حور بلعت ريقها وقالت : حاسيت وانا نايمه بايد علي شعري صحيت مفزوعه لقيته واقف قدامي جمعت شجاعتي وقولت بصوت عالي عكس الرعب اللي جوايا انت بتعمل اي هنا اتفضل اطلع بره حالة والا والله افرج عليك العيله كلها اطلع بره
خرج بره بس معرفتش انام تاني وصممت علي بابا تاني يوم أننا نروح وطبعا عمتي فضلت تشرح قد اي انا بقسي اخوها عليها وظالمه ووحشه أكملت بدموع بس كنت خايفه اوي
احتضنتها نور لتطمئن
ليفزعو بصوت كسر ورائهم
فارس ببرود : الغدا جاهز يلا علي جوه
دخل الجميع
ميرا : فارس
وقف فارس لتقول ميرا : متتهورش
فارس : تقصدي اي
ميرا : انت فاهم
ابتسم بخبث : متقلقيش هعمل كل خير ودخل
انتهي الطعام وبدأت البنات يتحدثون كثيرا ويضحكون حتي تأخر الوقت وجاء موعد رحيل حور
فارس : يلا
حور : لا شكرا في تاكسي هييجي دلوقتي
فارس بغضب : انا قولت اركبي
مشيت حور غاضبه ولم تنصت إليه حتي قال : واضح انك عايزاني اشيلك
خجلت بشده وذهب لسيارته وجلست بجانبه متوتره صامته وهو لم يتحدث معها
حور : حضرتك في بنت من الشركه بعتتلي ارجع الشغل
فارس ببرود : لا هتلاقيها اخطأت وبعتت الرساله ليكي
حور بحزن : اه اوكي
وفي داخلها الف سؤال هل حقا هو معجب بي هل يحبني إذا لما لا يريدني جانبه إذا انا اتوهم وصلت للمنزل لتنزل وتشكره وتذهب للداخل
**********************
نور : يا شيخه اتخري شويه عايزه انام ده انتي اي ده
ميرا : بقولك اي انتي في سريري يبقا تتبعي قواعدي وتتلمي
كادت نور أن تتحدث لولا دخول أحد من الباب
اسر : معلش يا ميرا جاي اخد نور
ضحكت ميرا : خدها يا خويا خدها وماله
نور وقفت علي السرير : نعم يا خويا عايز اي
اقترب اسر منها وقال : جاي اخد مراتي
تراجعت للخلف في خجل وقالت : بت يا مرمر اللي بيقوله الواد ده صحيح ولا أنا سمعي باظ
ميرا وهي تضحك : صحيح يا اختي صحيح
نور : قولي له يمشي من هنا بدل ما اشرحه
طلع اسر علي السرير وقال : بدل ما اي يا روحي
نور : اقسم بالله اخلعك يا اسر واسيبك مخلوع لوحدك كدا امشي يا ابني واستهدي بالله احسن لك
كانت ميرا تضحك علي هذا المشهد وهي مستمتعه
ليقوم اسر بحمل نور وسط صراخها
نور : انت شايل انبوبه يا عم شيل عدل الله افضلي اضحكي اضحكي يا اختي هيجيلك يوم
ما أن خرجت نور وأسر واختفي صوت نور نسبيا
وجدت ادهم أمام باب الغرفه شعرت بالخوف وقالت : شكله جالي اليوم ده يا نور الكلب
ادهم : مش يلا علي النوم
ميرا : ها
ادهم : يلا عشان ننام
ميرا : نعم لالالالا انا مش عايزه
ادهم : مش عايزه اي
ميرا : مبعرفش انام جنب حد
ادهم : مش مشكله هتتعودي 5 دقائق والاقيكي في الاوضه والا هجيبك بطريقتي وطلع
ميرا : حسبي الله ونعم الوكيل فيكي يا نور الكلب
دخلت غرفه ادهم بخوف وجدته عاري الصدر
شهقت ميرا وقالت : استر نفسك استر نفسك
ضحك ادهم وقرب منها وقال : انا بنام كدا
ابتعدت ميرا عنه بسرعه وذهبت عند اخر طرف السرير
تركها ادهم حتي تعتاد وتذهب في نوم عميق وذهب للنوم بجانبها اغمض عينيه و قام غلق الانوار لصدم بركله قويه في معدته جعلته يسقط أرضا ممسكا بمعدته
ذهب ادهم للنوم مره اخري وضرب مره اخري ليغضب ويمسك بمخدته ويذهب للنوم علي الاريكه وهو يسب ويلعن اليوم الذي قال لها أن تأتي للنوم
*********************
نور : نزلني ياض يا ابو طويله انت
انزلها اسر : حد يقول لجوزه ياض
نور : ايوه انا عايز اي بقا
اسر : ادخلي نامي يا نور ربنا يهديكي
نور وهي تربع يديها أمام صدرها وتنظر للجهه الأخري : لا
حملها اسر وجعلها تنام وغطاها بالبطانيه وحضنها واغمض عينه
نور : انت يلا انت بتعمل اي
اسر : هششش انامي
صمتت نور وهي تشعر بدقات قلبها تعلو وتخاف أن يفضح أمرها واحمرت خجلا وذهبت في سبات عميق
انتهي اليوم بسلام وذهب الجميع الي النوم
وفي صباح يوم جديد جميل و مشرق
ادهم أخبر نور بأن تذهب لميرا لتناول الإفطار
كان صوت نور عالي
نور : يا شيخه بقا يا شيخه بقا قومي يا صخره حسبي الله انا ليه ملزمه اصحيكي اصلا قومي
وبعد تعب طويل فاقت ميرا : صباح الخير
نور : عندنا جامعه يا زفته اخلصي بسرعه
ميرا : احيه اتاخرت انتي مش عارفه تصحيني بدري شويه عن كدا
نور بصتلها بقرف وقالت : اشكال متتعاشرش
ميرا : خدي يا بت هنا
ارتدو ملابسهم وخرجو بسرعه
انتهي اليوم دون احداث جديده حتي اتي موعد الغدا
ميرا : في ندوه انا اشتركت فيها بنتكلم عن بعض الأمور العامه والثقافيه والعاطفيه يعني حاجه لتنميه مهارات التفكير والتواصل والذات مين هييجي يشوفني بكرا وانا واقفه علي المسرح وبتكلم
مازن : انتي اللي بتختاري المواضيع
ميرا : لا بتكون عشوائيه بختار ورقه واتكلم عن اللي جواها بشكل عام
مازن : انا مش هقدر اجي معلش
ميرا : طيب شهد
مازن : شهد هاخدها معايا لأسباب ضروريه
ميرا : اسر حبيبي
اسر : عندي شغل مش هقدر
ميرا : نونو
نور : حلي عني عايزه ارتاح وانام في اليوم الاجازه الوحيد اللي عندنا
ميرا : يبقا كدا محدش هييجي يعني تمام براحتكم نهضت بغضب ليضرب ادهم السفره بيده بقوه لتجلس مره آخره تاكل طعامها
نور : جبانه موت
ميرا : اسكتي انتي يا فضيحه
في اليوم التالي ذهبت ميرا للجامعه
وكان هناك الكثير من الحضور لتتوتر قليلا وتتمني وجود أي شخص معها ليطمئنها
حتي اتي دورها سحبت ورقها وهي متحمسه وقلقه قليلا
لتصدم حين قرأت ما في الورقه
ليتحدث الدكتور : ها يا ميرا طلعلك اي
ميرا بصوت خفيف : الام
الدكتور : جميل اتكلمي عن الام
صمتت ميرا وظلت تقول بدموع : الام …. الام …. الام
لتتحدث نسمه : هههههه يا عيني جايبين واحده معندهاش ام تتكلم عن الأم
ظلت نسمه وصديقاتها يتنمروت ويتحدثون د
أدارت ميرا ظهرها لهم لتضع الورقه ودموعها تزاد حتي سمعت ……..
.
????????????????????????????????????????????????
الحلقة 26
.
.
نسمه بسخريه : يا عيني ملقوش غير واحده معندهاش ام تتكلم عن الأم هههههههه فعلا يالا سخريه القدر
شعرت بالألم في قلبي أجل انا لم أري امي من قبل لا اتذكر حتي ملامح وجهها لا اعرف ما معني تلك الكلمه ولا ادري كيف يكون احساس حضن الام انا لا اعرف اي شي
وما يصبر قلبي قليلا يا امي انكي تعيشين بقلبي وسأظل أجلب لكي هدايا عيد الام لست حزينه علي تركك لي وحيده ولاكني اموت شوقا لكي اراكي اشتقت اليكي كثيرا أشعر دائما انكي معي وتسمعيني من الصعب علي أن افتح عيني ولا اركي مثل جميع الأبناء ولا استطيع لمسك
لم أشعر الا بدموعي تنهمر كالشاالات وانا اقول : امي … ا الام …. الام
مع كل كلمه كنت انطقها كانت تزداد دموعي لم أستطع الصمود اكره رأيه الآخرين لضعفي ف الدموع بالنسبه لي ضعف أغمضت عيني وادرت ظهري لهم لابتعد ولاكني سمعت صوته كان كاطوق النجاه بالنسبه لي
ادهم : الام هي الحضن الدافئ اللي بيحضنك وبيحميكي من العالم كله
الام هي إحساس الامان وبهجه البيت الام هي النور اللي بينور لينا حياتنا بس حتي لو بمجرد ابتسامه
الام هي اللي دايما شايفانا احسن الناس
وهي اللي بتكون سعيده جدا لما بنفرح ونبتسم
وهي اللي بتعيط لما بنعيط أو بس تشوف دموعنا
مين قال إن امك ماتت امك عايشه جواكي شايفاكي وفخوره بيكي علشان كدا لازم دايما تبقي احسن وتفرحيها بيكي وابتسمي دايما وخليكي سعيده علشان هي كمان تكون سعيده
ثم نظر بحده لنسمه وقال : ما ياما ناس كتير عايشه بس قلوبها ميته
كنت أنظر إليه وانا ابتسم ودموعي تزداد ما أن انهي حديثه حتي ركضت اتجاهه واحتضنته بقوه احتمي بين ذراعيه من قسوه الحياه أخفيت وجهي ليحميني من نظرات الجميع أنه اماني حقا شعرت بأنه السند والعوض وان أحضانه دافئه كحضن الام نظرتي له اختلفت الان اعترف انني احبه وبشده ظللت باحضانه ولم اشعر بصوت التصفيق العالي من حولي
*********************
نور : انت يا اخ
اسر : عايزه اي
نور : بقولك اني رايحه الجامعه بس
اسر : لا محترمه
نور : شوفت عشان تعرف عداني العيب يا زميلي
اسر : زميلي هو انا متجوز سواقه ميكروباص تنهد وأكمل طيب يلا اوصلك
نور : ليه
اسر : عندي شغل جنب الجامعه بتاعتك هوصلك واروح شغلي اهو بيقولو اللي سقي كلب دخل الجنه امال لو وصلت كلبه اكيد ربنا هيكرمني يلا عشان متأخر
خرج اسر بسرعه
نور : دقيقه واحده هو شتمني دلوقتي اه يا ابن ال بقا بتستغل أن استيعابي بطئ
ركضت بسرعه وهي تقول : انت ياض يا اسر
اسر : اركبي اخلصي
ركبت نور بجانبه وقالت : هو انت شتمتني فوق
اسر : اه في حاجه
نور : طب بص بقا يسطا هسامحك بس عشان انت جوزي الاول ولسه متعرفنيش
اسر بضيق : بقولك اي مش عايز اسمعلك صوت لحد ما نوصل
ظلت صامته فتره طويله مما جعل اسر يستغرب
وصلو لوجهتهم
اسر : طبعا انتي عارفه انا بتضايق من اي يا نور مجيش اخدك الاقي في مشاكل و صمت قليلا واكمل سبحان من اسكت لكي حسا
نور : لا ما انا بشتمك في سري وبعدين لا اسكت عاجب ولا اتكلم عاجب اي يا عم اعملك اي يعني
اسر : بتشتميني في سرك حظك أننا في الشارع لما اروح بس يا نور هتشوفي حسابك بعدين يلا انزلي
نور : طب بقولك اي وحياه ابوك يا شيخ عايزه اجرب اركن العربيه لوحدي
اسر : لما تكبري ابقي جربي يلا انزلي يا بت
نور : وحياه ابوك وحياة ابوك يا شيخ اجرب
اسر : اتزفتي اخلصي مش فاضي
ركبت نور مكان اسر
نور : افتح بقا شنطه العربيه يا اسر
اسر : ليه
نور بضيق : افتح شنطه العربيه
اسر بنبره زعيق : ليه
نور : عشان اعرف اشوف من ضهري وانا برجع
ضربها بيده علي كتفها وشاور علي المراه الاماميه وقال : ودي اي
نور بتفكير : هاا
اسر بصوت عالي : امال المرايه اللي قدام دي معموله عشان اي
نور : عشان اشوف وانا بحط الروج
اتعصب اسر وضرب السياره بيده وقال بنبره صوت عاليه : دي معموله عشان تشوفي اللي وري من هنا بتشوفي
نور بنبره عاليه نسبيا : طيب ابعد كدا متوترنيش
اسر : انا بوترك أنا ده انتي هتجيبيلي شلل
نور : طب بص فضيلي الشارع
رفع اسر أكمام قميصه بعصبيه وقال بهدوء : افضيلك اي
نور : الشارع
ضربها اسر علي كتفها : ازاي افضيلك الشارع ازاي
نور : اااه ايدك تقيله يا عم عشان اركن العربيه لازم الشارع يكون فاضي
اسر بعصبية : ايوه يعني اعمل اي
نور : مشي الناس
اسر بنفاذ صبر : يا بنتي يعتبر اصلا انا راكن العربيه مفيش ناس
نور : خلاص متزعقش فضحتنا في الشارع
اسر بضيق : دوسي علي الفرامل
نور : ادوس علي الفرامل
اسر محاولا تمالك نفسه : اه
نور وهي تضع يدها علي خدها : مش طايله الفرامل
اسر بعصبية : يا بت دوسي علي الفرامل
نور : والله ما طايله الفرامل يا جدع
اسر : اضبطي الكرسي وقربي يلا ودوسي علي الفرامل
ضحكت نور وهو يقربها بالكرسي ونظرت اليه وقالت : هي العربيه شغاله
وضع اسر يديه علي رأسه وقال بعصبية : بتشتغل والله العربيه بتشتغل
نور : طب بس اهدي هدي اعصابك يا بابا مش كدا
اسر بصوت عالي : انتي ازاي كدة والله لو بايدي اضربك بالشبشب علي هبلك ده لو حمار كان فهم حرام عليكي
نور : كله بسببك اصلا انت بتوترني
اسر بعصبية : طب انزلي انزلي ضربها علي كتفها ونزلها خارج السياره وزقها وأكمل قال عايزه تركني العربيه قال ابقي تعالي تفي علي قبري لو فلحتي
وذهب من أمامها بسرعه وهي تنظر اتجاه السياره وتضع يديها علي خدها وقالت : هو ماله ده ياتري متعصب ليه
***********************
فارس وهو يتحدث في الهاتف : خلاص يا ميرا انا وصلت للمول اهو اللي انتي عايزاه هجيبه مترغيش كتير بقا سلام
كانت حور تخرج من أحد المحلات واتفاجات بمن يضع يده علي كتفها ويقربها إليه
حور بعصبية وهي تبعد يده وتبعده عنها : اي ده انت بتعمل اي
احمد ابن عمتها : كان في حد هيخبطك بس مش قصدي حاجه
حور بضيق وهي تسرع من خطواتها بعيد عنه وتنظر له : لو سمحت اللي حصل ده ميتكررش تاني
اصطدمت بشده بشي رفعت عينيها صدمت ورجعت خطوتين للوراء وهي تنظر له بخوف لا تعرف سببه ولاكنها كانت تشبه الاطفال اللذين اخطأو و ينظرون لابأهم لكي لا يعاقبهم
رمشت بعينيها كثير ليتحدث هو
فارس بحده : بتعملي اي هنا
حور بتوتر وهي تفرك يديها وتنظر للأرض : انا . انا
احمد بضيق : انت مين اصلا
ليتحدث فارس بصوت جعلهم ينتفضون : انا خطيبها
نزلت تلك الكلمه علي مسامعها دق قلبها وصدمت ك كيف هذا
اقترب فارس أكثر من احمد وتحدث بنبرته الحاده القاسيه : لو شوفتك قريب منها باي شكل هخليك تتمني الموت ومتطلوش وتحدث بصوت عالي جعله يرتجف انت فااهم
انتفضت علي صوتها وفاقت من سرحانها
ما أن انهي حديثه حتي امسك يديها وسحبها خلفه
ألقاها داخل السياره واقفل بابا السياره بعنف
وجلس بجانبها
انكمشت علي نفسها بخوف
غضبه من رؤيه أحد آخر يلمسها جعله لا يري أمامه وخوفها منه اغضبه أكثر ليزيد من سرعته
نظرت له كانت عروقه بارزه غضبه مخيف ولا اعلم لما هو غاضب ولما أشعر بأنني اخطأت انا لم افعل له شي
ظللت في صراع بيني و بين نفسي اريد أخباره انني خائفه اخفض السرعه ولاكني لا استطيع جمعت شجاعتي وامسكت يده نظر لي نظره ارعبتني سحبت يدي بسرعه ووضعتها علي وجهي بعد قليل واقف السياره لاجده اوصلني أمام منزلي نزلت بسرعه اركض بعيدا عنه
فارس بحده : استني عندك .
وقفت ولم انظر خلفي
فارس بحده : اللي حصل النهار ده ميتكررش تاني انتي فاهمه
نظرت خلفي محاوله استجماع شجاعتي لاقول : ا انت مش خطيبي أو جوزي عشان تقول اعمل اي ومعملش اي
اقترب منها فارس ولم يفصل بينهم الا خيط رفيع
دق قلبي بسرعه من اقترابه لي ولاكني حاولت اظهار قوتي
همس فارس لها قائلا : قريب اوي هتكوني مراتي وفي بيتي
احمرت وجنتاها خجلا وركضت من أمامه بسرعه للمنزل وذهب الي غرفتها ووضعت يديها علي قلبها تتنفس بسرعه : ه هو اي اللي حصل ده ازاي ظلت تضرب قلبها بيديها اهدي يا قلبي
***********************
ميرا : انتي يا زفته متاكده أن اللي عملتيه ده صح
نور بثقه : طبعا يا بنتي انتي بتشكي في قدراتي ولا اي
ميرا بقلق : فارس في عصبيته مبيعرفش حد انا خايفه يعمل حاجه لحور
نور : يا بت يا هبله انتي من واقع خبرتي الفذه
قاطعتها ميرا : انتي اصلا عندك خبرات في الحاجات دي
نور بثقه : طبعا محسوبتك حافظه جميع مسلسلات الحب تركيه بقا ولا كوريه ولا هنديه كله من واقع خبرتي العظيمه دي احب اقولك فارس لما يشوف حور مع حد غيره هيبدا يغير وبعدين هيبدا يفكر يا تري ممكن الشخص ده يكون خطيبها ويخبط أيده علي رأسه ويقول معقول اتاخرت وحور اتخطبت لحد غيري لاااااااااا
أنهت نور تمثيلها مع حراكتها الدراميه وقالت : فاهمه حاجه
هزت ميرا رأسها وفمها مفتوح وقالت : عليه العوض ومنه العوض في البت الغلبانه دي انا غلطانه اني سمعت كلامك وقولت لفارس يروح المول عشان يشوفها
نور بدرامه : يا بت من هنا تبدأ شراره الحب اش فهمك انتي
ميرا : يا قلب اختك يا حور ربنا يسترها عليكي انتي يا بت صح مش قولتي هتنامي النهار ده اي اللي جابك مقدرتيش علي بعدي
نور : لا يا موكوسه جايه اشوف النتيجه واصطاد الدكتور اللي معاه النتيجه
ميرا : طب ما ناس كتير جابتها انتي لسه فاكره
نور : مفضلش غيري يا ناس وهو عامل زي الزنبلك مبيعرفش يقف دقيقه ولا يقعد في مكان شويه انا بقا فضياله وقعداله مش همشي غير أما اعرف النتيجه
ضحكت ميرا : طيب يا اختي تعالي نروح مكتبه في الدور التالت
ذهبو للدور الثالث نور : اه ياني يا جدعان انا واحده مسنه ليه اطلع كل الأدوار دي بس
ضحكت ميرا وقالت : امشي قدامي يا آخره صبري
سالتو عليه وعرفو أنه ذهبت لمبني اخر بعيدا عن تربيه ذهبت الفتيات للمكان المحدده مره اخري ونور تشتكي كالعاده واخبروهم أنه ذهب لغرفه الكونترول
رجعت الفتاتين مره اخلي لمبني تربيه ونزلوا تحت وسالو قيل لهم أنه ذهب لعمل شي ما ولا يعرفون مكانه
بدأت الفتيات يصعدو السلم ونور مستأه
نور : والله حرام بعد كل اللف ده ومش الاقيه بردو
ميرا : مش مشكله نبقا نيجي بكرا نشوفه تاني
عبست نور وأثناء صعودها للسلم وجدت الدكتور الذي تبحث عنه أشارت بيديها وقالت له نور : هو انت
الدكتور : لا وظل يركض ركضت نور ورائه أمام الجامعه كلها ووصلت وهي تركض جانبه وقالت وهي لا تزال تركض
نور : بالله عليك يا شيخ الهي تنستر العيال كلها عرفو نتيجتهم الا أنا يرضيك يقولو عليا ساقطه ومش عايزه اقول يرضيك
الدكتور وهو ما يزال يركض : عايزه تفهميني أن انتي الوحيده اللي مخدتيش النتيجه
نور : اه والله
الدكتور : طيب ابقي تعالي بكرا الساعه 10 علي الكنترول واقولك
وقفت نور من الجري ورائه تاخد نفسها وتشاور له : تمام يا دكتور
أدارت ظهرها للرجوع وجدت الجميع يضحك عليها
تجاهلتهم وظلت تمشي لتصل لمكان ميرا وهي تاخد نفسها بصعوبه وجدت ميرا تجلس علي الارض وعينيها تذرف الدموع
نور : هو في اي
ميرا : مشوفتيش شكلك وانتي بتجري وراه بجد مش قادره هموت
ضربتها نور علي كتفها بغيظ : طب يلا يا اختي امشي
**********************
شهد ظلت ترن كثير علي مازن وبعد ساعتين رد عليها
مازن : في حاجه يا شهد قلقتيني
شهد : اممم انا انا
مازن : قولي يا حبيبتي عايزه اي
شهد : عايزه أخرج
مازن بهدوء : فين
شهد : مشوار كدا بسرعه وهرجع علي طول والله
مازن : شهد انتي عارفه اني رافض خروجك لوحدك صح ولالا
شهد بضيق طفولي : صح بس انا عايزه اروح الملجأ بالله عليك يا مازن مش هتاخر والله والفون اللي انت جبتهولي معايا اهو هتعرف تطمن عليا كل شويه مش هتاخر
مازن : مبطمنش غير لما اكون معاكي بس ماشي يا شهد هبعتلك السواق بالعربيه يوصلك
شهد بفرحه : بجد ربنا يخليك ليا يا احلي مازن في الدنيا
مازن بحب : تمام يا حبيبتي لما ييجي السواق اخرجي غير كدا لا ويلا سلام ورايا شغل
اقفل مازن الهاتف
الدكتور : يا دكتور الحاله اللي حضرتك مهتم بيها بدأت تستجيب
مازن بفرحه : بجد طيب طيب انا جاي حالا
************************
في مكان آخر كان يتسلل داخل محزن كبير دخل متخفي وقبل دخوله ارتدي جهازا علي وجهه
كان حازم يراقب الأمر ليحدث صوتا معلنا عن دخول سارق المخزن وهرب
اضطر اسر أن يواجه جميع الرجال وحده بعد وصوله للمخدرات والأسلحة دخل شخصا لإنقاذه بسياره داخل المخزن ادخل اسر جميع الاسلحه والمخدرات
وحاول الهرب من الرجال حتي امسك به رجلا ضخما امسك اسر يده بسرعه وخفه وكسرها واسقطه ارضا وقام بأشعال كره غازيه غريبه ما أن رماها حتي امتلاء المكان بالدخان مما سهل عليه الهرب بسرعه ركض بسرعه ودخل من نافذه السياره وانطلق باقصي سرعه وعند وصوله للزعيم
دخل اسر عند الشيخ ومن الواضح أن هناك أحدا ما حكي ما حدث في المخزن للشيخ كان واضح علي حازم الضرب القوي لم اهتم كثير كانت ملامحي حده وبارده
تحدث الشيخ بابتسامه : طلعت راجل من ظهر راجل صحيح اول مهمه ليك وعملتها كويس اوي برغم وساخه ناس هنا بس برافو عليك يا اسر ومكافأة ليك هتدخل في مهمات اكبر من كدا وهيوصلك فلوس في حسابك البنكي من النهار ده انت دراعي اليمين
ابتسم أسر له وقال : تسمحلي اتصرف فى المخدرات
الشيخ بنظره شك : هتعمل اي
ابتسم أسر وقال : بسيطه هولع في المخدرات كلها وهبعت الفيديو للشخص اللي سرقناها منه اهو نقهره علي حاجته وكدا كدا احنا بنعرف هنا نتصرف في الاسلحه بس المخدرات ملهاش لازمه ولا اي
الشيخ : براوي عليك يا واد اهي دي الدماغ اللي تعجبني
********************
نور : بت يا ميمو تعالي نتفرج علي ال Tv
ميرا : بتقوليها كدا
نور : اسر قالي اني اتف علي قبره لو فلحت ف بحاول اكون فلحه في الانجليزيه واهي حاجه تليق بالقصر ده
ميرا : تصدقي بالله اسر معاه حق
ضربتها نور علي كتفها : بطلي برود روحي نادي البت الحزينه اللي فوق دي
ميرا : قولت ليها بس رفضت
نور : ليه
ميرا : زعلانه من مازن مبعتش ليها السواق كانت عايزه تروح مشوار
نور : والله عيله هبله سيبك منها اول ما ييجي يكلمها هتضحك وتتصالح
ميرا : طب كلمتي حور
نور وهي تاكل الفشار : اه
ميرا بفضول : طب اي
نور وهي مهتمه بمشاهده المسلسل : سيبك منها هي كمان عيله فرفوره زي اللي فوق دي
ميرا : ليه حصل اي
نور بصوت عالي : بقولك اي عايزه اتفرج بطلي رغي بقا
ميرا بضيق : ده انتي بارده
ظلت ميرا تشاهد المسلسل معها حتي نامت
وعند انتهاء المسلسل
نور : ياااه مسلسل جاحد يا جدع اي ده صح يا بت
نظرت لها وجدتها نائمه
نور : نمتي ده انتي عيله فرفوره مش عارفه تسهري خالص كدة سمعت صوت بابا القصر يفتح أغمضت عينيها بسرعه كأنها نائمه
اسر : مش مرتاح للشراكه الجديده بتاعتك دي
ادهم ببرود : ليه
اسر بشك : وراها إنه يا ادهم ولو اللي في دماغي صح صدقني مش هعمل حسابك لاي حد
ادهم محاولا تغير الحديث : اي الصوت ده الوقت متاخر
ذهب اسر وادهم لمكان الصوت
ابتسم أسر ما أن راها ونظر لادهم : ايوه عارف هي اللي عملت البهدله دي
تجاهله ادهم وذهب لميرا : ميرا قومي نامي جوه
اسر : والله لو جبتلها الدزننور ما هتقوم اي الحنيه دي
نظر له ادهم بضيق وقام بحمل ميرا بين يديه بهدوء وذهب
نظر اسر نور وقال : انتي يا بت قومي
لا رد
اسر : اه استعنا علي الشقا بالله وقام بحملها وصعد بقا كان اسر يعرف انها مستيقظه فقال : ااه يا ضهري اي ده اي التقل ده كله لا لازم تخس شويه مش كدة
نزلت من علي يديه وضربته في كتفه وقالت : بقا انا تخينه ماشي
ركضت بسرعه الي الغرفه لاقفالها لينام بالخارج فهو يستحق ولاكنه كان اسرع منها وفتح الباب بسرعه
أمسكت ظلت تضربه بالمخدات
نور بغيظ : انا تخينه صح والله لاوريك وهي تضربه كان يقترب ظلت ترجع إلي الخلف وكادت تسقط امسكها بسرعه وقربها له
احمرت وجنتاها وظلت ترمش بعينيها كثير
اسر بسرحان : شوفتي لما بتتكسفي بتبقي قمر ازاي
احمرت وجنتاها أكثر وقالت : ا ابعد يا عم كدا علي فكره بقا انت قليل الادب
نزع اسر قميصه وقال : انتي مشوفتيش لسه قله الادب وغمز لها
شهقت نور بفزع واغمضت عينيها : يا اسر بجد عيب كدا علي فكره بقا انت طالق
اسر : العصمه في ايدي
نور : علي فكره بقا بجد طلقني
اسر بتريقه : علي فكره بقا نينينيني اتخمدي يخربيتك
********************
كانت حور سارحه حتي دق باب غرفتها
حور : اتفضل
بابا حور. : عامله اي يا حبيبتي
حور وهي تحضن ابيها بشوق : بخير يا حبيبي
بابا حور بحب : والله وكبرتي يا حور وبقيتي عروسه
ابتسمت حور برقه
ليكمل والدها : الف مبروك يا حبيبتي
حور : النتيجه طلعت من زمان يا بابا لسه فاكر
بابا حور بابتسامه : مبروك يا حبيبتي فرحك بعد 10 ايام
حور بصدمه : ايه
.
????????????????????????????????????????????????
الحلقة 27
.
.
حور : جواز اي يا بابا انت عمرك ما كنت كدا
بابا حور : مش لما تعرفي العريس الاول
حور بعصبية : ولو انا مقبلش بحاجه زي كدا ابدا وحضرتك ولا مره أجبرتني علي حاجه ليه دلوقتي وكمان ا…
قال مقاطعها لها : فارس
كادت أن تكمل حديثها ولاكن ما أن سمعت اسمه حتي فتحت عينيها بدهشه واخدت نفس كبير وظهرت علي وجهها شبح ابتسامه
لينهض ابيها ويقبل رأسها بحب قائلا : الف مبروك يا حبيبتي
ما أن خرج ابيها حتي نهضت بسرعه واتصلت بنور
نور بضيق : عايزه اي
حور بفرحه : لوح التلج اللي عندكم ده جه اتقدملي
نور بسعاده : لالا بتهزري
ذهبت بسرعه نور الي شهد وميرا وفتحت مكبر الصوت لتتحدث حور بفرحه
حور : مش مصدق يا عيال أنه كان بيحبني اصلا يجد
ليردو بصوت واحد : يييييييييي
حور : اي
نور : انتي الوحيده اللي مش شايفه حاجه اسكتي
شهد : طيب الخطوبه امتي بجد فرحانه ليكي اوي يا قلبي واحلي حاجه أننا كلنا هنكون في بيت واحد
حور : انا مبسوطه والله جدا برغم اني بخاف منه اوي
ميرا : فارس حنين اوي هو اه عصبي وممكن قاسي شويه بس مش هيستحمل دموعك ولا زعلك لفتره طويله ولو عملك حاجه عرفيني بس
شهد : بصراحه انا كنت بواجه صعوبه الاول مع مازن بس دلوقتي احسن الحمدلله طبيعي في البدايه هيكون في اختلافات بس لما تفهمو بعض ومع العشره هتعرفيه وهتحبيه متخافيش
نور : انتي بت مفتريه بقا المز السكره ده حد يواجه معاه صعوبه
ضحكت ميرا وقالت : بقولك اي انتي متعرفيش مازن في غضبه وعصبيته عامل ازاي ف متفضليش تقري عليهم كدة وخليكي في حالك
حور : انا بخاف من فارس اوقات كتيره اوي بحسه شبه ادهم انتي ازاي بتتعاملي معاه
ميرا : بصي لحد من قريب مكنتش فاهمه ادهم خالص وتعامله معايا دايما كان صعب ومفيش نقاش بس عرفت أنه بيحبني وانا بقيت بحبه جدا هو بيدور علي مصلحتي وشايف حاجات انا مش باخد بالي منها هو مبيعرفش يظهر حبه والي جواه صح بس
شهد : ياسيدي يا سيدي علي الحب
احمرت وجنتاها ونظرت الآخر
نور بضيق : هي مالها قلبت محن كلاب ليه كدا
ضربتها ميرا علي كتفها : بطلي رخامه
حور : عايزه تفهميني يا نور انك مش بتحبي اسر
ساد الصمت في المكان وظهر ملامح الحزن علي نور لتتحدث
نور : مش عارفه
شهد : ازاي يعني
نور : بحس وهو مش موجود بأن في حاجه ناقصاني ومش مرتاحه وفي نفس الوقت مش ده الشخص اللي كنت اتمني اني اتجوزه
ميرا : ليه بتقولي كدا
نور وعلي وجهها معالم الحزن : برغم اني شايفه أنه شخص مش مناسب ليا بس مش متخيله حياتي من غيره ابدا اتنهدت وأخذت نفس عميق وابتسمت مقولتيش يا جزمه الخطوبه امتي
ابتسمت حور وحاولت تغيير الموضوع : بابا قال الفرح بعد 10 ايام
نور بصوت عالي : نعم وهو انا هلحق اعمل الفستان وحياه أمه لالا يأجل
شهد : هل انتي العروسه هل انتي العروسه اي يا بت اللزقه دي
كان علي وجهها معالم الحزن وهي تنظر للوراء وانسحبت بهدوء من بينهم فتحت باب الغرفه واغلقته خلفها ونظرت للامام وابتسمت بيأس
ميرا : أبقا عبيطه لو محستش بوجودك من اول خطوه خطتها
ظهر اسر فجاه وابتسم نصف ابتسامه وأدار ظهره لها ليرحل ليوقفه صوتها
ميرا : بتحبها اوي كدا
اسر : في كل الأحوال انا مش شخص مناسب ليها
ميرا : ليه مقولتش الحقيقه وفهمتها
اسر : مينفعش
ميرا : ليه لا
اسر : لأنها جوه اللعبه ومش هسمح باي حاجه تأذيها خليها بعيد احسن
ميرا : بس هي كمان بتحبك
أدار نصف وجهه لها وابتسم وذهب
وظلت هي حزينه علي حال أخيها
★★★★★★★★★★★★★★★
أنهت حور المكالمه وهي مبتسمه لتسمع صوت ابيها يناديها
نزلت حور للاسفل بسعاده
حور : ايوه يا حبيبي
بابا حور : جهزي نفسك يا حبيبتي عشان عمتك جايه
حور بسرعه : ليه
بابا حور : نعم هو اي اللي ليه تساعدك عشان فرحك
حور بضيق : حاضر يا بابا عن اذنك
★★★★★★★★★★★★★★★
خرج اسر لينجز أحد المهمات وبعد انتهائه
حازم بستهزاء : اي يا عم متضايق ليه
اسر بضيق : خليك في حالك
حازم بشر : تعالا بس ده انا هوديك مكان جامد زحليقه
اسر : بقولك ايه فكك مني
حازم : الرجاله كلها هتروح ما تيجي ولا انت ملكش في خروجات الرجاله
امسكه اسر من ياقه قميصه بضيق : وعهد الله اللي مصبرني علي اهلك الراجل الكبير غير كدة كنت سفلت وشك متلعبش معايا وملكش دعوه بيا احسنلك
حازم : خليكم شاهدين يا رجاله بحاول اصاحبه واعتذر له عن اللي فات وهو اللي رافض مع أن الشيخ هو اللي قالي خده وروح بيه انا عملت اللي عليا
خالد اقترب من أسر : تعالا معانا يا عم متركبش نفسك غلط وبعدين باين عليك الزعل تعالا فك معانا ومتحبكهاش
اسر : تمام يلا
وصلو لمكان تحت الارض نظر اسر مندهشا من كل شي انها مصارعه ورهانات ولا يوجد قانون في تلك المصارعات ولا تنتهي المباراة إلا بقتل أحد الأطرافين
اقترب اسر من خالد قائلا : انا مش متفائل
خالد : يا عم ده كان عايز يصالحك أن شاء الله خير متقلقش
دخل الجميع وشاهدو تلك المراهانات والأشخاص الذين يتم كسر عظامهم دون أي شفقه ولا رحمه ظل قراب النصف ساعه وقرر الرحيل ولاكن سمع صوت في مكبر الصوت ينادي باسمه
اقترب اسر ليجد نفسه في وسط حلبه المصارعه
اسر : هو في اي
الرجل : مفيش يا باشا في ناس كتير متراهنين عليك وانت اللي هتلعب
اسر : نعم انا مش موافق
الرجل : مفيش مشكله انسحب بس هتدفع الفلوس اللي كانت مدفوعه عليك
اسر ببرود : كام
الراجل : لحد دلوقتي اكتر من 100 الف
اسر : نعم ليه أن شاء الله ده انتم لو هتجيبو مسي اللي يلعب مش هتدفعو كدة في اي
الراجل : والله هو ده اللي عندي
أدرك اسر تلك اللعبه التي تحدث عليه ليوقف ولاكن بشرط يتم إرجاع جميع الأموال لأصحابها الا شخص واحد
خالد : انت أهبل يا جدع انت ده فيها موتك
اسر : خلينا نجرب اهو افك عن اللي مضايقني وبعدين الواحد عايش بقاله كتير اوي
خالد : اوعي تموت يا صاحبي
اسر : يا ابني انت اهبل انت مستقل بقدراتي اتفرج وشوف
وكانت أول جوله مع شخص قوي ولاكن تغلب عليه اسر بسهوله
اسر بفخر : شوفت ياض انت قدارتي عامله ازاي انا اصلا بطل العالم في المصارعه مرتين بس مبحبش اتكلم عن نفسي كتير
اعلن الصوت عن ظهور المنافس وما أن نظر ناحيه الشخص لم يري أمامه وسقط علي الارض بعد مسافه بعيده نظر حوله وهو يغمض عينيه ويفتحها مرتين
خالد : اي يا بطل
اسر : ولا أنا في ميكروباص شاطني بعيد
خالد : لا وانت الصادق ده قطر
اسر : متهرجش
سحب اسر بسرعه من قدمه
خالد : اسر يا اسر في حفظ الله يا حبيبي كنت بحبك والله
رفعه المصارع لفوق وانزله بقوه علي الحديد تألم اسر بقوه ولم يستطع التوازن ليقترب منه خالد
خالد : اسم الله عليك يا حبيبي مكنش يومك يا غالي
اسر وهو يبصق من فمه الدم : يا خالتي مش وقتك خالص
يالهوييي
ظل يضرب وجهه حاول اسر التصدي له وضربه ولاكن لم تؤثر به ليسقطه أرضا مره اخري
اسر : وحياه ابوك مسمعش صوت اهلك واتصرف
خالد : اعمل اي
اسر : هات بدره صراصير
خالد : اي ده هترشه في البيت عندك
اسر : بدره عفاريت ويارب تفهم مش ناقص غباء اهلك دلوقتي
سحب اسر مره اخري : حبيب قلبي انا جايلك والله مستعجل علي اي بس
حاول اسر بكل الطرق صد ضربات ذالك العملاق ولاحظ تناوله بعض الحبوب لتتاكد ظنونه
جاء خالد إليه بسرعه
خالد : ده انت اتشلفتط خالص يا عين امك يا ابني
اسر بتعب : ونبي يا خالتي جبتي اللي طلبته
خالد : ايوه بس عايزه ليه
هم ناهضا اسر : ربي عيالك يا حجه
امسك اسر تلك العبوه واتجه نحو ذاك العملاق وقام بضربه والهرب منه وظهر فجاه وهو علي ظهره وأخذ يفرغ علي جسده العبوه بشكل غير ملحوظ وهرب بسرعه ما هي إلا لحظات حتى وجده غير متزن ويحك جسده بقوه استغل اسر ما حدث له وأخذ يسدد له اللكمات حتي خرج الدم من فمه لم يستطع ذالك العملاق التصدي له فقد كان منشغلا بحك جسده حتي خارت قواه وسقط أرضا وأعلن اخيرا فوز اسر
خالد بفرحه : بطلي المفضل
اسر بتعب وعصبيه : ولا اخرس خالص كل ده بسببك صمتو لثواني حتي تحدث اسر
اسر وهو يضربه في كتفه : بطلي اي وزفت اي ماتنشف يلا كدا دي مراتي مقالتهاش
خالد : طب علي فكره انت طلعت عايش اي اللي مضايقك
اسر بتفكير : انا مش متضايق انا محتار ادخل البيت ازاي
★★★★★★★★★★★★★★★
في مكان آخر
ميرا : قلبي مش مطمن يا فارس
فارس : في اي
ميرا : اسر انا قلقانه عليه اتاخر
فارس ببرود : متقلقيش هو قال هييجي قبل 11
ميرا : كدا قلقي زاد الساعه عدت 12
فارس : لا ما هو انا طلبت منه شويه حاجات هيجيبها وييجي متقلقش انا مستنيه روحي نامي وجهزي نفسك علشان تنزلي معانا تجيبي حاجه لفرحي
ابتسمت ميرا بفرحه : متحمسه جدا لليوم ده وبعدين اجي معاكم اي انا اصلا هروح مع جوزي حبيبي
امسكها فارس من كتفها وقال : حبيبي ها
توترت قليلا واحمرت وجنتاها وابعدت يديه وقالت : اه وأخرجت لسانها وفرت من أمامه
ليبتسم فارس وبعد رحيلها ظهرت معالم الغضب عليه
★★★★★★★★★★★★★★★
وصلت غرفتها ووجدته يجلس علي كرسيه عابس ينظر لها ببرود
ادهم : كنتي فين
ميرا بفرحه : كنت بكلم فارس اقتربت منه بابتسامه وامسكت يده وهي سعيده
ميرا : عايزين بكرا نروح نجيب شويه حاجات عشان فرح فارس
نظر ادهم ليديها وابعدها عنه ونهض من مكانه وقال : مش فاضي
ذهبت بخطوات سريعه اتجاهه وأمسكت يده وهي تلوح بها يمينا وشمالا : بالله عليك متبقاش رخم الكل هيروح وانا قولت انك…..
ادهم بعصبية باعدا إياها عنه بعنف : انا قولت مش فاضي
نظرت له بخوف ونظرات عتاب وهي ترجع للوراء
عندما وجدها ادهم علي تلك الحاله زاد من غضبه ليكسر ما امامه وهو يقول بصوت عالي نسبيا : ده اي القرف ده وخرج تاركا ايها تفكر في تصرفه وفيما يحدث معه
★★★★★★★★★★★★★★★
اقتربت منه نور وقبل أن تفتح فمها قال فارس بضيق : لا
نور : هو انت عرفت هقول اي حتي
فارس ببرود : لسه مجاش
نظرت له بضيق ورحلت
دخلت غرفتها وهي غاضبه تسب فارس وبروده معها حتي لاحظت خيال شخص خارج المنزل وضعت يديها علي فمها بسرعه مانعه صراخها ووجدت نافذه غرفتها تفتح ويدلف منها شخص ضخم
لتصرخ بقوه طالبه النجده
★★★★★★★★★★★★★★★
ذهبت لتحضير الغداء ف عمتها ستأتي وعلي الساعه ال 6 أتت عمتها
وبعد السلامات جلسو جميعا علي مائده الطعام ولاحظت نظرات عمتها وابن عمتها السيئه لها كانت قلقه رن هاتفها لينقذها من نظراتهم ذهبت لترد علي الهاتف
حور : السلام عليكم
فارس : وعليكم السلام الجميل عامل اي
حور بابتسامه : مين حضرتك
فارس : نعم يعني مش عارفه صوتي
ضحكت حور وقالت : عارفه بس بستهبل
فارس : استهبلي براحتك مسيرك تدخلي بيتي وريني بقا هتستهبلي ازاي وبعدين خدي هنا بتردي علي اي رقم كدا عادي
حور : اه ما هو انا عارفه أنه رقمك وبعدين براحتي علي فكره
فارس : ماشي يا قلبي
صمتت حور ليكمل هو
فارس : بتبقي قمر اوي لما خدودك تحمر وحشتيني
صمتت حور قليلا لتجيب : عيب كدا
فارس : عيب اي بس
حور بتوتر : ا ا ا انا بابا بينادي
احمد بغضب امسك يديها : بتكلمي مين
أقفلت حور الخط بسرعه لتجيب ببرود : خطيبي وياريت تخليك في حالك وايدك دي بجد لو لمستني تاني هقطعها واحترم نفسك واحترم الراجل اللي انت في بيته
رحلت حور وتركته في قمه غضبه
ظل فارس يرن عليها كثيرا لم تسمع الهاتف لترتيبها بعض الاشياء في المطبخ وعند وصولها لغرفتها وجدت مكالمات فائته كثيره ليرن الهاتف مره اخري
وما أن فتحت الخط حتي وجدت صوته
كان يتحدث بحده وعصبيه وغضب شديد : مبترديش ليه
شعرت بدقات قلبها تزداد لتصمت قليلا
فارس بغضب : انطقي
حور بتوتر : انا انا كنت بخلص حاجات في المطبخ والله ما سمعت الفون
فارس بنفس نبره صوته : شاب مين اللي عندك في البيت يا حور ياريت تنطقي بسرعه وتختبريش صبري كتير
حور بصوت شبه باكي : ده احمد ابن عمتو
فارس بغضب يزداد : اي اللي جابه عندكم
حور : علشان ابن عمتو وكلهم جم النهار ده يجهزو معايا للفرح
سمعت صوت اقفال الخط توترت قليلا وبعدها حمدت الله تجهزت للنوم وقبل أن تنام شعرت بالعطش ذهبت للمطبخ لإحضار الماء
لم تشعر الا بيد تمسكها وتقيدها في غرفه و و و
.
يتبع
.الحلقة 28
الحلقة 29
الحلقة 30
.
.
رواية / صغيرة الادهم
بقلم نوران احمد
علقوا هنا ب 10 ملصقات
????????????????????????????????????????????????
الحلقة 28
.
.
فزعت نور مما راته لتصرخ بصوت عالي ليكتم فهمها
سمعها فارس ليقفل الخط بسرعه ويركض اتجاه غرفتها
عندنا كتم صوتها دمعت أعين نور بخوف
فتح فارس الباب بسرعه ولسرعه اسر خبأ نور خلف ظهره ولم يراها فارس
اسر بضيق : اي يا عم انت ازاي تدخل كدا
فارس وهو يدير ظهره بسرعه : اسف انا بس قلقت عليها كنت بحسب في حاجه بس من حقها تصرخ من المنظر اللي انت فيه ده مين عمل فيك كدة
اسر : احم ده ميكروباص خبطني بس مفيش حاجه
