يلا احنا مش فاضيين..
ضحكت أروى وقالت: يلا يا بش مهندس.. انت مش فاضى زي ما هى قالت…
سحبته زينة للداخل ليغلق الباب..
ثم بدأت تلقى أوامرها عليه..
♡♡♡♡♡♡♡♡♡♡♡♡
– بجد شكرا يا دكتورة… تعبتك معايا…
أروى: ولا تعب ولا حاجه احنا خلاص بقينا قرايب..
وبعدين زينة ما شاء الله مندمجة مع ياسين..
وبتسرحله شعره…
علياء: كويس انه عرف يتعامل معاها..
أتمنى يقدر يتأقلم عالوضع..
أروى: ان شاء الله… بس ما تنسيش بقا تقولي لعمك
ما يجيش النهارده..
اشرحيله الموقف زي ما قولتلك..
زينة لازم تتعود الأول عالمكان هنا.. وبعدين ياسين هياخدها ويروحلهم بنفسه…
علياء: ماشى يا دكتور..
مع السلامة…
♡♡♡♡♡♡♡♡♡♡♡
– زينة… ممكن نخلص بقا..
زينة: ينفع كده؟ مش شايفني بتكلم مع طنط سامية فى موضوع مهم…
أنا سمحتلك تقعد معانا بشرط انك تكون مؤدب..
وما تتكلمش..
ياسين: طيب انتي بتتكلمي مع طنط سامية فى ايه مش فاهم؟
وياترى طنط سامية فاهمة انتي بتقوليلها ايه؟
ردت عليكي ولا أنا مش بفهم لغة الإشارة ولا ايه؟
دي عروسة ياحبيبتي جامدة.. مش بتفهم..
زينة: شش… ما ينفعش تقول كده على طنط سامية هتزعل…
وبعدين لو زعلت منك ممكن تضـ،ــربك..
ياسين: بقولك ايه… الحاجات دي مش هتفضل هنا فى الأوضة..
هبقا أنقلهالك أوضة تانيه…
زينة: خوفت؟ عامة يعني ما تخافش..
هى ما بتعملش حاجه..
بس أنا سمعت انها بتتحرك بالليل..
وبتسمع وبتفهم كل حاجه وممكن تيجي تخنقك بالليل..
نهض ياسين لينزع الأربطة من شعره وقال لها: الحفلة خلصت…
أنا هروح أشوف ورايا ايه.. بلا هم..
زينة: أومال مين هيلعب معايا…
ياسين: خلى طنط سامية تنفعك..
زينة: خلاص… ودينى لبابا..
ياسين: هو بابا هيقعد يلعب معاكي؟ هيخليكي تربطيله شعره بالشكل الغبى اللي كنتي عملاه فى شعري؟
زمت شفتيها وقالت: شوفت.. مش قولت ان انت شرير.. أنا كنت عارفه…
ياسين: يوووه… يا ستى شرير شرير.. بلا قرف..
أنا ماشى..
وبرضو هتفضلي هنا… ومفيش بابا…
خرج ياسين من الغرفة وأغلق الباب جيدا حتى لا تخرج…
ثم ذهب إلى مكتبه..
يقلب فى الملفات بملل حتى اقتحمت والدته المكتب فجأة وأخذت تصـ،ـــ،ــرخ: روح شوف مراتك دي..
بتصـ،ــرخ ليه.. هو احنا ناقصين…
هى عايزه تجننا احنا كمان ولا ايه؟
تنهد ياسين بضيق ليقول: خلاص يا أمى.. هطلعلها أهو…
خرج ياسين من المكتب ليسمع صوت زينة وهى تصـ،ــرخ وتطرق الباب قائلة: خرجني من هنا…
صعد ليفتح لها الباب فهمت بالخروج لكنه دفعها للداخل وأغلق الباب لينفجر فيها: هى شغلانه؟؟
انتي مش عارفه تقعدي ساكته شويه؟؟
عايزه إيه أكتر من كده؟
عملتلك كل اللي انتي عايزاه..
بدأت زينة تبكى وقالت له: أنا عايزه أرجع البيت.. رجعني البيت..
فى هذه اللحظة جاءت أروى..
فقد خرجت من غرفتها على صوت الصـ،ــراخ..
فتحت باب الغرفة ودخلت لتضم زينة إلى صـ،ــدرها
ثم وجهت كلامها لياسين: اطلع بره دلوقتى..
أنا ههتم بيها…
خرج ياسين وأغلق الباب بعنف..
أما أروى فقد ساعدت زينة على الجلوس وقالت لها: اهدي..
واسمعيني.. مش أنا دكتورتك اللي بتحبيها وبتسمعي كلامها؟
زينة: أنا عايزه أروح…
أروى: ليه طيب.. مش عايزه تقعدي معايا؟
مش أنا صاحبتك برضو؟
زينة: أخوكي وحش.. وشرير.. وأنا مش عايزه اقعد معاه..
ضحكت أروى وقالت: بعد ما سرحتيله شعره
عايزه تسبيه..
زينة: هو بيزعقلي.. وأنا ما بحبش حد يزعقلي..
أروى: معلهش.. هو كان متعصب شويه..
وبعدين مش جابلك اللي انتي عايزاه؟
زعلانه ليه بقا؟
زينة: بس أنا عايزه أروح لبابا..
أروى: صدقيني ياسين طيب.. وكل الناس بتحبه..
وبعدين هو بيحبك عشان كده جابلك اللي انتي عايزاه..
زينة: بس هو بيزعقلي..
أروى: خلاص أنا هكلمه وأهزءه..
أما أشوف بيزعقلك ليه…
وبعدين هتقعدي معايا عقابا ليه اتفقنا؟
زينة: اتفقنا..
أروى: عسل… يلا أنا هروح أجيبه عشان يعتذرلك وأجي..
ما تطلعيش من الأوضة عما أجيلك..
زينة: ماشى…
ذهبت أروى إلى ياسين الذى كان يجلس فى مكتبه
وقالت له: خلاص اهدا..
أنا قولتلك قبل كده وحذرتك..
ياسين: كنتي عايزاني أعمل ايه يعني؟ ما تنسيش اني سبب اللي حصلها…
فلازم أتحمل المسؤولية…
أروى: وطالما وافقت تتحمل المسؤولية يبقا لازم تعرف حجم المسؤولية دي..
زينة طفلة يا ياسين… يعني من الطبيعي جدا انها تكون متعلقة بأهلها وكل شويه تقولك عايزه أروحلهم..
ياسين: ما كنتش متخيل ان الموضوع هيبقا صعب كده..
أروى: ان شاء الله كل حاجه هتتحل..
وأنا هساعدك زي ما قولتلك..
بس يلا تعالا معايا دلوقتى عشان تطلع تعتذر منها…
ياسين: أعتذر منها؟
أروى: أيوا يلا…
صعد ياسين معها لأعلى فوجدا زينة تمسك إحدى الألعاب وتلعب بها…
تنهد ياسين بهدوء ليجلس بجوارها فابتعدت عنه..
نظر لأروى لتشجعه..
فقال: زينة.. أنا آسف اني اتعصبت عليكي..
وزعقتلك..
لم تجبه..
فقال لها: هجبلك اللي انتي عايزاه.. وهوديكي الملاهي..
بس ممكن تقبلي اعتذاري؟
زينة: هتوديني الملاهي امته..
ياسين: حالا لو تحبي..
زينة: خلاص موافقة…
تنهد ياسين براحة لتقول أروى: وأنا ينفع اجي معاكم؟
ياسين: استأذني من زينة بقا…
زينة: اممم..
ممكن تيجي..
أروى: طب يلا قومي عشان أساعدك فى اللبس..
وبعدين هروح ألبس.. يلا..
♡♡♡♡♡♡♡♡♡♡♡♡♡♡
بعد ساعة تقريبا كانوا فى الملاهي..
أروى: يلا نبدأ بإيه؟
زينة: عايزه أتمرجح…
أروى: يلا يا عم ياسين.. اتصرف..
ياسين: يا مسهل الحال يارب..
اتفضلوا يا جماعه…
كان هناك أحد يراقبهم..
فمال على صاحبه الذى كان منشغلا بتصفح هاتفه..
ليقول له: انت شايف اللي أنا شايفه يا كامل
كامل: شايف ايه يا عم فوزى..
فوزى: سبوبة انما ايه…
كنت عايز تنشل أى شنطة والسلام..
دلوقتى بقا لقـ،ــتلك الحل..
كامل: اشجينى…
فوزى: شايف البت اللي هناك دي..
نظر كامل إلى حيث يشير وقال: أيوا.. مالها..
فوزى: دي بنت شريف الصياد..
كامل: عرفت منين يا حزين..
فوزى: يابني مش أنا كنت شغال عنده..
قبل ما يطردني عشان سرقت..
المهم يعني.. أنا سمعت انها عملت حادثة وبقت مجنونة…
كامل: هات من الاخر..
فوزى: احنا نخطفها ونطلب فدية من أبوها..
أو جوزها يعنى… ما هما الاتنين على قلبهم أد كده..
وبالمره برضو أنتقم من أبوها عشان اللى عمله..
كامل: هنخطفها ازاى يا ظريف…
واحنا مفيش معانا حاجه تساعدنا…
فوزى: ما احنا مش هنحتاج حاجه..
كل اللى عايزينه شكولاته وكام بالونة..
وعمو هيوديكى عند بابا..
وبس…
كامل: تفتكر الموضوع هيمشى عليها؟
فوزى: نجرب..
كامل: لا يا عم… جرب لوحدك..
فوزى: خليك انت فقرى كده..
بس المهم يعنى أنا عايزك تساعدنى..
ابعد جوزها عنها وأنا هتصرف فى البت..
يلا..
كامل: ماشى…
سار الرجل باتجاه ياسين وربت على كتفه..
ليقول له: لو سمحت يا استاذ..
أنا شوفت واحد بيحاول يشغل العربية بتاعك برضو..
شوفت حضرتك وانت بتركنها فقولت أقولك..
ياسين: يشغلها ازاي يعني.
كامل: مش عارف.. بس يمكن بيحاول يسرقها…
ذهب ياسين بسرعة إلى حيث السيارة..
أما فوزى فقد اقترب من أروى التى كانت تراقب زينة وقال لها: لو سمحتي يا استاذة..
فيه راجل كان واقف مع حضرتك من شويه صح…
نظرت أروى خلفها فلم تجد ياسين وقالت: أيوا…
فوزى: هو راح عند العربية.. وقالي أناديلي تلحقيه لهناك..
فيه حاجه ضرورية…
أروى: تمام شكرا…
ذهبت أروى بسرعة إلى حيث ياسين..
ليبتسم الرجل ويقترب من زينة..
فوزى: زينة.. يا عسل..
بابا بعتني ليكي عشان أخدك..
زينة: بابا؟ هو فين؟
فوزى: هو مستنيكي بره.. يلا نروحله..
زينة: ماشى…
خرجت معه من المكان ليتجه إلى سيارته وقد رافقه زميله..
أشار لها لتركب السيارة وقال: يلا عشان أوديكي البيت… يلا…
فركبت السيارة ليبتعد عن المكان…
أما ياسين فقد وصل إلى سيارته فلم يجد أحدا بجوارها..
هز كتفيه باستغراب ثم عاد للداخل ليجد أروى تسير نحوه..
اقتربت اكثر لتقول له: خير فى ايه..
ياسين: مش فاهم..
أروى: فيه واحد اجه قالي انك عايزاني..
ياسين: عايزك؟
فيه واحد اجه قالي ان فيه حد بيحاول يسرق عربيتي..
وروحت هناك مالقتش حد…
أروى: يعني ايه؟؟
اتسعت عيني ياسين بدهشة وقال: زينة…
يتبع…..
رواية /قد شغفها حبا
الحلقة الثامنة
ياسين: زينة….
ركضا إلى مكان اللعبة التى كانت زينة عندها فلم يجداها..
ليغمض ياسين عينيه بضيق ويمسح على رأسه..
بينما قالت أروى بقلق: معقوله يكون أخدها؟؟
الراجل اللى قالك عالعربية وقالي انك عايزاني..
هدر ياسين بغضـ،ــب: وانتي ازاي أصلا تسبيها لوحدها..
انتي مش عارفه انها طفلة…
دا انتي اللي بتقوليلي كده كمان..
أروى: اهدا يا ياسين لو سمحت..
خلينا نعرف نتصرف.. أنا فى اللحظة اللي قالي فيها الراجل انك عايزني..
نسيت كل حاجه.. وخوفت ليكون حصل حاجه مش كويسه..
فجيتلك على طول.. ونسيت زينة تماما..
عامة الغضـ،ــب مش هيفيدنا دلوقتي..
لازم نعرف فين زينة…
أكيد فيه هنا كاميرات مراقبة… لازم نروح الإدارة…
ذهب الاثنان إلى مبنى الإدارة
ليوقفهما أحد الموظفين قائلا..
– نعم رايحين فين؟
ياسين: عايزين نشوف المدير.. مراتي اتخطفت وأنا عايز أشوف كاميرات المراقبة..
– نعم.. نعم؟؟ وحضرتك مفكر اني هصدقك بسهولة كده..
ياسين: أنا ياسين زهران..
ومراتي بنت شريف الزيني..
– ما ينفعش برضو.. لازم تبلغ البوليس الأول..
جذبه ياسين من تلابيب قميصه ليقول له بحده: بقولك مراتي اتخطفت..
عايزني أستني كمان لما يجي البوليس…
أروى: ياسين.. سيبه.. مش هينفع كده..
تركه ياسين لتقول أروى: لو سمحت..
احنا هنتصل بالبوليس دلوقتى..
بس ياريت تسمحلنا نشوف كاميرات المراقبة عما يجي..
– عشان خاطرك بس يا آنسة..
اتفضلوا معايا…
ذهبوا إلى غرفة المراقبة بعدما اتصل الرجل بالشرطة..
أخبره ياسين بالوقت والمكان..
فبدأ الرجل بعرض التسجيلات..
بدأت الأحداث تظهر تباعا..
حتى سارت زينة خلف الرجل..
ضـ،ــرب ياسين الطاولة بيده وقال: هى ازاي تمشى معاه كده..
أروى: ممكن ببساطة يقولها تعالي هوديكي لبابا
وهى تروح معاه..
ما تنساش انها طفلة…
أمسك ياسين رأسه بيده وقال: أنا خلاص.. مش هقدر على كل ده…
أروى: اهدا يا ياسين.. أكيد فيه حل..
ياسين: هقول لباباها ايه؟
ما قدرتش أحافظ على بنتك يا عمي..
دى ما كملتش معايا يوم..
يوم يا أروى…
أروى: اهدا يا ياسين.. مش كده..
اهدا عشان نعرف نتصرف..
جاء رجال الشرطة ليبدأ التحقيق…
أما زينة….
♡♡♡♡♡♡♡♡♡♡♡♡
توقفت السيارة أمام أحد المنازل القديمة..
ليقول فوزى: يلا يا حلوة وصلنا..
زينة: بس ده مش البيت…
ضحك الرجلان ونظرا لبعضمها ليقول كامل: ما احنا مش هنروح البيت يا قمر…
يلا… يلا مفيش وقت..
سحب الرجلان زينة للداخل..
ثم قاما بتقييدها..
ليصورها فوزى.. ثم قال: أكيد بابا هيحب الصورة دي…
كامل: هتبعتها كده على طول؟
فوزى: لا… بكره عايز أحرق قلبه شويه..
♡♡♡♡♡♡♡♡♡♡
أروى: هنعمل ايه دلوقتى يا ياسين..
ياسين: مش عارف.. زي ما انتي شايفه
البوليس لسه ما وصلش لحاجه..
أروى: نكلم باباها؟
ياسين: مش عايز أكلمه دلوقتى…
اقترب ياسين من الضابط ليسأله: ها.. طمني يا باشا..
وصلتوا لحاجه؟
الضابط: فيه واحد من الخاطفين كان سوابق..
اسمه كامل.. وحاليا احنا بندور عليه..
والتانى بقا مش موجود فى العنوان بتاعه واسمه فوزى..
احنا عرفنا انه كان شغال عند شريف الصياد..
لازم تكلمه..
مش هو حماك برضو؟
ياسين: أعتقد انه لو عرف مش هيفيدنا بحاجه ولا ايه…
الضابط: لازم يعرف برضو.. يمكن يكون عنده أى معلومة يقدر يفيدنا بيها..
ياسين: خلاص.. هتصل بيه…
تنهد ياسين بضيق ليتصل بشريف..
شريف: أهلا ياياسين يابني.. زينة كويسه؟
اخذ نفسا عميقا وقال له: زينة اتخطفت يا عمى..
شريف: ايييييه؟؟
حكي له ياسين ما حدث ثم قال: أنا آسف يا عمى ما قدرتش أحافظ على بنتك…
شريف: مليني العنوان بسرعة…
بعد دقائق جاء شريف ومعه يوسف..
استمع لمعلومات الضابط..
ليقول شريف: حضرتك وصلت لعنوان فوزى.. وهو نفسه العنوان اللي كنا نعرفه..
مفيش أى معلومات تانيه أقدر أفيدك بيها..
الضابط: اديني رقم تليفونه..
أجرى يوسف اتصالا ليحضر رقم فوزى..
ثم اتصل به.. وكانت النتيجة مغلق أو غير متاح..
شريف: والعمل؟؟
الضابط: هو عامة أكيد هيتصل بيك عشان يطلب فدية..
فاحنا للأسف.. مضطرين نستنى الاتصال..
مفيش داعى لوجودكم هنا أكتر من كده..
ياريت تتفضلوا..
خرج الأربعة من الغرفة ليقول ياسين: أنا بجد آسف يا عمي..
مش عارف ازاي دا حصل..
أنا آسف.. ما قدرتش أحافظ على زينة..
شريف: مش وقته الكلام دا يا ياسين…
لازم نلاقى زينة الأول..
وبعدين نبقا نتكلم..
تنهد ياسين بحـ،ــزن ليعود مع أروى إلى المنزل..
كانت والدته تجلس فى الصالة مع فارس..
وعندما رأته قالت ساخرة: أومال فين المحروسة مراتك..
لم يجبها ياسين..
بل دخل إلى مكتبه، أما أروى فقد قالت: زينة اتخطفت يا أمى..
وياريت تسيبي ياسين فى حاله عشان هو مش ناقص…
انا رايحه المستشفى عشان عندي عمـ،ــلية….
♡♡♡♡♡♡♡♡♡♡♡♡
ذهب فارس إلى غرفته ليتصل برؤى..
فارس: ايه حوار خطف أختك دا..
رؤى: أنا قرفت.. بقولك ايه ما تجبليش سيرة الموضوع تاني
عشان أنا مش ناقصه..
فارس: ليه كده بس..
رؤى: فى الأول الحادثة وبعدين الخطف..
وبابا متضايق جدا والبيت كله متعكنن..
بقولك ايه.. ما تيجي نخرج..
فارس: وأخيرا عايزه تخرجي..
نخرج فين..
رؤى: عايزه أروح مكان مختلف المره دي..
فارس: أيوا فين يعني..
رؤى: عايزه أروح ملهى ليلي
فارس: ايييه؟؟
بتتكلمي بجد؟ ولا أنا سمعت غلط..
رؤى: لا انت سمعت صح..
أنا زهقت من حياتي دي.. وعايش أعيش براحتي..
هنخرج النهارده.. نروح أى ديسكو.. وياريت ما تكلمش سالى..
وعايزه أشرب.. أشرب وأشرب لحد ما أنسى الهم اللي أنا فيه…
فارس: بجد مش مصدق اللي أنا سامعه دلوقتى..
رؤى: عندك مانع يعني؟
فارس: مانع ايه بس.. دا أنا ما صدقت..
بس انتي هتروحي هناك بالطرحة؟؟
رؤى: هخلعها..
فارس: أوباااا.. لا لا.. أكيد فيه حاجه غلط…
رؤى: هتشوف بنفسك…
المهم هنخرج امته..
فارس: بصى.. أظن ان ياسين مش هيكون فايق عشان يعملى حظر تجول النهارده..
ولا حتى أهلك..
فنخرج بقا فى الوقت اللي نحبه..
ايه رأيك نتقابل الساعة ١٠؟
رؤى: خلاص موافقه…
♡♡♡♡♡♡♡♡♡♡
كانت أروى تستعد فى مكتبها للعمـ،ــلية وبالها مشغول بزينة…
خرجت من الغرفة لتتجه إلى غرفة العمليات..
فوجدت شابا يقف هناك ويتشاجر مع الممرضة..
– هى فين الدكتورة لحد دلوقتى؟؟
مش شايفها يعني؟؟
هو لعب عيال ولا ايه… قولتوا العمـ،ــلية كمان ساعة ولحد الآن الدكتورة ما جتش..
اقتربت أروى لتقول له: أنا الدكتورة.. خير فيه حاجه؟
– هو حضرتك مش شايفه انك اتأخرتي شويه؟
أروى: معلهش..
ما حصلش حاجه يعني..
– أيوا ما هو لو كان يهم حضرتك..
أصل حياة الناس لعبة بين ايديكوا..
تجاهلته أروى ودخلت إلى الغرفة لتتنهد بضيق وتبدأ العمل..
وبعد ساعة تقريبا أنهت عملها وخرجت من الغرفة..
لتقول للشاب: العمـ،ــلية خلصت..
والمريض كويس.. ما كانش فيه داعي للحوار اللي حضرتك عملته…
ساعتين كده ولا حاجه وهيفوق..
غادرت أروى ليتنهد الشاب براحة ويجلس على الكرسى..
وفى تلك الأثناء رن هاتفه ليجيب..
أيوا يا ماما…
– انت فين يا آدم؟
آدم: أنا فى المستشفى..
رشا: بتعمل ايه عندك..
آدم: عمار صاحبي هنا..
كان بيعمل عمـ،ــلية وأنا معاه..
رشا: طيب اتفضل ارجع البيت..
آدم: مش هينفع يا ماما..
لازم أفضل جنب عمار….
انتي عارفه انه مالوش حد.. ومش هينفع أسيبه لوحده..
رشا: هو انت كنت من بقية أهله ولا حاجه عشان تفضل جنبه؟
مش قولتلك خالتك جايه ومعاها فريال بنتها…
وكنت عايزاك تشوفها وتقعد معاها…
آدم: مش وقته يا أمى…
رشا: هو أنا هلاقيها منك ولا من أختك..
مش عارفه أعمل ايه…
منا لو أمـ،ــوت وترتاحوا مني..
آدم: طيب ايه لزمته الكلام دا دلوقتى..
ياستى المره الجايه هبقا أروح لفريال بنفسى..
لو سمحتى يا ماما.. أنا مش ناقص…
لما مروان يفوق ان شاء الله هبقا أجي ونتكلم..
أغلقت الخط ليتنهد آدم بضيق..
ثم نهض ليتبع الممرضات وهن ينقلن عمار إلى غرفة أخرى
وبعد عدة ساعات استيقظ أخيرا ليدخل آدم إليه…
آدم: حمدلله عالسلامة يا عم..
ما تنشف كده أومال.. مش حته عمـ،ــلية اللى تعمل فيك كده..
ابتسم عمار وقال: ما انت عارفني بقا..
لسه عيل.. معلهش..
آدم: انت هتعمل ايه دلوقتى…
شكلي كده هتضطر تستضيفني فى بيتك عشان أهتم بيك..
عمار: هتطبخلي يعني ولا ايه..
آدم: أهو.. أودعك بدل ما تمـ،ــوت لوحدك وماحدش جنبك.
عمار: انا عارف انك ما تقدرش تعيش من غيري..
منا سمعتك وانت بتزعق للدكتورة..
آدم: كنت عايز أروح البيت..
كان عندي معاد مع حته جديدة…
عمار: يا واد… هو انت لحقت تخلص من القديمة؟
آدم: ما هى اتجوزت يابني..
يلا.. ريحوني..
أصلا ما كنتش عايز الجوازة دي..
بس أنا وافقت عشان بابا.. بنت عمك ومش عارف ايه..
وبصراحه برضو البت جامدة…
يعني تستاهل.. بس يا خسارة.. ما لحقتش أتهنى بيها..
عمار: طب والجديدة؟
آدم: عادية…
دا زينة كانت أحلى منها…
بس هنعمل ايه بقا..
أمى يا عم.. طالما وافقت أتجوز بنت عمى مره.. يبقا لازم أوافق أتجوز بنت خالتي..
عمار: ربنا يكون فى عونك..
مفيش أحسن من حياتي يابني كلها روقان..
آدم: خليك كده لحد ما تمـ،ــوت مره لوحدك فى الشقة وماحدش يعرف عنك حاجه..
ماهو لولا أنا بسأل عنك.. كان فاتك دلوقتى ميت..
عمار: يا عم.. بعيد الشر عني..
بس انت معاك حق برضو.. شوفلي بقا حته من عندك كده..
آدم: شوف لسه طالع من العمليات وبيقول ايه..
عمار: حوش الباشا محترم أوي..
قطع عليهم ذلك الحوار دخول أروى..
اقتربت من عمار لتفحصه
وقالت: لازم ترتاح… وأنا هكتبلك على أدوية وأكل تمشى عليه..
لحد ما تجيلي العيادة بعد أسبوع..
وأتمنى تقضى الأسبوع ده فى السـ،ــرير..
وتقلل حركة.. صحيح العملـ،ــية كانت بسيطة بس لازم تاخد بالك عشان ما يحصلش مضاعفات…
يلا عن اذنك..
خرجت أروى ليقول عمار: ايه رأيك فيها..
آدم: عادية..
عمار: لا انت محتاج تكشف نظر بقا..
ما البت ما شاء الله أهى.. قمر
آدم: انت اللي العمـ،ــلية مأثرة عليك..
ارتاح.. أما نشوف هنعمل ايه فى الحوار اللي الدكتورة قالتلك عليه ده…
♡♡♡♡♡♡♡♡
حل المساء لتخرج رؤى من المنزل.. ولكن من خلال باب الحديقة الخلفى
الذى لا يستعمله أحد..
وفى الخارج كان فارس بانتظارها مع سيارته..
ركبت السيارة لتقول له: اطلع بينا على أى مول الأول..
انطلق بها باتجاه المول..
لتدلف إليه وتذهب إلى محل الملابس أولا..
اختارت فستانا مكشوفا..
بدون أكمام.. ويصل إلى الركبة..
ثم ذهبت إلى محل الأحذية لتختار حذاءا ذا كعب عال..
ثم إلى محل المجوهرات لتختار قرطا وعقدا بسيطين..
بعد ذلك ذهبت إلى الحمام لتبدل مـ،ــلابسها..
نظرت إلى نفسها فى المرآة بإعجاب..
ثم قامت بفرد خصلاتها وفتحت حقيبتها لتبدأ بوضع المكياج..
ألقت نظرة سريعة على مظهرها ثم خرجت..
حيث كان فارس بانتظارها..
توقف فارس ليحدق بها قليلا..
فضحكت وقالت له: يلا هنتأخر..
فارس: لا هو أكيد فيه حاجه…
تعلقت رؤى بذراعه وقالت: يلا مفيش وقت..
وهكذا اتجه بها إلى أقرب ملهى..
ليدخلا إلى هناك..
الكثير من الأغاني والرقص والخـ،ــمر…
قضت ليلتها ترقص وتغني وتشرب..
لدرجة أن فارس سحبها رغما عنها عندما قاربت الساعة
الرابعة صباحا..
توقف أمام المنزل ليوقظها..
فارس: رؤى… رؤى.. قومي يلا عشان تروحي البيت…
لكن بلا فائدة..
كانت تغط فى سبات عميق..
والآن ما الذى سيفعله؟
يتبع…….
رواية/ قد شغفها حبا
الحلقة التاسعة
فارس: رؤى… يا رؤى…
رؤى فوقي..
ألقى على وجهها بعض الماء فحركت رأسها..
ليتنهد فارس بضيق قائلا: وبعدين بقا.. منا لازم أتصرف..
ترجل من السيارة ليفتح باب رؤى ويقوم بحملها..
ثم دخل من الباب الذى خرجت منه…
تفحص المكان ليجد سلما يقود إلى أعلى..
فصعده بحذر وهو يتمنى أن تكون الغرفة غرفة رؤى..
عندما وصل فتح باب الشرفة بهدوء ودلف إلى الغرفة ليجدها فارغة.. فتنهد براحة ووضع رؤى على السـ،ــرير ثم غطى جسـ،ــدها ليخرج من المكان ويعود إلى منزله…
♡♡♡♡♡♡♡♡♡♡
صباح اليوم التالى….
اجتمعت أسرة الصياد على مائدة الفطور..
كل مشغول بهمه..
وقد نسوا تماما أمر رؤى وغيابها..
فمصيبة زينة أكبر..
فى تلك الأثناء رن هاتف شريف.. برقم غريب..
فأجاب..
– صباح الخير يا شريف بيه…
شريف: انت مين..؟
– معقوله لحقت تنساني؟ أنا فوزى اللي انت طردته لمجرد انه سرق منك ألفين جنيه..
ما يجوش حاجه فى البحر اللي عندك
غضـ،ــب شريف وضـ،ــرب الطاولة ليقول: فين بنتي يا حقير..
فوزى: لا اهدا كده عشان نعرف نتكلم..
بنتك أمانة فى رقبتي يا باشا..
لحد ما تنفذ اللي أنا هقولهولك..
شريف: عايز ايه…
فوزى:٢ مليون جنيه… ٢مليون جنيه
تمن بنتك..
الفلوس تجيلي بكره فى المعاد والمكان اللي هحددهم..
وإلا اقرأ الفاتحة بقا على بنتك…
ثواني هخليك تسمع صوتها..
نزع فوزى اللاصق عن فمها ليقول لها: كلمي بابا يا حلوة..
زينة: باااباا..
تعالا خدني… مش عايزه أفضل هنا..
شريف: زينة حبيبتي ما تخافيش.. قريب أوي هاجي أخدك..
انقطع الخط ليتنهد شريف بضيق..
بينما قال له يوسف: فوزي هو اللي اتصل بيك؟
شريف: أيوا.. وعايز ٢ مليون جنيه.. بكره..
يوسف: الحقير..
ياسر: هتعمل ايه يا بابا؟
شريف: هديله الفلوس طبعا…
المهم ان زينة تكون كويسه..
♡♡♡♡♡♡♡♡♡♡♡
استيقظت أروى من نومها لتنزل لأسفل حيث والدتها تجلس بمفردها تتناول الفطور…
أروى: أومال فين ياسين يا ماما؟ وفارس؟
نهلة: فارس لسه نايم..
وياسين مش فى أوضته..
أروى: معقوله يكون لسه فى مكتبه؟
ذهبت أروى إلى مكتبه وعندما فتحت الباب وجدته نائما على المكتب..
فاقتربت منه وربتت على كتفه بحـ،ــزن قائلة: ياسين… ياسين..
فتح ياسين عينيه واعتدل ليقول لها: أيوا يا أروى..
أروى: ليه ما طلعتش تنام فى أوضتك؟
ياسين: ما كانش جايلي نوم..
وما كنتش حاسس بنفسى لما نمت هنا..
فى تلك اللحظة رن هاتفه برقم غريب..
فأجاب…
ياسين: أيوا..
– ازيك يا باشا..
مش حضرتك جوز المحروسة زينة برضو؟
ياسين: أيوا.. انت مين؟
– أنا اللي خطفتها يا باشا…
وعايز ٢ مليون جنيه… عشان ترجعلك عايشه..
بكره يا باشا.. هحددلك المعاد والمكان…. سلام..
تنهد ياسين بضيق ليقول لأروى: الخاطف اتصل..
وعايز ٢ مليون جنيه…
أروى: لازم تكلم باباها تقوله..
ياسين: لا.. لو قولتله ممكن يصر على إنه يدفعهم لوحده..
هدفعهم أنا…
أروى: طب مش الأحسن تكلم البوليس؟
ياسين: مش هيعرفوا يعملوا حاجه… أنا هتصرف…
♡♡♡♡♡♡♡♡♡♡♡♡
استيقظ فارس من نومه عند آذان الظهر..
وأول شىء فعله هو الاتصال برؤى..
بعد عدة مكالمات أجابت رؤى..
فارس: رؤى… انتي كويسه؟
رؤى: اممم..
حاسه ان دماغي تقيله أوي..
فارس: طبعا ياختي.. ما انتي بلعتي أربع أزايز بيرة..
دا أنا لما بدأت الشرب ما عملتش اللي انتي عملتيه..
أربع أزايز مره واحده..
دا انتي تحمدي ربنا انك لسه عايشه…
رؤى: يا عم روح بقا أنا عايزه أنام…
فارس: احمدي ربنا انى عرفت أطلعك.. وإلا كنتي بايته فى الشارع..
رؤى: شكرا.. عايزه أنام بقا.. سلام….
أغلقت الهاتف لتكمل نومها..
أما فارس فقد نهض ليرى ما الذى سيفعله…
لحظات وفتح ياسر باب الغرفة.. كان يريد أن ينزل إلى الحديقة فوجد رؤى تتمدد على السـ،ــرير وتغط فى نوم عميق..
اقترب منها قليلا ليقول: رؤى… يا رؤى..
فتحت رؤى عينيها لتقول له: ايه…
ياسر: ايه اللي منيمك هنا؟ وايه اللي انتي لابساه ده؟
اعتدلت رؤى لتقول له: ايه.. فى ايه..
ياسر: بقولك ايه اللي جابك هنا؟
وليه لابسه الهدوم دي؟ وكمان حاطه ميكب..
بنت.. لتكوني خرجتي بالمنظر ده..
رؤى بتوتر: ايه الكلام ده..
معقوله يعني؟ أخرج بالمنظر ده..
ياعم كنت بجرب اللبس ده ونمت بيه..
ياسر: لا وكمان نايمه فى أوضة زينة؟
حبيتي تجربي أوضتها هى كمان؟
رؤى: منا كنت فى الجنينة وكسلت أرجع أوضتي..
فقولت أنام هنا..
ياسر: مش عارف ليه مش مصدقك..
رؤى: انت أهبل يابني؟
أنا واحده محجبة.. أخرج باللبس ده ازاي..
ياسر: وأنا ايش هيعرفني.. مش يمكن بتتحولي بالليل..
رؤى: أنا غلطانه اني بتكلم معاك أساسا..
أنا ماشيه…
حملت رؤى حذائها ذا الكعب العالي وخرجت من الغرفة ثم اتجهت إلى غرفتها لتلقى بجسدها على السـ،ــرير..
أما ياسر فقد قال لنفسه: لازم برضو أراقبها…
نزل إلى الحديقة ليتصل بثريا….
ثريا: نعم..
ياسر: طب ليه الدخله دي..
ثريا حبيبتي أنا بكلمك عشان أروق أعصابي..
ثريا: للأسف بقا أنا أعصابي مش رايقه..
ومش طايقه حد.. ولا طايقه نفسى..
ياسر: نخرج؟؟
مفيش غير الحل ده.. نخرج..
ثريا: ما عنديش مشكله…
ياسر: طيب نتقابل بعد ساعة من دلوقتى ايه رأيك؟
نتغدا سوا..
ثريا: ماشى…
♡♡♡♡♡♡♡♡♡♡♡♡
بعد ساعة….
كان الاثنان يجلسان فى أحد المطاعم
يتناولان الغداء..
ياسر: اتكلمي انتي الأول.. مالك..
ثريا: مشاكل فى البيت..
بيضغطوا عليا عشان أوافق أتجوز واحد أنا مش عايزاه..
عشان فلوسه.. عشان غني وهيطلعنا من الحالة اللي احنا فيها..
مش هياخدني غير بشنطة هدومي..
ياسر: وانتي عملتي ايه؟
ثريا: زعقت شويه.. وهما زعقوا شويه.. وأديني زي ما انت شايف.. مش طايقه نفسى..
ياسر: طب وبعدين..
ثريا: والله الحل واضح بس العتب على نظر سيادتك…
ياسر: تاني يا ثريا؟ مش قولتلك مش هينفع دلوقتى..
كلها كام شهر ونتخرج وأجيلك..
واحنا اليومين دول بنمر بظروف صعبة فى البيت..
أختى زينة اتخطفت امبارح.. والبيت كله مقلوب..
فياريت تصبرى بقا شويه…
ثريا: ماشى يا ياسر..
ياسر: حاسس انها مش من قلبك بس تمام…
ثريا: أنا هقوم أمشى…
غادرت ليتنهد ياسر بضيق ثم قال لنفسه: أظن اني لازم أنهى العلـ،ــاقة دي..
كفايه كده لحد دلوقتى…
♡♡♡♡♡♡♡♡♡♡♡
– عاجبك كده يا عم..
شغال عندك ولا كأني الخدامة الفلبينية اللي انت شاريها..
ابتسم وقال: يا عم تعيش وتخدمني..
ضـ،ــربه آدم على كتفه ليقول: طبعا ما انت مش خاسس عليك حاجه…
يلا قوم… اشرب ياخويا العصير دا…
عمار: انت اللي عامله؟ ما شاء الله…
آدم: مضطر.. المهم يعني
انت لازم تشوف حل.. أنا أكيد مش هفضل قاعد معاك طول الأسبوع ده..
عمار: أنا أقدر أهتم بنفسى.. ما تشغلش بالك انت..
آدم: عايزني أجي ذات مره ألاقيك مرمي عالأرض..
عمار: أومال عايزني أعمل ايه..
اجيب خدامة وأبقا أنا وهى والشيطان تالتنا؟
أنا حقير أه.. بس مش للدرجادي..
وأكيد مش هتجوز وأنا فى الحالة دي..
سيبها على الله انت بس.. وروح شوف وراك ايه…
رن هاتف آدم برقم والدته فتنهد بضيق وأجاب..
خير يا ماما…
رشا: مش ناوي ترجع بقا؟
فيه عريس جاي يقعد مع أختك النهارده..
آدم: البركة فيكي انتي وبابا بقا…
أنا هبات مع عمار النهارده..
عمار: أيوا قولها كده عشان تدعي عليا وأفضل فى السـ،ــرير..
آدم: اسكت انت..
رشا: انت بتهبب بتقول ايه..
آدم: ولا حاجه يا ماما..
مش هعرف أجي.
رشا: ماشى يا آدم… بس اعمل حسابك أخر الأسبوع دا
خالتك وفريال جايين..
ولازم تكون موجود..
والمره دي مش هقبل أى أعذار..
آدم: حاضر يا ماما…
مع السلامة…
عمار: ها دعت عليا؟
آدم: يمكن فى سرها بقا..
المهم يعني أنا أجازة من البيت لحد أخر الأسبوع..
عمار: حلو.. روح اعمل لنا بقا لقمة كده ناكلها..
آدم: مش بعرف أطبخ للأسف..
عمار: هقولك تعمل ايه..
♡♡♡♡♡♡♡♡♡♡
كانت علياء تجلس أمام مرآتها تضبط الخمار
وهى شاردة الذهن..
تفكر فى زينة وما حدث معها.. وتلك المشاجرة التى جرت مع والدتها لكى توافق على العريس..
فاضطرت للموافقة…
لحظات ودقت والدتها باب غرفتها ثم دلفت لتقول لها: يلا العريس وأهله تحت..
علياء: خلصت أهو..
رشا: ايه ده.. مش قولتلك حطي حاجه على وشك؟
علياء: مش انتي عايزاني أنزل أقابله؟
ياريت بقا تسبيني براحتي..
رشا: ماشى يا علياء… يلا..
نزلت علياء برفقة والدتها لأسفل حيث أهل العريس..
مع إن رأتها والدته حتى قالت: ما شاء الله ايه القمر دا..
جلست علياء بجوار والدها وحاولت رسم ابتسامة صغيرة على وجهها..
لتقول والدته: عندك كام سنة يا علياء..
علياء: 23 سنة..
– واخده كلية ايه؟
علياء: تجارة انجلش..
– طيب.. نسيبك بقا تقعدي مع خالد شويه..
ولا ايه يا جماعة…
سليمان: أكيد طبعا.. اتفضلى..
تركهم الجميع لتتنهد علياء بضيق..
لم تنظر له حتى هذه اللحظة.. ولا تريد أن تسمع صوته..
خالد: ازيك يا آنسة علياء
علياء: الحمدلله..
خالد: أنا خالد… عندي 26 سنة..
خريج تجارة انجلش برضو.. وحاليا أنا المسؤول عن شركة والدي الله يرحمه…
فيه حاجه حابه تسأليني عنها…
علياء: بتصلى؟
خالد: أه الحمدلله…
علياء: انت عارف اني لو وافقت عليك هيكون فيه ضوابط المفروض نلتزم بيها خلال الخطوبة صح؟
خالد: أه عارف..
ساد الصمت قليلا ليقول لها: طب مش حابه تشوفيني؟
يمكن ما أعجبكيش..
تجرأت علياء ونظرت إليه ثم خفضت بصرها مرة أخرى..
ليقول لها: ما عندكيش أى أسئلة تانيه؟
علياء: لا..
وهكذا انتهت الجلسة وصعدت علياء إلى غرفتها..
ستصلى استخارة وإذا شعرت بالراحة ستوافق…
♡♡♡♡♡♡♡♡♡♡
صباح اليوم التالي…
كان ياسين ينتظر رسالة الرجل بمعاد ومكان التسليم..
وبعد ساعات من الانتظار..
وجد الرسالة أخيرا…
استعد جيدا للقاء..
أحضر المال وانطلق بسيارته نحو العنوان..
عندما وصل إلى هناك اتصل بالرجل…
ياسين: أيوا.. أنا واقف فى المكان اللي قولتلي عليه..
– هتلاقى فيه صندوق فى الناحية التانيه… عدي الطريق وحط الشنطة فيه..
ياسين: وزينة؟
– مستعجل على ايه.. مش أما حماك هو كمان يشرف..
ياسين: حمايا؟
– أيوا.. ما هو كمان جايبلي فلوس…
نظر ياسين خلفه ليجد سيارة شريف..
الذى ما ان رأه حتى ترجل من سيارته وذهب إليه..
فوزى: حلو.. خلي حماك بقا يعمل اللي قولتلك عليه…
أغلق الخط..
ليقول شريف: انت بتعمل ايه هنا؟
ياسين: طلب مني فلوس.. زي ما طلب منك..
اهتز هاتف شريف برقم الرجل
ليجيب..
– كويس انك جيت لوحدك..
خد شنطتك بقا وشنطة المحروس جوز بنتك..
وحطهم فى الصندوق اللي قصادك..
شريف: وزينة.؟
فوزى: لما تحط الفلوس هسبهالك..
بس أنا لازم أامن نفسى برضو..
افرض البوليس جاي وراك..
شريف: مش هعمل حاجه غير لما أشوف زينة..
فوزى: مفيش قدامك غير الحل ده..
يا تسيب الفلوس.. يا مش هتشوف بنتك تاني…
يتبع….
رواية/قد شغفها حبا
الحلقة العاشرة
فوزى: لو عايز بنتك عايشه
تنفذ الكلام اللي قولتلك عليه..
شريف: ماشى…
أخذ شريف الحقبتين وعبر الطريق ثم وضعهما فى الصندوق كما قال فوزى
ليقول له: جدع..
دلوقتى بقا ارجع مكانك تاني..
وافهم انت والمحروس ان أى حركة ندالة.. قول على بنتك يا رحمان يا رحيم..
عاد شريف إلى مكانه، ليخرج رجل ملثم من ذلك المنزل القديم ويأخذ الحقيبتين ثم يعود للداخل..
ياسين: وبعدين؟ هنفضل واقفين كده؟
شريف: اصبر شويه..
ياسين: مش هينفع نستني..
دول ممكن يعملوا فيها حاجه..
أنا هروح…
اتجه ياسين إلى المنزل ففتح أحد الرجلين الباب ووجه المسدس ناحية رأسه
ثم قال له: مش قولتلك ارجع..
يلا ارجع..
أحضر الأخر زينة ليقول ياسين بغضـ،ــب: سيبها يا حقير…
إياك تلمسها…
كامل: ارجع… وإياك تفكر تتهور..
أى حركة غلط هقتـ،ــل مراتك وأخليك تتحسر عليها..
جاء شريف هو أيضا
فوزى: أهلا يا شريف بيه..
اتفضل بقا خد جوز بنتك وارجعوا…
يلاااا…
سحب شريف ياسين وتراجع للخلف قليلا
حينها اتجه فوزى إلى السيارة برفقة زينة..
وكامل يتبعهما بالمسدس..
اقترب ياسين من كامل بهدوء
ثم باغته بضـ،ــربة مفاجأة على ذراعه ليسقط المسـ،ــدس من يده ويلتقطه ياسين..
وجه المسـ،ــدس نحو فوزى وقال: سيب زينة.. يلا…
بسررررعة…
ترك فوزي زينة لتختبىء خلف ياسين..
فقال ياسين: يلا… هاتوا الفلوس…
اتحرك بسرعة وهات الفلوس… يلاااا
تحرك كامل وأحضر الحقيبتين ليضعهما بالقرب من ياسين..
فقال ياسين: شويه كلااااب…
لو كنتوا مفكرين اني هسيب اللي عملتوه يعدي كده تبقوا غلطانين…
مش أنا اللي يتلعب معاه لعبة حقيرة زي دي ويسكت…
لحظات وجاء عاصم ومعه بعض الرجال ليمسكا الرجلين..
فقال ياسين: عايزك تظبطهملي يا عاصم..
وبعدين ابقا سلمهم للبوليس..
دول غاليين عليا أوي..
عشان كده ابقا خلى بالك منهم…
سحب الرجال فوزى وكامل إلى المنزل..
أما زينة فقد ركضت نحو والدها…
كانت تبكى وشريف يربت على ظهرها
شريف: خلاص يا زينة ما تزعليش..
انتي دلوقتى كويسه.. خلاص هنرجع البيت..
زينة: أنا كنت خايفه أوي..
شريف: ما تخافيش.. خلاص بابا اجه..
يلا نرجع البيت.. يلا…
أخذ شريف زينة إلى السيارة لينطلق نحو المنزل..
أما ياسين فقد تنهد بحـ،ــزن..
شريف معه حق إذا منع زينة من العودة لياسين..
فهو لم يستطع حمايتها..
ذهب ياسين إلى شركته ليشغل نفسه بالعمل عله ينسى ما حدث..
♡♡♡♡♡♡♡♡♡♡
عادت زينة إلى المنزل، ليستقبلها يوسف وياسر..
يوسف: ينفع كده يا زينة؟ تمشى مع الراجل كده..
زينة: هو قالي انه هيرجعني لبابا..
وياسين ما كانش عايز يخليني أرجع لبابا…
شريف: بعد كده يا زينة ما تسمعيش كلام حد يقولك هوديكي لبابا… طالما ماجتش خدتك بنفسى
أو جابك ياسين… يبقا ما تتحركيش مع حد ما تعرفيهوش..
بالمناسبة.. انتي هتقعدي هنا يومين كده ولا حاجه ترتاحي..
وبعدين هترجعي لبيت جوزك..
زينة: بس أنا مش عايزه أرجع هناك تاني..
عايزه أفضل هنا..
شريف: ماينفعش يا زينة..
انتي خلاص اتجوزتي ولازم تفضلى مع جوزك..
زينة: مش عايزه أرجع هناك…
يوسف: انت ازاي عايز ترجعها ليه يا بابا
وهو ما قدرش يحافظ عليها..
دي اتخطفت من تاني يوم جواز.. أومال هيحصل ايه بعد كده..
شريف: اللي حصل ده قضاء وقدر يابني..
ووارد جدا انه يحصل مع أي حد..
وبعدين زينة عندك أهى.. اسألها..
ياسين كان بيعاملها ازاي..
قولي يا زينة.. ياسين زعقلك؟ ـ،ــ؟
زينة: لا.. جابلي لعب كتير وفضل يلعب معايا..
ولما زعقلي.. خدني الملاهي عشان يصالحني..
شريف: طيب.. يعني ما ينفعش تسبيه بقا بعد كل ده…
يلا اطلعي أوضتك ارتاحي..
فى تلك اللحظة جاءت علياء..
عانقت زينة وقالت لها: انتي كويسه؟ جرالك حاجه؟
زينة: أنا كويسه…
شريف: خليكي معاها شويه يا علياء لحد ما ترتاح..
صعدت معها علياء لأعلى..
لتقول لها: ينفع كده يا زينة؟
تمشى كده مع أى حد يقولك هوديكي لبابا؟
زينة: منا كنت عايزه أروح لبابا
علياء: بس مش بالطريقة دي..
زينة: خلاص ماشى..
بس أنا مش عايزه ارجع لياسين..
وبابا عايزني أرجعله..
علياء: لازم ترجعي.. عشان ده جوزك
وبعدين أنا حاسه ان ياسين شخص كويس وهيقدر يهتم بيكي..
يلا ارتاحي شويه.. عما أخليهم يحضرولك أى حاجه تاكليها…
♡♡♡♡♡♡♡♡♡♡
كانت رؤى تجلس فى كافتيريا الجامعة
تشرب قهوتها بهدوء.. حتى قطع عليها ذلك الهدوء
قدوم فارس..
فارس: أهلا باللي خربتها امبارح….
رؤى: اسكت يا فارس..
دا تالت فنجان قهوة أشربه وحاسه ان دماغي تقيله..
فارس: دول أربع أزايز…
رؤى: ما تفكرنيش..
أنا أساسا مش فاكره أنا عملت ايه..
هو أنا عكيت أوي؟
فارس: لا…
بعد شربتي وسكرتي فضلتي ترقصي..
مع ده وشويه مع ده..
وأنا مش عارف أجيبك منين ولا منين..
رؤى: رقصت مع مين؟
فارس: شباب بقا والسلام..
رؤى: يا فضيحتك يا رؤى..
فارس: أومال انتي مفكره ايه..
هتشربي والليلة هتعدي كده عادي..
واحمدي ربنا اني عرفت أطلعك الأوضة..
رؤى: دي ما كانتش أوضتي..
كانت أوضة زينة.. وياسر دخل عليا..
وأنا طبعا بالهدوم والميكب..
قولتله بقا اني كنت بجرب..
بس أنا عارفه انه ما صدقنيش..
فلازم أخد بالي بعد كده..
فارس: بعد كده؟ هو انتى ناويه تكرري اللي عملتيه تاني؟
أنا رجعت البيت وش الفجر..
وبحمد ربنا ان ياسين كان مشغول بحوار زينة..
وإلا كان قتـ،ــلني..
رؤى: بتخافي يا بيضة…
فارس: أنا مابخافش من حد..
مجرد حرص مش أكتر..
وبعدين ما انتي كمان بتخافي..
وانتي عارفه كويس ان لو حد عرف اللي عملتيه هتروحي فى داهية…
رؤى: بتهددني يعني؟
فارس: انتي هبلة يابنتي؟
تعرفي عني كده برضو..
أنا مش عايز حاجه غير اني أشوفك مبسوطه وبس..
وضع يده على يدها
لتقول له: طيب.. امته هنخرج تاني؟
فارس: دا انتي ناويه تخربيها بجد..
رؤى: أيوا…
فارس: استني طيب أما الوضع يهدا شويه..
وبعدين نبقا نتقابل..
رؤى: ماشى…
♡♡♡♡♡♡♡♡♡♡♡
كانت أروى تجلس فى عيادتها..
تباشر عملها.. وبعد انتهاء الحالات..
اتصلت بياسين..
أروى: عملت ايه يا ياسين؟
ياسين: رجعت البيت..
أروى: طب الحمدلله… هى كويسه؟
ياسين: مالحقتش أكلمها..
ما صدقت تمشى مع باباها..
بس غالبا هي كويسه..
أروى: ما تزعلش نفسك يا ياسين..
انت عارف انها مجرد طفلة.. متعلقة بأهلها..
ياسين: عارف..
بس فى الاخر برضو هى مراتي.. ولازم ترجع البيت..
أنا هسيبها يومين كده ترتاح وبعدين أروح أجيبها…
أروى: ماشى..
يلا سلام..
تنهدت أروى بهدوء لتبدأ بجمع أغراضها..
وأثناء ذلك رن هاتف العيادة..
فأجابت..
أروى: ألو…
– أيوا يا دكتوره.. معلهش
عمار تعبان جدا ومش عارف أعمله ايه..
هو سخن وبيستفرغ..
أروى: معلهش.. انت مين؟
– أنا آدم..
عمار صاحبي اللي كان عامل عملـ،ــية من يومين..
أروى: أه أيوا..
طيب.. هاتهولي العيادة…
آدم: تمام… خمس دقايق وهكون عندك..
تنهدت أروى بهدوء ونظرت إلى ساعتها..
كانت تشير إلى الخامسة مساءا..
لكنها مضطرة للانتظار..
بعد قليل جاءها آدم مع عمار..
قامت أروى بفحصه ثم أعطته حقنة
لتقول له: الحقنة دي هتهدي السخونية..
قولي انت حاسس بإيه؟
عمار: صدااع.. حاسس بصداع فظيع..
ومعدتي وجعاني..
أروى: أنا قولتلك ان ممكن يحصل مضاعفات بعد العـ،ــملية..
عامة الموضوع مش خطير ما تخافش..
هكتبلك على شويه أدوية تمشى عليها..
ولازم ترتاح..
تاكل أكل كويس.. وتبعد تماما عن الوجبات السريعة..
تكتر من شرب المايه والعصاير..
وإن شاء الله هتكون كويس..
ياريت تجيلي بعد أسبوع.. ولو حصلك مضاعفات تانيه تجيلي فورا…
يعني بعد ما تاخد العلاج.. لو حسيت بأي أعراض
سخونية…استفراغ… صداع.. وجع فى منطقة الصدر أو القلب..
تجيلي..
عمار: تمام..
عادت أروى لتجلس مكانها وتكتب الأدوية المطلوبة..
ثم قالت: ياريت تخلي أهله يهتموا بيه..
ويفكروه بمواعيد الأدوية والأكل..
آدم: للأسف هو مالوش حد..
أروى: أومال مين اللي كان بيهتم بيه الفترة اللي فاتت؟
آدم: أنا قاعد معاه من ساعة ما عمل العـ،ــملية..
أروى: تمام.. ياريت تهتم بيه وتخليه ينفذ التعليمات اللي قولتله عليه
آدم: تمام..
ساند آدم عمار للخارج ليقول له: عاجبك كده..
عمار: لا جامده.. جامده يعني مفيش كلام..
كنت عايز أقولها تيجي هى تهتم بيا..
آدم: شوف أنا بقول ايه وانت بتقول ايه..
عمار: هو انا لو اتقدمتلها هتوافق؟
آدم: امشى يا عمار.. شكلها السخونية مأثرة عليك…
♡♡♡♡♡♡♡♡♡♡
بعد يومين ذهب ياسين ليحضر زينة…
كانت تلعب فى الحديقة مع سيف..
عندما دخل ياسين ورآها..
اقترب منها ثم جذبها من ذراعها ليقول لها: انتي بتلعبي هنا ليه؟
افرض حد من العمال شافك؟
زينة: سيبني.. انت جيت ليه…
ياسين: جيت عشان أخدك..
زينة: مش هاجي معاك..
ياسين: ليه.. مش انتي وعدتيني هتفضلي معايا؟
وأنا جبتلك كل اللي انتي عايزاه..؟
زينة: بس أنا…
ياسين: مش هينفع تخلفى بوعدك..
وأنا عملتلك كل حاجه انتي عايزاها..
يلا.. يلا اطلعي غيري هدومك عشان نمشى..
دخلا معا إلى المنزل ليستقبله شريف..
جلسا ليقول له: مش عارف أقولك ايه ياعمى..
بس أنا جاي أخد زينة..
ياريت حضرتك ما تعترضش..
شريف: وأنا مش هعترض… أنا كنت مستنيك تيجي تاخدها..
اللي حصل ده يابني قضاء وقدر.. ووارد جدا انه يحصل مع أي حد..
وطالما انت بتهتم بزينة ومتفهم حالتها
ما عنديش مانع انها ترجع معاك..
ياسين: شكرا يا عمى…
جاءت زينة ليمسك ياسين يدها ويأخذها للخارج..
ثم ركب السيارة وانطلق نحو المنزل..
ياسين: زعلانه؟
زينة: لا..
ياسين: باين عليكي انك زعلانه.. بصى ياستى..
أوعدك كل أسبوع هجيبك تقعدي مع بابا شويه ايه رأيك؟
زينة: وعد؟
ياسين: وعد..
زينة: خلاص.. اتفقنا
يتبع….
